சனல் நான்கில் இலங்கை இனபடுகொலை அவலங்கள் காண்பிக்கப்பட்டன. இனப்படுகொலைகளுக்கும் மனித அவலங்களுக்கும் எதிரான உலகப் பொது அபிப்பிராயத்தை உருவாக்கும் நோக்கிலும் படுகொலையாளர்களை அன்னியப்படுத்தித் தண்டிக்கும் நோக்கிலும், பாதிக்கப்பட்ட மக்களுக்கு நிவாரணம் வழங்குவதற்கான அழுத்தங்களை வழங்கும் நோக்கிலும், 60 ஆண்டுப் பேரினவாதமும் அதன் இன்றைய குறியீடான பாசிஸ்ட் மகிந்த ராஜபக்ச அரசின் இனச்சுத்திகரிப்புக் உலக மக்கள் குறித்த விழிப்புணர்வை உருவாக்கி அவற்றை தடுத்து நிறுத்தும் நோக்கிலும் இவ்வாறான ஆதரங்கள் பயன்படுத்தப்பட வேண்டும். தவிர வியாபாரிகளும், சந்தர்ப்பவாதிகளும், கொலையாளிகளும் எந்தக் குற்ற உணர்வுமின்றி இவற்றை முதலீடாக்குவதற்கு இன்னும் நாம் அனுமதிக்கலாகாது.
