கொலைகாரர்களும் திருடர்களும் நிரம்பிவழியும் பாராளுமன்றம் : சந்திரிக்கா

பாராளுமன்றத்தை பிரதிநித்துவம் செய்யும் சகல கட்சிகளிலும் கொலைகாரர்களும், திருடர்களும் நிரம்பி வழிவதாகத் முன்னாள் இலங்கை ஜனாதிபதி சந்திரிக்கா பண்டாரநாயக்க குமாரதுங்க குற்றம் சுமத்தியுள்ளார்.பொதுமக்களின் பணத்தை களவாடும் நோக்கில் குறித்த நபர்கள் அரசியலில் களமிறங்கியுள்ளதாகக் குறிப்பிட்டுள்ளார்.

சிரச தொலைக்காட்சி சேவையில் சந்திரிக்காவின் செவ்வி நேற்றைய தினம் ஒளிபரப்புச் செய்யப்பட்டுள்ளது. தாய், தந்தை, மகள்மார், மகன்மார் என ஒரே குடும்பத்தைச் சேர்ந்த சகலரும் அரசியலில் குதித்து விடுவதாகக் குறிப்பிட்டுள்ளார்.

தற்போதைய தலைமுறையை இந்த குழப்ப நிலைமைகளிலிருந்து மீட்பது பொருத்தமற்றது எனினும், எதிர்கால சந்தததியினரை பாதுகாப்பதற்கு நடவடிக்கை எடுக்கப்பட வேண்டுமென தெரிவித்துள்ளார்.