முன்னைநாள் பெண்போராளிகள் தமது வீரம் செறிந்த போராட்டங்கள் குறித்தும் இன்றைய அவலங்கள் குறித்தும் பேசுகிறார்கள். இன்று அவர்கள் சந்திக்கும் சமூக ஒடுக்குமுறை கோரத்தால் கண்ணீர் வடிக்கிறார்கள். நெஞ்சை உருக்கும் அவலத்தினுள் அவர்கள் வாழ்கிறார்கள். உலகம் முழுவதும் இந்த அவலம் வியாபாரப் பொருளாக்கப்பட்டுள்ளது. விடுதலை செய்யப்பட்டு மறு வாழ்வு கொடுக்கப்பட்டுள்ளதாகக் கூறும் இலங்கை இராணுவ சர்வாதிகாரத்தின் கொடூரம் குறித்துப் முறையிடுகிறார்கள்.
புலிகளுக்கு ஏகோபித்த ஆதரவு வழங்கியதாகக் கூறப்பட்ட சமூகம் இன்று பெண்போராளிகளை மனித உயிர்களாகக் கூட மதிப்பதில்லை என்ற அவலத்தை விபரிக்கிறார்கள்.
