கொழும்பு முஸ்லீம் பள்ளிவாசல் மீது அரச ஆதரவு பௌத்த துறவிகளின் கும்பல் தாக்குதல்

கொழும்பு கிராண்பாஸ் வீதியிலுள்ள இஸ்லாமிய பள்ளிவாசலின் மீது சிங்கள பௌத்த பேரினவாதக் கும்பல் தாக்குதல் நடத்தியுள்ளது. இத்தாகுதலின் போது பள்ளிவாசலில் தொழுகையில் ஈடுபட்டிருந்த ஒருவர் கொல்லப்பட்டதுடன் அருகிலுள்ள வீடுகளிலிருந்த சிலரும் காயமடைந்துள்ளனர் எனத் தகவல்கள் தெரிவிக்கின்றன. ஐந்துபேர் காயமடைந்த நிலையில் கொழும்பு தேசிய வைத்திய சாலையில் அனுமதிக்கப்பட்டுள்ளனர்.சேதங்கள் தொடர்பாகவோ, உயிரிழப்புக்கள் தொடர்பாகவோ இலங்கை அரசின் அறிக்கைகள் எதுவும் இதுவரை வெளியிடப்படவில்லை. பள்ளிவாசலுக்கு அருகாமையிலிருந்த பௌத்த கோவிலில் மணி ஒலிக்கப்பட்ட போது அங்கு திரண்ட பௌத்த துறவிகள் தாக்குதலில் ஈடுபட்டனர்.
அங்கு குழுமியிருந்த இலங்கை பயங்கரவாத போலிஸ் படை பௌத்த துறவிகளின் தாக்குதல்களுக்கு உற்சாகமூட்டியதாகத் ரஸ்மீன் மௌலவி என்ற இஸ்லாமிய மதகுரு தெரிவித்ததாக இணைச் செய்தி ஒன்று கூறுகிறது.
மகிந்த ராஜபக்சவின் சகோதரரும் வன்னிப் படுகொலைகளின் சூத்திரதாரிகளில் முக்கியமானவருமான கோத்தாபய ராஜபக்சவின் வழிகாட்டலில் இயங்கும் ராவன பலயா குழுவைச் சேர்ந்தபௌத்த துறவிகளே இத் தாக்குதலை நடத்தியுள்ளதாக நேரில் கண்டவர்கள் தெரிவித்தனர்.
ராவன பலயா குழுவினர் போதுபல சேனா அமைப்பின் இணைந்து செயற்படுகின்றனர். இந்த இரு குழுக்களும் இணைந்து அண்மையில் ஆர்ப்பாட்டம் ஒன்றை நடத்தியிருந்தன.

இலங்கை பயங்கரவாத அரசின் துணைப் பயங்கரவாதக் குழுக்கள் இலங்கையில் முஸ்லீம்கள் மீதான இன வன்முறையைக் கட்டவிழ்த்துவிடத் தயாராகிவருவதாக சந்தேகிக்கப்படுகிறது. சிங்கள மக்கள் மத்தியிலிருந்து உருவாகும் போராட்டங்களைத் திசைதிருப்ப தாமிழ்ப் பேசும் சிறுபான்மைத் தேசிய இனங்கள் மீதான வன்முறை இலங்கை அரசுக்கு அவசியமாகிறது.
சிங்கள பௌத்த அரச பயங்கரவாதிகளே சிறுபான்மைத் தேசிய இனங்களின் சுய நிர்னய உரிமைக்கான போராட்டத்தை வளர்க்கின்றன.