சுமந்திரன் அமைச்சராகிறார்?

இலங்கையில் சர்வாதிகாரி ராஜபக்சவிடமிருந்து ஆட்சியைக் கைப்பற்றிக்கொண்ட கொழும்பு உயர்குடிகள் மற்றொரு கொழும்பு தமிழ் உயர்குடியைச் சேர்ந்த சுமந்திரன் என்ற முன்னை நாள் பாதிரியாரான தமிழ்த் தேசியக் கூட்டமைப்பின் நியமன எம்.பியை அமைச்சராக்கத் தீர்மானித்துள்ளது. இலங்கை ஜனாதிபதித் தேர்தலுக்கு முன்பதாக தாம் எந்த அமைச்சரவையிலும் அங்கம்வகிக்கப் போவதில்லை எனக் கூறிய தமிழ்த் தேசியக் கூட்டமைப்பு இப்போது தலைகீழாக மாறியிருப்பதாகத் தவல்கள் தெரிவிக்கின்றன. மொழி, சமூக ஒருங்கிணைப்பு மற்றும் மீள் குடியேற்ற அமைச்சராக சுமந்திரன் பதவியேற்பார் எனத் தெரியவருகிறது.

அதேவேளை போர்க்குற்றவாளியும் இனப்படுகொலை இராணுவ நடவடிக்கைகளைத் தலைமைதாங்கி நடத்தியவருமான சரத் பொன்சேகா பாதுகாப்பு அமைச்சராகப் பதவியேற்பார் எனத் தெரியவருகிறது.

25 அமைச்சர்கள் கொண்ட அமைச்சரவையில் சம்பிக்க ரணவக்க எரிசக்தி அமைச்சராக சம்பிக்க ரனவக்க பதவியேற்பார் எனத் அறிவிக்கப்படுகிறது.
உத்தியோகபூர்வமாக இத் தகவல்கள் இன்னும் தெரிவிக்கப்பட்வில்லை எனினும் முன்மொழிவுகள் மேற்கொள்ளப்பட்டதாகத் தெரியவருகிறது.

சுமந்திரன அமைச்சராவதற்கு முன்பதாக இலங்கையில் சிறைவைக்கபட்டுள்ள அரசியல் கைதிகள், காணமல் போனோர், கடத்தபட்டவர்கள், வடக்குக் கிழக்கில் இராணுவ முகாம்கள், சுன்னாகம் அனல் மின்னிலையத்திலிருந்து அழிக்கப்படும் யாழ்ப்பாண நீர் மற்றும் நிலவளம் போன்றன தொடர்பான பிரச்சனைகளை உடனடியாகத் தீர்க்குமாறு மக்கள் எதிர்பார்க்கிறார்கள்.

பிந்திய தகவல்:
புதிய அமைச்சரவையில் அமைச்சர்களின் பெயர்களுடன் வெளியான பட்டியலும் தான் அமைச்சராக முன்மொழியப்பட்டதும் தவறான தகவல்கள் என்று சுமந்திரன் தனது முகநூல் பக்கத்தில் குறிப்பிட்டுள்ளார். தவிர, தமிழ்த் தேசியக் கூட்டமைப்பு அமைச்சரவையில் பங்கேற்காது என்றும் குறிப்பிட்டுள்ளார்.