அம்பாறை மாவட்டம் கஞ்சிக்குடிச்சாறு காட்டுப் பகுதியில் இன்று இராணுவ கொமாண்டோ படையினரால் மேற்கொள்ளப்பட்ட நடவடிக்கையொன்றின் போது 11 விடுதலைப் புலிகள் கொல்லப்பட்டதாக பாதுகாப்பு தரப்பு கூறுகின்றது.
அந்த காட்டுப் பகுதியில் விடுதலைப் புலிகளின் மறைவிடமொன்று சுற்றி வளைக்கப்பட்ட சமயம் இரு தரப்பினருக்குமிடையில் மோதல்களும் இடம் பெற்றுள்ளன.
பாதுகாப்பு தரப்பு தகவல்களின் படி குறிப்பிட்ட 11 சடலங்கள் கண்டு பிடிக்கப்பட்டுள்ள அதேவேளை படையினருக்கு எத்தகைய சேதங்களும் இல்லை என தெரிவிக்கப்படுகின்றது.