தமிழீழ விடுதலைப்புலிகளின் தலைவர் பிரபாகரனின் இளைய மகன் குறித்து சனல் 4 இல் வெளியான நிழல் படத்தைத் தான் பார்த்ததாகவும் அதன் நம்பகத்தன்மையை உறுதிப்படுத்த முடியாதுள்ளதாகவும் இந்திய வெளியுறவுத்துறை அமைச்சர் சல்மான் குர்ஷீத் தெரிவித்தார். இலங்கை இந்தியாவின் முக்கியமான அயல்நாடு என்றும் எல்லாத் துறைகளிலும் இலங்கையுடனான உறவுகளை வலுப்படுத்திவருவதாகவும் தெரிவித்தார். இந்திய மத்திய அரசின் இலங்கை தொடர்பான நிலைப்பாட்டை சல்மான் குர்ஷீத் கூறியுள்ளார். இலங்கையில் இனப்படுகொலை நிகழ்த்துவதில் ராஜபக்ச அரசோடு நேரடியாக இணைந்து செயற்பட்ட இந்திய அரசு இறுதிநேரக் கொலைகளின் பின்னணியில் செயற்பட்டிருக்கலாம் என்ற சந்தேகங்களும் நிலவுகின்றன.
