இலங்கை போர்ப்பகுதியிலிருந்து வெளியேறிய அகதிகள் தடுப்பு முகாமில், வசிக்கும் பெண்ணொருவரிடம் உணவையோ உடையையோ வாங்க முடியவில்லை. அப்பெண்மணி ஒரு உதவிப் பணியாளரிடம் பணம் கொடுத்து சில உடைகளையும் உண்ண உணவும் முட்கம்பி வேலிகளுக்கப்பால் சென்று வாங்கி வருமாறு கேட்டுக்கொண்டார் என குறிப்பிட்ட நிக் பட்டன் வலஷ் என்ற சனல் 4 செய்தியளர், இலங்கையிலிருந்து வெளியேற்றப்பட்ட பின்னர் இலங்கை நிலவரம் தொடர்பாக நீண்ட கட்டுரை ஒன்றை எழுதியுள்ளார்.
அரச படைகளின் மனித உரிமை மீறல்கள் தொடர்பாகவும், முகாம்களில் மக்களின் அவலம் தொடர்பாகவும் பலதரப்பு ஆதாரங்களுடன் வெளியான கட்டுரையில் பண வசதி இருப்பினும், முகாமை விட்டு வெளியில் சென்று வாழ வசதிகள் இருப்பினும் முகாம்களுக்கு வெளியில் செல்ல இலங்கை அரசு இவர்களை அனுமதிப்பதில்லை என தன்னார்வப் பணியாளர் ஒருவரை மேற்கோள்காட்டி செய்தி வெளியிட்டுள்ளார்.
குழந்தைகள் நசுங்குண்டு இறந்து போவது தொடர்பாகவும், பாலியல் வன்முறைகள் தொடர்பாகவும், காணாமல் போதல் தொடர்பாகவும் தெளிவான தகவல்களை வெளிக் கொண்டுவரும் நிக் பட்டன் வலஷ் அவர்களின் கட்டுரை அகதித் தடுப்பு முகாமுக்குள் சென்ற முதல் அரச சார்பற்ற ஒருவரின் கட்டுரை என்ப்ற வகையில் முக்கியத்துவம் பெறுகிறது.