மர்மமான முறையில் காணாமல் போய் படுகொலை செய்யப்பட்ட நிலையில் சடலமாக மீட்கப்பட்ட மட்டக்களப்பு கோட்டைமுனை கணிஸ்ட வித்தியாலய மாணவி சதீஷ்குமார் தினுசிக்கா கொலை தொடர்பாக ஐவர் கைது செய்யப்பட்டுள்ளதாக மட்டக்களப்புக் காவல் துறையின் உள்ளகத் தகவல்கள் தெரிவிக்கின்றன. எனினும் இந்தக் கைது குறித்து காவற்துறையினர் தகவல்கள் எதனையும் வெளியில் கசிய விடவில்லை எனக் கூறப்படுகின்றது.
முச்சக்கர வண்டிச் சாரதி ஒருவர், பெண் ஒருவர் மற்றும் 3 இளைஞர்கள் என கைது செய்யப்பட்ட ஐவரில் சிலருக்கு ஆயுதக் குழுவொன்றுடன் நெருங்கிய தொடர்பு இருப்பதாக கூறப்படுகின்ற நிலையில் கைது செய்யப்பட்டவர்களை விடுவிப்பதற்கான அரசியல் அழுத்தங்கள் பிரயோகிக்கப்படலாம் என பிரதேசத்தின் முக்கியஸ்தர்கள் ஐயம் வெளியிட்டுள்ளனர்.
இம் மாணவி கப்பம் கோரியே கடத்தப்பட்டிருந்ததாக பரவலாக ஊகங்கள் நிலவுகின்றது.