ஊடகங்கள் சமநிலையான செய்திகளை வெளியிட வேண்டும் : மகிந்தவின் சகோதரர் உத்தரவு

நாடாளுமன்ற உரைகள் தொடர்பில் ஊடகங்கள் சமநிலையான செய்திகளை வெளியிட வேண்டுமென சபாநாயகர் சமால் ராஜபக்ச கோரிக்கை விடுத்துள்ளார்.

ஆளும் எதிர்க்கட்சியினர் ஆற்றும் உரைகள் தொடர்பில் சமநிலையான செய்திகள் வெளியிடப்பட வேண்டும். நாடாளுமன்றில் ஆற்றப்படும் உரைகள் தொடர்பில் சமநிலையான செய்தி அறிக்கையிடப்பட வேண்டியது அவசியமானது.

அரச மற்றும் தனியார் ஊடகங்கள் சமநிலையாக செய்திகளை வெளியிட வேண்டும் என அவர் குறிப்பிட்டுள்ளார்.

ஆங்கிலப் பத்திரிகையொன்று எதிர்க்கட்சியினரின் உரைகளை மட்டுமே பிரசுரம் செய்து வருவதாக ஆளும் கட்சியின் பிரதம கொறடா தினேஷ் குணவர்தன வெளியிட்ட கருத்துக்கு பதிலளிக்கும் வகையில் சபாநாயகர் இதனைக் குறிப்பிட்டுள்ளார்.