இலங்கையில் நடத்தப்பட்ட இனக்கொலையின் பின்னணியில் இந்திய ஆளும்வர்க்கமும் செயற்பட்டது. ஆளும் வர்க்கம் தமது தேவைக்கேற்ப தமது பிரதிநிதிகளை மாற்றிக்கொள்ளும். இன்றைய உலகப் பொருளாதாரச் சுரண்டலுக்கு ஏற்ற ஆளும் வர்க்கப் பிரதினிதிகளாக மோடியும் மகிந்தவும் நிர்வாகத்தை ஏற்றுக்கொண்டுள்ளனர்.
வைகோவிலிருந்து புலம்பெயர் நாடுகள் வரையான இனவாதிகள் மோடியை ஆட்சியிலேற்றினால் ஈழம் கிடைக்கும் என்ற எல்லைவரை மக்களை ஏமாற்றினார்கள். இந்திய வெளியுறவுக்கொள்கையை அங்குள்ள ஆளும் வர்க்கமே தீர்மானிக்கும் என்ற அடிப்படை உண்மைய மறைத்து தனி நபர்களும் கொள்கை வகுப்பாளர்களும் தமிழர்களுக்கு எதிராக மாறுவார்கள் என்றனர். கடந்த 30 வருடங்களாக மக்களிடமிருந்து உண்மைகளை மறைத்து அவர்களை ஏமாற்றியவர்கள் இன்னும் நிறுத்தாமல் தொடர்கிறார்கள். இனக்கொலையாளிகள் கைகுலுக்கிக் கொள்கிறார்கள்.