தென்னிந்திய சினிமாக் கூத்தாடிகளுக்காக யாழ்பாணத்தில் போராட்டம்

இலங்கையில் பேரினவாத அரசால் அழிக்கப்படும் கலை பண்பாட்டு விழுமியங்களின் எச்சங்களை தென்னிந்திய சினிமாக் கலாச்சாரத்தால் மனோநிலை பாதிப்படைந்த கூட்டம் ஒன்று அழிக்க முன்ற்படுகிறது. சுய நிர்ணய உரிமைக்காக ஆயிரமாயிரமாய் தியாகிகளைத் தாரைவார்த்துக்கொடுத்த வடக்கிலும் கிழக்கிலும் இதுவரை புரட்சிகரக் கலாசாரம் துளிர்விடக்கூட இல்லை. தென்னிந்திய சினிமாக் கூத்தாடிகளையும், அரசியல் கதாநாயகர்களையும் நம்பியிருந்த அரசியல் தலைமைகள் சினிமாக் கூத்தாடிகள் விஜை அஜித் போன்றவர்களை இரட்சகர்களாக்கியுள்ளது.
யாழ்ப்பாணத்தில் விஜை கதாநாயகனாக நடித்த வன்முறைக் குப்பையை விமர்சித்ததற்காக உதயன் பத்திரிக அலுவலகம் முன்பதாக ஒரு குழு ஆர்ப்பாட்டம் நடத்தியுள்ளது. இலங்கை அரச விமான ஊர்த்தியில் உலாவந்த இந்த சினிமாக் குப்பைகளின் புலம் பெயர் முகவர் ஐங்கரன் உரிமையாளர் கூட எதிர்பார்த்திராத ‘தேசியத்’ திருப்புமுனை இது. முப்பது வருடப் போராட்டத்தின் ஒரு பகுதி பல்தேசிய நிறுவனங்களதும் வியாபார வெறியர்களது கைகளில் அகப்பட்டுக்கொள்ள மறுபகுதி அப்பாவிகளுக்கு சினிமாக் கூத்தாடிகளைக் கதாநாயகர்களாக அறிமுகப்படுத்தப்பட்டுள்ளனர்.