ஈரானைக் குறிவைக்கும் அமரிக்கப்படைகள் இந்திய மீனவர்களைக் சுட்டது

துபாய்க் கடற்பரப்பில் மீன் பிடி படகொன்றின் மீது அமெரிக்க கடற்படையினர் சுட்டதில், படகில் இருந்த ஒரு மீனவர் கொல்லப்பட்டார். மேலும் மூன்று மீனவர்கள் காயமடைந்தனர் என்று தெரிகிறது.இந்தச் சம்பவம் துபாய் அருகேயுள்ள ஜெபல் அலி என்ற துறைமுகத்துக்கு அருகே நடந்த சமபவத்தில் மத்திய கிழக்குக் கடற்பரப்பை ஆக்கிரமித்திருக்கும் அமரிக்கப் படைகளே ஈடுபட்டுள்ளன.
கொல்லப்பட்ட மீனவரும் , காயமடைந்த மற்ற மீனவர்களும் தமிழகத்தைச் சேர்ந்தவர்கள் என்று செய்திகள் தெரிவிக்கின்றன.
இந்த மீனவர்களின் படகு, அமெரிக்க கடற்படையின் எண்ணெய் தாங்கிக் கப்பலான, ராப்பஹன்னோக் என்ற கப்பலை நோக்கி வேகமாக வந்த்தாகவும், வரவேண்டாம் என்று விடுக்கப்பட்ட எச்சரிக்கைகளை அது அலட்சியப்படுத்திவிட்டு வந்த்தாகவும், அதனை அடுத்து, எண்ணெய் தாங்கி கப்பலில் இருந்த பாதுகாப்புப் படையினர் ,அந்தப்படகை நோக்கி துப்பாக்கி சூடு நடத்தியதாகவும் அமெரிக்க கடற்படை கூறுகிறது.
ஈரன் நாட்டை மிரட்டுவதற்காக தனது பிரசன்னத்தை அதிகரித்துள்ள அமரிக்கக் கடற்படையின் கொலைவெறிக்கே அப்பாவி மீனவர்கள் பலியாகினர்.