குகநாதன் மீதான தாக்குதல் அரசுக்குத் தெரிந்தே நடந்திருக்கும் : சரத் பொன்சேகா

யாழ். நகரில் ஆயிரக்கணக்கான படையினர் நிலைகொண்டிருப்பதால் அரசாங்கத்துக்குத் தெரியாமல் உதயன் பத்திரிகையின் செய்தி ஆசிரியர் ஞானசுந்தரம் குகநாதன் மீதான தாக்குதல் நடத்தப்பட்டிருக்காது என முன்னாள் இராணுவத் தளபதி சரத் பொன்சேகா தெரிவித்திருக்கின்றார்.

கொழும்பில் மேன்முறையீட்டு நீதிமன்றத்தின் முன்பாக இன்று கொண்டுவரப்பட்டபோதே அங்கு கூடியிருந்த ஊடகவியலாளர்கள் மத்தியில் சரத் பொன்சேகா இதனைத் தெரிவித்தார்.

இரண்டாவது நீதிமன்றத் தீர்ப்புக்கு எதிராக சரத் பொன்சேகா தாக்கல் செய்திருந்த மனு மீதான விசாரணைகள் இன்று மேன்முறையீ்டு நீதிமன்றத்தில் இடம்பெற்றது.

குகநாதன் மீதான தாக்குதல் இடம்பெற்ற பகுதிக்குப் பொறுப்பாகவுள்ள இராணுவத் தளபதி அரசாங்கத்தின் கையாளாகவே செயற்பட்டுள்ளார் எனவும் சரத் பொன்சேகா குற்றஞ்சாட்டினார்.