தமிழ் விவசாயிகளை அச்சுறுத்தும் பெளத்த துறவிகள்.

திருகோணமலை மகாவிளாங்குளம் பகுதியில் உள்ள தமிழ் விவசாயிகளை அங்கிருந்து வெளியேறும்படி, அந்த பிரதேசத்தைச் சேர்ந்த புத்த பிக்குகள் சிலர் அச்சுறுத்தியுள்ளனர்.
திருகோணமலையில் மகா விளாங்குளம் பகுதியில் 13ம் பிரிவில் நூற்றுக் கணக்கான தமிழ் விவசாயிகள் நெற்பயிர் செய்கையில் ஈடுபட்டு வருகின்றனர். இந்த நிலையில் அவர்களை அங்கிருந்து துரிதமாக வெளியேறுமாறு, பெளத்த துறவிகள் சிலர் அச்சுறுத்தி இருப்பதாக தகவல்கள் வெளியாகியுள்ளன.

பாதிக்கப்பட்ட தமிழ் விவசாயிகள், நொச்சிக்குளம், சாந்திபுரம் பகுதியைச் சேர்ந்தவர்கள் என தெரிவிக்கப்படுகிறது.

இது தொடர்பில், முன்னர் தமிழ் பெயரான ‘முதலிக்குளமாக” இருந்து பின்னர் பெயர் மாற்றப்பட்ட மொரவேவ பிரதேச செயலாளரிடம் குறித்த விவசாயிகள் முறைபாடு மேற்கொண்டுள்ளதாக கூறப்படுகிறது.