கோதபாயவின் உத்தரவின் பெயரிலேயே அனைத்துக் கொலைகளும் நடைபெற்றன : சனல் 4

இலங்கை இராணுவத்தின் 58ஆம் படைப்பிரிவைச் சேர்ந்த உயர் அதிகாரி ஒருவர் சனல் 4 செய்திச் சேவைக்கு சாட்சியம் வழங்கியதன் அடிப்படையில் கோதாபாய ராஜபக்சவின் உத்தரவின் பெயரிலேயே வெள்ளைக் கொடியுடன்  சரணடைந்த புலி உறுப்பினர்கள் கொல்லப்பட்டனர் எனத் தெரிவித்துள்ளார். இறுதி நாள் யுத்தத்தில் கோதாபாயவின் உத்தரவின் அடிப்படையில் சவேந்திர சில்வா செயலாற்றியதாக புகைப்பட ஆதரங்களுடன் அந்த அதிகாரி சாட்சியமளித்துள்ளார்.

சாட்சிதாரிகளில் ஒருவரான இராணுவ அதிகாரி ஒருவர் விடுதலைப்புலி உறுப்பினர்கள் சரணடைவதற்கான உத்தரவாதம் ஜனாதிபதியால் வழங்கப்பட்ட நிலையில், சரணடைந்த விடுதலைப் புலி உறுப்பினர்களைச் சுட்டுக் கொல்லுமாறு ஜனாதிபதியின்  சகோதரரான கோட்டாபேய ராஜபக்ச பிரிகேடியர் சர்வேந்திர சில்வாவிற்கு உத்தரவிட்டதாக சனல் 4க்குத் தெரிவித்துள்ளார்.

ஆயுததாரிகளல்லாத தமிழ்ப் பெண்களும் சிறுவர்களும் எவ்வாறு சிறிலங்கா இராணுவத்தினரால் சுட்டுக் கொல்லப்பட்டார்கள் என்பதை தான் கண்ணால் கண்டதாகவும் அவர் தெரிவித்துள்ளார்.

பெண்களின் மார்பகங்களை அறுத்தும், நாக்கை வெட்டியும், பாலியல் வல்லுறவிற்கு உட்படுத்தியும் மனிதத் தன்மையை இராணுவம் இழந்திருந்தது என அந்த அதிகாரி தெரிவித்தார். இலங்கையை நடத்தும் மூன்று பிரதான ராஜபக்ச சகோதரர்களான கோதாபய, பசில், மகிந்த ஆகியோரின் மனிதப் படுகொலைகள், மனித குலம் வெட்கித் தலைகுனியும் அநாகரீகம் ஆதாரபூர்வமாக நிறுவப்பட்டுள்ளது.