ஈழத் தமிழர்களின் பெயரால் இனக்கொலையாளிகளோடு இணையும் நெடுமாறன் : அவமானச் சின்னம்

இலங்கையில் ராஜபக்ச தலைமையில் பேரினவாதிகள் இனப்படுகொலை நடத்திவிட்டு நெஞ்சை நிமிர்த்தி இன்னும் அதிகாரபீடத்தில் அமர்ந்திருப்பது மனித குலத்தின் அவமானம். இதே போன்று குஜராத் மானிலத்தில் முஸ்லீம்கள் மீதான இனப்படுகொலை நரேந்திர மோடி என்ற கொடிய மிருகத்தால் கட்டவிழ்த்துவிடப்பட்டது. நரபலி எடுத்த பயங்கரவாதி இன்று இந்தியாவின் பிரதமர் வேட்பாளர். மனிதாபிமானிகளும் ஜனநாயகவாதிகளும் இந்த இரண்டு மனிதகுல அவமானக் குறியீடுகளுக்கும் எதிராகக் குரலெழுப்பும் போது ஈழத் தமிழர்களின் பெயரால் நெடுமாறன் என்ற பிழைப்புவாதி நரேந்திரமோடி என்ற இனக்கொலையாளிக்கு ஆதரவுத் தூணாக தமிழ் நாட்டில் எழுந்திருக்கிறார்.

ஈழத் தமிழர்களுக்கு மட்டுமல்ல முழு மனித குலத்தையுமே அவமானப்படுத்தும் நெடுமாறன், நரேந்திர மோடியின் தமிழ் நாட்டின் கையாளான பொன்.ராதாகிருஷ்ணனை அழைத்து முள்ளிவாய்க்கால் நினைவு முற்றத்தைத் திறக்கிறார்.
தேசிய விடுதலைப் போராட்டம் குறித்து புலம் பெயர் நாடுகளிலிருந்து கூக்குரலெழுப்பும் பிழைப்புவாதிகள் பயங்கரவாதிகளை நோக்கிக் கடத்திச்செல்லப்படும் ஈழத் தமிழர்களின் உரிமைக்காகக் குரல்கொடுக்க முன்வரவில்லை.

இலங்கையில் தமிழ்ப் பேசும் மக்களின் சுய நிர்ணய உரிமைக்கான போராட்டம் பிழைபு வாதிகளதும், மத வெறியர்களதும், சாதி வெறியர்களதும், பயங்கரவாதிகளதும் பிடியில் சிக்குண்டு சிதைக்கப்படுகின்றது.

இனக் கொலையாளிகளான ராஜபக்ச, மோடி போன்ற கிரிமினல்களின் முகவர்கள் சமரசமின்றி துடைத்தெறியப்பட வேண்டும்.