நடிகர் சரத்குமார் மனைவி நடிகை ராதிகாவின் தயாரிப்பில் சரத்குமார் நடிப்பின் உருவான படம் ஜக்குபாய். இந்தப்படம் எடுத்து முடிக்கப்பட்டாலும் இப்படத்தை வாங்கி விநியோகம் செய்ய யாரும் முன்வரவில்லை. இந்நிலையில் அப்படம் வெளியாவதற்கு முன்பே இணைய தளங்களில் வெளியானது. ஆனால் அதைக் கூட யாரும் பார்க்கவில்லை என்பது தனிக் கதை. இந்நிலையில் தமிழக முதல்வர் கருணாநிதியை திரைத்துறையினரைத் திரட்ட்ப் போய் சந்தித்த சரத்குமார் திருட்டி விசிடி வைத்திருப்போர் மீது குண்டர் சட்டம் பாயும் படி நடவடிக்கை எடுக்கும் படி கேட்டுக் கொண்டார். கருணாநிதியின் அப்படியே செய்தார். இந்நிலையில் ஜக்குபாய் திரைப்படத்தை கலைஞர் டிவி வாங்கி விட்டது. மேலும் ஏற்கனவே வெளியாகிவிட்ட படத்தை மீண்டும் திரையரங்குகளில் வெளியிட தயாராகிவருகிறார் நடிகர் சரத்குமார். இந்நிலையில் முதல்வர் கருணாநிதிக்கு ஸ்பெஷலாக ஜக்குபாய் படத்தை திரையிட்டுக் காட்டினார் சரத்குமார். முதல்வர் மூன்று மணிநேரம் அமர்ந்து படம் பார்த்து விட்டு “ஜக்குபாய் நேர்த்தியான கலைவடிவம் “ என்று பாராட்டினாராம். தவிறவும் சினிமாக் காரர்களுக்கு கருணாநிதி வாரி வழங்கிக் கொண்டிருக்கும் சலுகைகளுக்காக விரைவில் நேரு ஸ்டேடியத்தில் பிரமாண்ட பாராட்டு விழா நடைபெற இருக்கிறது. அதில் கருணாநிதிக்கு பல விருதுகளைக் கொடுக்க கமலஹாசனும் ரஜினியும் தயாராகி வருகிறார்கள். என்பதோடு தமிழ் சினிமா குத்துப்பாட்டிற்கு மும்பை அழகிகளை ஆட வைத்து முதல்வருக்கு ஸ்பெஷல் காட்சி விருந்துக்கு ஏற்பாடும் செய்திருக்கிறார்களாம்.
