இவ்விரு குழுக்களும் பிரபாகரனைத் தவிர்ந்த ஏனைய அனைத்துப் போராளிகளுக்கும் அஞ்சலி செலுத்தினர். மக்களை யார் அதிகமாக இணைத்துக்கொள்வது என்ற போட்டியில் தமிழர் ஒருங்கிணைப்புக் குழுவினர் வெற்றி பெற்றுள்ளதாகக் கூறப்படுகிறது.
இலங்கையின் வடக்கே யாழ் பல்கலைக்கழக மாணவர் விடுதிக்குள் படையினர் சென்று தேடுதல் நடத்தியதாக மாணவர்கள் தெரிவித்திருக்கின்றனர்.
விடுதலைப்புலிகளின் மாவீரர் தினமாகிய செவ்வாய்கிழமையன்று அவர்களை நினைவுகூர்ந்து விளக்கேற்றப்படுவதைத் தடுப்பதற்காகவே இந்த நடவடிக்கை மேற்கொள்ளப்பட்டதாகத் தெரிவிக்கப்படுகின்றது. ஆயுனும் பல்கலைக் கழக மாணவர்கள் போரின் இறந்தவர்கள் நினைவாக தீபம் ஏற்றி வழிபட்டதாக கூறியுள்ளனர்.
பல்கலைக்கழக மாணவர் விடுதிக்குள் சென்ற படையினர், மாணவர்களின் அறைகளை சல்லடை போட்டு தேடுதல் நடத்தியதாகவும், மாணவிகளின் விடுதிக்குள் சென்ற அவர்கள், அங்கு ஏற்றப்பட்டிருந்த விளக்குகளையும், அறைக் கதவுகளையும் அடித்து நொறுக்கியதாகவும் யாழ் பல்கலைக்கழக மாணவர் ஒன்றியத்தின் செயலாளர் பரமலிங்கம் தர்ஷானந்த் தெரிவித்தார்.