காலி, ஹிரும்புரை முஹிதீன் ஜும்ஆப் பள்ளிவாசல் மீது இன்று அதிகாலை 2 மணியளவில் சிங்கள பௌத்த பேரினவாதிகள் தாக்குதல் நடத்தினர். ராஜபக்ச பாசிஸ்டுக்கள் தமது பாசிச இருப்பைப் பேணிக்கொள்வதற்காக முஸ்லீம் மக்கள் மீது பயங்கரவாதத்தைக் கட்டவிழ்த்துவிட்டுள்ளனர். பொதுபாலன சேனா என்ற அமைப்பைத் பௌத்த துறவிகளைப் பயன்படுத்தி தோற்றுவித்துள்ள ராஜபக்ச குடும்பம் சிங்கள பௌத்த பேரினவாதத்தை முஸ்லீம்களை அழிப்பதற்காகப் பயன்படுத்த ஆரம்பித்துள்ளது. 1983 ஆம் ஆண்டு ஜுலை மாதம் நடைபெற்ற இனப்படுகொலை போன்ற வடிவத்தில் முஸ்லீம்மக்களுக்கு எதிரான இனப்படுகொலை ஒன்றை ராஜபக்ச அரச பயங்கரவாதிகள் திட்ட்மிடுவதாகத் தெரிகிறது.
மத அடையாளத்தை முன்னிறுத்தி ராஜபக்சவிற்கு ஆதரவாகவும் எதிராகவும் செயற்படும் முஸ்லீம் மேட்டுக்குடித் தலைமைகளால் அழிவுகள் மேலும் அதிகமாகின்றன.
