‘சகோதரத்துவத்தின் தினமான’ ஜூலை 23 ஐ முன்னிட்டு சமூகவாத இளைஞர் சங்கம், தேசிய ஒற்றுமையை வலியுருத்தி பல நிகழ்ச்சித் திட்டங்களை ஏற்பாடு செய்திருப்பதோடு, அதன் ஒரு அங்கமாக இந்த எதிர்ப்பு ஆர்ப்பாட்டத்தை ஏற்பாடு செய்ததாக அதன் ஏற்பாட்டாளர் பிமல் ரத்னாயக தெரிவித்துள்ளார்.
தமிழ் அரசியல் சிறைக் கைதிகளை விடுதலை செய்து அவர்களுக்கு சாதாரண வாழ்க்கையை வாழ சந்தர்ப்பம் ஏற்படுத்திக் கொடுக்க வேண்டும் எனவும் அவர் குறிப்பிட்டார்.
இந்த எதிர்ப்பு ஆர்ப்பாட்டத்தில் சிங்கள, தமிழ், முஸ்லிம் இளைஞர், யுவதிகள் பலர் கலந்துகொண்டனர்.
சிங்கள இளைஞர்களே பெரும்பான்மையாகக் கலந்து கொண்ட இந்தப் போராட்டம் மிகுந்த முக்கியத்துவம் வாய்ந்ததாகக் கருதப்படுகின்றது.
