சிறுமியின் சாவுக்கு காரணமான பள்ளி பேருந்துக்கு கடந்த 20 நாட்களுக்கு முன்புதான் எப்.சி. (தகுதிச்சான்று) வழங்கப்பட்டிருக்கிறது. இதனால் விபத்துக்கு முக்கிய காரணம், போக்குவரத்து துறை அதிகாரிகள்தான் என்ற வலுவான குற்றச்சாட்டு எழுந்தது. இதையடுத்து அந்த பேருந்துக்கு தகுதிச் சான்றிதழ் வழங்கிய தாம்பரம் வட்டார போக்குவரத்து அலுவலர் பட்டப்பசாமி மற்றும் தாம்பரம் மோட்டார் வாகன ஆய்வாளர் ஆகிய அதிகாரிகள் சஸ்பெண்ட் செய்யப்பட்டனர்.
அதிகாரிகளைத் தற்காலிகமாக இடை நிறுத்துவதால் தொடரப்போகும் இவ்வாறான பிரச்சனைகளுக்குத் தீர்வு காண முடியாது, இந்த விபத்து தனியார் மயமாக்கலின் இலாபவெறியின் படுகொலையே என புரட்சிகர மாணவர் இளைஞர் முன்னணியின் ஊடக அறிக்கையில் தெரிவிக்கப்பட்டுள்ளது.