காணாமல் போனோரைத் தேடி கொழும்பில் ஆர்ப்பாட்டம் – தமிழினவாதிகள் எங்கே?

காணமல் போன உறவினர்களைத் தேடுமாறு நேற்றுக் கொழும்பு லிப்டன் பகுதியில் ஆர்ப்பாட்டம் நடைபெற்றது. நூற்றுக்கு மேற்பட்ட ஆண்களும் பெண்களும் கலந்துகொண்ட இப் போராட்டங்களை நாம் இலங்கையர் அமைப்பு ஏற்பாடு செய்திருந்தது. தமிழ்த் தேசியக் கூட்டமைப்போ அன்றி ஏனைய தமிழ்த் தலைமைகளோ இவ்வாறான போராட்டங்களை முன்னெடுப்பதில்லை என்பது தவிர அவற்றிற்காக குறைந்தபட்ச ஆதரவைக் கூட வழங்குவதில்லை.
புலம் பெயர் நாடுகளில் இலங்கை அரசிற்கு அழுத்தம் வழங்குவதாகக் கூறும் அமைப்புக்கள் கூட இவ்வாறான போராட்டங்களை ஆதரிப்பதோ அறிக்கை வெளியிடுவதோ இல்லை.
தமிழ் நாட்டின் உணர்ச்சி பொங்கும் தமிழினவாதத் வாதிகள் வாழ்வதற்காகப் போராடும் இம் மக்களைக் கண்டுகொள்வதில்லை.
இனப்படுகொலைக்கு முன்னரும் பின்னரும் தமிழ்ப் பேசும் மக்கள் பகுதியினரைச் சார்ந்தோர் காணமல் போதல் வழமையான நிகழ்வாகிவிட்டது. இலங்கை அரச பாசிசம் நாடு தழுவிய இராணுவ ஆட்சியை நடத்திவரும் நிலையில் இவ்வாறான போராட்டங்களை மேலும் ஊக்கப்படுத்தல் அவசியமானது.