ஜயவர்தனபுர பல்கலைக்கழகத்தைச் சேர்ந்த இரு மாணவர்கள் மீது நேற்று முந்தினம் இரவு தாக்குதல் மேற்கொள்ளப்பட்டுள்ளது. இரவு உணவைப் பெற்றுக் கொள்வதற்காகக் குறிப்பிட்ட இரு மாணவர்களும் பல்கலைக்கழகத்திலிருந்து வெளியே வந்த போது கெப் வாகனம் ஒன்றில் அங்கு வந்த அறுவர் கொண்ட குண்டர் குழுவினால் இவர்கள் தாக்கப்பட்டுள்ளனர் என தெரிவிக்கப்படுகிறது.
கடுமையான தாக்குதலுக்கு இலக்கான இந்த இரு மாணவர்களும் உடனடியாக களுபோவிளை வைத்தியசாலையில் அனுமதிக்கப்பட்டனர். இவர்களில் ஒருவர் சிகிச்சை பெற்ற பின்னர் வெளியேறியுள்ளார். மற்ற மாணவர் தற்போதும் வைத்தியசாலையில் தங்கி சிகிச்சை பெற்று வருகிறார். ஜயவர்தனபுர பல்கலைக்கழகத்தின் முகாமைத்துவ பீடத்தின் இரண்டாம் ஆண்டு மாணவர்களான உதார லக்மால், அனில் சாந்த ஆகியோரே தாக்குதலுக்கு இலக்காகினர். இவர்கள் மீது தாக்குதல் நடத்துவதற்காக குண்டர்கள் பயணித்த கெப் வாகனத்தின் இலக்கம் H.C 2152 என்பதாகும் எனவும் தெரிவிக்கப்படுகிறது.