நாகப்பட்டினம் மாவட்டம் வேதாரண்யம் வட்டம் பஞ்சநதிக்குளம் கிழக்கு ஊராட்சியைச் சேர்ந்த 102 வயதான குப்பான் என்னும் தலித் சமூகத்தைச் சேர்ந்த வர் மரணமடைந்தார். இவரது உடலை மயானத்திற்கு கொண்டு செல்லும்போது, மயானத்திற்கான பாதை சிவப்பிரகாசம் என்பவரால் அடைக்கப்பட்டிருந்தது. இதனையடுத்து பாதை அடைக்கப்பட்ட இடத்திலேயே பிணத்தை வைத்து போராட்டம் நடத்தப்பட்டது.
இந்த போராட்டத்திற்கு மார்க்சிஸ்ட் கம்யூனிஸ்ட் கட்சி ஒன்றியச் செயலாளர் கோவை சுப்பிரமணியம், மாவட்டக் குழு உறுப்பினர் வி.அம்பிகாபதி, ஒன்றியக் குழு உறுப்பினர் செந்தில்குமார் ஆகியோர் தலைமை தாங்கினர்.
தகவல் அறிந்த டிஆர்ஓ அண்ணாத்துரை, ஆர்டிஓ ராஜேந்திரன், டிஎஸ்பி சந் திரசேகரன், தாசில்தார் கருணாகரன் உள்ளிட்ட அதிகாரிகள் சம்பவ இடத்திற்கு நேரில் வந்து பேச்சு வார்த்தை நடத்தினர். பின்னர் அடைக்கப்பட்ட பாதை மீண்டும் திறக்கப்பட்டது.
இப்பிரச்சனை மீண்டும் ஏற்படாத வகையில் ஆதி திராவிட நலத்துறையின் மூலம் மயானத்திற்கு சாலை அமைத்துத் தரப்படும் என அதிகாரிகள் உறுதியளித் தனர்.
நாகை மாவட்டம் வேதாரண்யம் வட்டம் வாட்டாக்குடியில் தலித் மக்களுக்கென கட்டப்பட்டு, சாதி ஆதிக்க வெறியர்களால் இடிக்கப்பட்ட மயானம் மீண்டும் கட்டப் பட்டு பொது மயானமாக ஏற்க வைக்கப்பட்டது.செட்டிப்புலத்தில் தலித் மக்களின் ஆலய நுழைவு உறுதி செய்யப்பட்டது. இப்போது பஞ்சநதிக் குளத்தில் தலித் மக்களின் மயானத்திற்கு பாதை திறக்கப்பட்டது என மார்க்சிஸ்ட் கட்சி நடத்திய தொடர் போராட்டத்திற்கு மும்முனை வெற்றி கிடைத்துள்ளது.