நவம்பர் 14 ஆம் திகதி ஐரோப்பா தழுவிய வேலை நிறுத்தப் போராட்டங்கள்

நவம்பர் பதின் நான்காம் திகதி ஐரோப்பா முழுவதும் தொழிலாளர்கள் வேலை நிறுத்தம் செய்வதற்கான அறிவிப்பை தொழிற்சங்கங்கள் விடுத்துள்ளன. ஆரம்பத்தில் கிரேக்கம், சைப்பிரஸ், ஸ்பெயின், போத்துக்கல் ஆகிய நாடுகளின் தொழிற்சங்கங்களே இந்தப் போராட்டத்தில் ஒன்றிணைந்து அழைப்புவிடுத்தன, பின்னதாக இந்த அழைப்பு ஐரோப்பா முழுவதுக்குமான அழைப்பாக அமைந்தது. உலகம் முழுவதிலும் இருந்து போராட்டத்திற்கான ஆதரவு பல்வேறு வடிவங்களில் கிடைத்ததாக ஏற்பாட்டாளர்கள் தேரிவித்தனர்.
திவாலாகும் வங்கிகளுக்கும் பல்தேசிய நிறுவனங்களுக்கும் மக்களிடமிருந்து அறவிடும் வரிப்பணத்தை வழங்வதற்கு எதிராகவும், வேலை நீக்கங்களுக்கு எதிராகவும், அரசுகளின் சிக்கன நடவடிக்கைகளுக்கு எதிராகவும் இந்தப் போராட்ட அழைப்பு விடுக்கப்பட்டுள்ளது.