இத்தாக்குதலில் படகிலிருந்த இரு புலி உறுப்பினர்களும் கொல்லப்பட்டுள்ளனர். இதனை அடுத்து அப்பகுதியில் கடற்படையினரால் சோதனை நடவடிக்கையொன்று மேற்கொள்ளப்பட்டு வரும் அதேவேளை கடற்படையினரால் பாதுகாப்பும் அதிகரிக்கப்பட்டுள்ளது.
விடுதலைப் புலி உறுப்பினர்கள் கடல்வழியாகத் தப்பிச் செல்லாதிருக்கும் வகையிலேயே முல்லைத்தீவு கடற்பரப்பில் கடற்படையினரின் படகுகள் ரோந்து நடவடிக்கைகளில் ஈடுபட்டிருந்தன. அதைத் தடுப்பதால் அவர்கள் தப்பிச் செல்வதற்கான வழி கிடைக்கும் எனும் பட்சத்திலேயே இந்த தாக்குதலை நடத்த புலிகள் முற்பட்டுள்ளனர்.
ஏனைய பகுதிகளிலும் மோதல் தீவிரம்
இதேவேளை முல்லைத்தீவு மாவட்டத்தின் விசுவமடு, புளியம்பொக்கணை, உடையார்க்கட்டுக்குளம், பள்ளக்குடியிருப்பு, புதுக்குடியிருப்பு தெற்கு, மற்றும் முள்ளியவளை கிழக் கு போன்ற பகுதிகளில் படையினருக்கும் விடுதலைப் புலிகளுக்கும் இடையில் கடும் மோதல்கள் இடம்பெற்றுள்ளன.
இதில் படைத்தரப்புக்கு சிறியளவில் சேதங்கள் ஏற்பட்டுள்ள அதேவேளை புலிகள் தரப்பு பாரிய இழப்புக்களை சந்தித்துள்ளதாக தேசிய பாதுகாப்புக்கான ஊடக மத்திய நிலையம் தெரிவித்தது.
முல்லைத்தீவு கடற்பரப்பில் இன்று கடுமையான மோதல்கள் இடம்பெற்றதாக தெரிவிக்கப்படுகிறது. கடற்படையினருக்கும் கடற்புலிகளுக்கும் இடையில் நடைபெற்ற கடற்சண்டையில் கடற்படையின் இரண்டு வேகத்தாக்குதல் படகுகள் கடற்புலிகளால் தாக்கி மூழ்கடிக்கப்படடதாக புலிகள் தரப்புச் செய்திகள் தெரிவிக்கின்றன.