Tag Archives: news

ஆயுத பூஜை என்றால் என்ன? – சித்தர்கள் கூறிய விளக்கம் – டென்சிசன்

ஈ.வே ராமசாமி ஐயா எழுதிய கட்டுரையை வாசித்து, அதில் உள்ள தவறுகளை கண்டறிந்ததன் விளைவாகவும், அக்கட்டுரை, முற்றுமுழுதாகவே, போதிய விளக்கம் இன்மையால் தவறாக எழுதப்பட்டிருக்கிறது என்பதனை, இனியொரு வாசகர்களுக்கு சுட்டிக்காட்டிட இக்கட்டுரையை எழுதுகின்றேன். இக்கட்டுரையை எழுத்தொடங்குவதற்கு முன், எமது சமூகத்தில், அந்தணர்கள், பிராமணர்கள் எனும் பெயர்களில் உலாவும், போலி மத போதகர்களை பற்றி எனக்கு கிடைத்த சில தகவல்களை கீழே இணைத்துள்ளேன். அதனை வாசித்து அந்தணர் என்போர் யார்? பார்ப்பனர் என்போ யார்? என்பதனை பற்றிய விளக்கத்தினை பெறல், இக்கட்டுரையை மென்மேலும் விளங்கி கொள்ள உதவும் என்பது எனது கருத்து. -டென்சிசன் (இனியொரு ஆசிரியர் குழு)

” பாரப்பா பல வேத நூலும் பாரு ” என்று மெஞ்ஞான தேடலை பல நூல்களை கற்று தேட சொல்கிறார்கள் அகத்தியர் எனும் தமிழ் சித்தர் பெருமகன்.

Agaththiyar Siddharஇங்கு வேதம் என குறிப்பிடபடுவது யாதெனில், மனிதன் புற விடயங்களில் நாட்டம் செலுத்தாது, அக வணக்கம் செய்து, தன் மனதினை தூய்மைப்படுத்தி, தாமும் இறைவர்களாக முடியும் என்பதனை விளக்க, தமிழ் சித்தர் பெருமகன்களால், மக்கள் அனைவரும் பயன்பெற, எழுதி அருளச்செய்யப்பட்ட, மெஞ்ஞான வழியை சூக்குமமாக விளக்கும் நூல்களாகும். ஆக, இங்ஙனம் சித்தர்களினால் எழுதப்பட்ட வேதத்தை, “மெஞ்ஞான நூல்களை ” படித்து, அதன் நுண் பொருளை உணர்ந்து, வணக்கம் செய்பவரே அந்தணர் ஆவார்! அத்துடன் “அந்தணர் என்போர் அறவோர் ” என்று திருவள்ளுவர் பெருமகனும் கூறுகின்றார். இது, துறவி என்பவர்கள் யார் எனில், உண்மையான பொருளுடைய மெஞ்ஞானத்தினை, கற்று, உணர்ந்து, அதன் வழி ஒழுக்கம் தவறாது, அற வழி நின்று, அதாவது, “எந்த உயிர்க்கும் தீமை செய்யாது, உயிர்களிடத்து அன்பு செய்து, அவைகளின் பசி பட்டினி போக்கிட, ஈகை செய்பவரே” அந்தணர் ஆவார் என்கிறார் வள்ளுவப்பெருந்தகை. ஆக நாம் உண்மையை அறியாது, குடுமி வைத்து கொண்டு, பூணூல் போட்டவர்களை அந்தணன் என்று கருதி, அவர்கள் செய்வதை பூசை முறைகள் என்று கருதி, போலி வழிபாட்டு முறையினை பின்பற்ற கூடாது.

இதனையே சிவவாக்கியர் சித்தரும் தான் பாடி அருளிய பாடல்களின் உடாக எடுத்து காட்டமாக விளக்குகின்றார். அவர் பாடிய பாடலொன்றும் அதன் பொருளொன்றும் பின்வரும் பந்தியில் இருக்கின்றது.

“நட்டகல்லைத் தெய்வமென்று நாலுபுஷ்பந் சாத்தியே
சுற்றிவந்து முணமுணென்று சொல்லு மந்திரம் ஏதடா
நட்டகல்லும் பேசுமோ நாதனுள் ளிருக்கையில்
சுட்டசட்டி சட்டுவம் கறிச்சுவை அறியுமோ”

சுவை மிகுந்த உணவுப் பதார்த்தங்களைச் சமைத்த சட்டியானது, அந்த உணவின் ருசியை உணர்ந்து கொள்ளாதது போலவே, மனக்கோயிலினுள் இறைவன் இருப்பதை அறியாமல், வெறும் கல்லை நட்டு வைத்து, தெய்வமென்று பெயரிட்டு, பூக்களாலும் மந்திரங்களாலும் வழிபாடு செய்வது
அறியாமையேயாகும் என்கிறார் சித்தர் சிவவாக்கியர். மேலும் அவர், போலி சமய, சாதி முறைகளினை, வேரறுக்க பாடிய புரட்சி பாடல்களினை, பொருளுடன் வாசிப்பதற்கு இங்கே சொடுக்கவும்.

வேதம் ஓதி உணர்ந்த, அதாவது மெஞ்ஞான நூல்களை கற்றறிந்த அந்தணர் ‘பார்ப்பார்’ எதனை? தன் கண்மணி சிக்குண்டு இருக்கும், வினை திரைகளை, மாயைகளால் சிக்கி உழலும் மனம் எனப்படும் பிராண வாயு ( இரவு வேளைகளிலும், பகல் வேளைகளிலும், அந்தி வேளைகளிலும், நாம் சுவாசிக்கும் வாயு, இடது பக்க நாசி துவாரத்தினூடாக அதிக அளவில் செல்லும்; ஆனால் அதிகாலை சூரிய உதய நேரத்திற்கு அண்மையாக, மற்றும் இரவை அண்மிக்கும் நேரம், அதாவது சூரியன் மறைவதற்கு சற்று முன், எமது சுவாச காற்று, வலது நாசி துவாரத்தின் ஊடாக செல்லும் என்பதுடன், இவ்வேளைகளில், இயங்கும் மூளியினை நாம், எமது தியான பயிற்சியினால், மூளியின் இரத்த ஓட்டம் காரணமாக தழும்பும், சிந்தனைகளை, இரு முறை “ஓம் நமசிவாய” என உச்சரிக்க, அது கட்டுக்குள் வருவதுடன், தொடர்ந்தும் இப்பயிற்சியினை மேற்கொள்ள, மூளியானது, தேவையற்ற வெளியுலக ஆசைகளை தானே இனங்கண்டு, அகற்றும் தன்மையினையும் பெறும். இப்பயிற்சியினை மேற்கொண்டு ஞாபக சக்தியினை அதிகரித்து கொள்ளவும் முடியும். இதில் மேற்குறிப்பிடப்பட்ட நமசிவாய எனும், பஞ்சாட்சர மந்திரமானது, பஞ்ச பூதங்களாகிய முறையே, ந என்பது நீரையும், ம என்பது நிலத்தையும், சி என்பது நெருப்பினையும், வா என்பது வாயு என்பதையும், ய என்பது ஆகாய வெளியினையும் குறித்து நிற்பதுடன், இயற்கையில் உள்ளவை அனைத்தும், மனிதனின் உடலிலும் இருக்கின்றது என்பதனை, மெஞ்ஞான நூல்களை கற்று அறிந்து உணரவும் முடியும். ) எனும் வாயுவின் துணை கொண்டு, அகற்றுவதன் ஊடாக, மனதினை கட்டுக்குள் கொண்டுவந்து, மனதினை வென்ற ஞானியே, பிராமணன் ஆவான். நீங்கள் வெறுமனே, பிராமணர்களை தூற்றுவதிலும் பார்க்க‌, தற்கால கோயில்களில், போலி பூசைகள் செய்யும் போலி பிராமணர்களிடம், இது பற்றிய கேள்விகளை முன்வைப்பதன் ஊடாக, அவர்களை சமூகத்தில் இருந்து அகற்ற வேண்டும்; என்பதுடன், இவர்கள் காரணமாக; தோற்றுவிக்கப்பட்ட சாதிக்கட்டமைப்பை அழிக்க, இதுவே, சிறந்த, மற்றும் முறையான வழியாகும் என்பதுடன் பயனையும் தரும். பார்ப்பனர்கள் என்பதுவும் மேற்கூறப்பட்ட பொருளுடையது என்பதுடன், தன்னையே அறிந்து, உயிராகிய இறைவனைய பார்ப்பவரையே பார்ப்பான் என கொள்ளுதல் வேண்டும்.

பரம் பொருளாகிய இறைவன், நம் உயிராகி, ஒன்றானவனாக துலங்கி, அவரே நம் இரு கண்களிலும், கண் மணி ஒளியாக இரண்டாகவும் துலங்குகிறார், என்பதே மெஞ்ஞானம் கூறும் விளக்கமாகும். ஒன்றான ஜீவன், இரண்டான, இரு கண் ( வலது கண் சூரிய ஒளி, இடது கண் – சந்திர ஒளி ) ஒளியுடன் சேர, மூன்றும் சேர்ந்தால், அதுவே ஓங்காரம் ஆகும்! அதுவே பிரணவ மந்திரமென சைவ நெறியினால் விளக்கப்படுகிறது. அத்துடன் ஓம் எனும் சொல்லினை விரிபுபடுத்தி பார்ப்போமெனில், அ, உ, ம் எனும் எழுத்துக்கள் இணைந்து இருப்பதனை விளங்கி கொள்ள முடியும். ‘அ’ என்பது சூரிய கலையாகிய, வலதுபக்க நாசி தூவாரத்தின் ஊடாக, செல்லும் சுவாசக்காற்று அடி வயிற்றில் எழுப்பும் ஒலி என்பதுடன், ‘உ’ எனும் உகாரம் என்பதாவது, இடதுபக்க நாசி துவாரத்தின் ஊடாக வெளி செல்லும் சுவாசக்காற்று அடிவயிற்றில் எழுப்பும் ஓசை என்பதுடன், ‘ம்’ என்பதாவது, நமது உள்நாக்கின் மேற்பகுதியில் உள்ள, ஒரு பகுதியில், சுவாசங்களினால் ஏற்படும் ஒரு ஒலி என்பதுமாகும். இவற்றை நாம் ஒன்றாக உச்சரிக்கும் போது, பெறப்படும் ஓசைதான் “ஓம்” எனப்படும் பிரணவ மந்திரம் ஆகும். இதனையே பிரணவ மந்திரம் என சைவர்கள் உச்சரிப்பதுடன், புலால் உண்ணாது, நாம் பிரணவ மந்திரத்தினை உச்சரிக்கும் போது, நாம் செய்யும் பாதகச் செயல்கள், பாவங்களினால், மூளையின் நாடி, நரம்புகளினால் உடம்பில் ஏற்படுகின்ற, மும்மலங்களால் ஏற்படும் மாற்றங்கள் மாறி, மூளியின் மையப்பகுதியில் ஆரம்பித்து, இறைசக்தியினால், நம் உடம்பினை சுற்றி, மலங்களினால் கட்டுண்ட, நாடி, நரம்புகள் யாவும் ஒளி பரவி, நம் உடம்பு, ஒளியுடம்பாக மாற்றம் பெறும். இதனையே ஒளி பெற்று வாழ்வு ஆங்கு வாழ்வர் என நம்முன்னோர் கூறி, நம்மையும் சைவ நெறியினை கடைப்பிடிக்க சொல்லி கூறியுள்ளதுடன், இவ் ஒளியுடம்பினை பெற, நாம், புலால் மறுத்து, சைவ உணவினை கடைப்பிடித்து, பாவங்களினை செய்யாது, மாதம் ஒரு முறையாவது ஏழை எளியவர்களிற்கு தானம் செய்து வந்து, நம் பாவங்கள் தீர, தினமும் காலை, மாலை வேளையில் சூரியனை வணங்கி வர வேண்டும். மற்றும் நம் உடலமைப்பானது, சைவ உணவு முறைக்கு ஏற்றாற்போலவே அமைந்துள்ளது என்பதுடன், உயிர்களின் உட்சுரக்கும் அமிலங்கள் யாவும், சைவ உணவினையே, முறையான சமிபாடடைய செய்யும் வகையிலேயே தான், உயிர்களின் சமிபாட்டு தொகுதி அமைந்துள்ளதும் குறிப்பிடதக்கதும் ஆகும். ( இதனை பற்றிய சிறந்த பதிவினை வாசிக்க இங்கே சொடுக்கவும். ) இவ் உண்மை அறிந்து செயற்படும் மனிதர்கள், தாம் பிறந்த இப்பிறவியின் உண்மை பயனை அடைந்துகொள்ள முடியும் என்பது சித்தர்கள் நமக்கு சொல்லி தந்த பாடமாகும். ஆக நாம் மேற்கூறியவாறு ஒழுக்க நெறியினை கடைப்பிடித்து, ஓம் எனும் சப்தத்தினை தினமும் உச்சரித்து , தினமும் சூரியனை, உதயத்தின் போதும், அஸ்தமனத்தின போதும் வணங்கி வர, நாமும் அந்தணர் ஆகலாம்! பார்ப்பார் -பார்! – பார்! என்ற சித்தர்களின் உபதேசத்தை கேட்டு, தன்னையே, கண்மணி வாயிலாக, ஒளி வழி உற்று பார்ப்பவரே, பார்த்துகொண்டு இருப்பவரே பார்ப்பார். உள் ஒளியை சதா காலமும் பார்ப்பவரே, பார்த்துக் கொண்டிருப்பவரே பார்ப்பார் என்பதுதான் மெஞ்ஞானம் கூறும் உண்மைபொருளாகும்!

ஆக கண்களில், கண்மணியிலே உள் உள்ள, நூல் போன்ற நரம்பினை இணைத்து, தவத்தால், வணக்கத்தினால், மேற்கூறியது போன்று சூரிய, சந்திர, உயிர் ஆகிய மூன்று ஒளிக்கலைகளையும், இணைப்பவரே, அந்தணர் அல்லது பார்ப்பனர் எனப்படுபவர்கள் ஆவர். இதனை அறிந்து கொண்டு, நாம் இவ் உண்மையை, மற்றவருக்கும் விளக்கி, உண்மை வழிபாட்டினை மேற்கொண்டு, மூன்று ஒளிகளையும் இணைத்து, நம் பிறந்த இப்பிறவியை கடைத்தேற்ற, அளிக்கப்பட்ட சித்தர்களினை வழிபடாது, அவர்களை தூற்றுதல் பாவம் ஆகும்.
மேலும் கண்ணுக்குள் உள்ள நூல் போன்ற நரம்பினை இணைத்து பூன வேண்டும்! இதுவே பூணூல் எனப்படவதன் உண்மை பொருளாகும். சூரிய சந்திர, அக்னி ( உயிர் ) ஒளிக்கலைகளை இணைத்து ஒன்றாக்கி இணைத்து முடிவதனையே, சித்தர்கள் வகுத்த மெஞ்ஞானம் குடுமி என விளக்குகிறது. இவ் உண்மை அறிந்து புறத்தில் வேஷம் போடுபவர் வேடர்களை, இனங்கண்டு, புறத்திலே வேஷம் போட்டுக் கொண்டு தாம் உயர்ந்த ஜாதி எனவும், ஜாதி வேறுபாடுகளினை, தோற்றும் போலி மத வழக்கங்களையும், உண்மையை விளங்கி கொண்டு அழிக்க போராடுவது நன்மை பயக்கும்.
இனி “ஆயுத பூஜை என்பது பற்றி, சித்தர்களால் அருளிச் செய்யப்பட்ட மெஞ்ஞான நூல்கள், கூறுவது என்ன?”, என்பது பற்றிய விளக்கத்தினை, கீழே எனக்கு கிடைத்த தகவல்களை பயன்படுத்தி எழுதியிருக்கின்றேன். உங்களது சந்தேகங்களை முன் வைப்பின், சித்தர்கள் அருளினால், அவற்றை தீர்த்து வைப்பதற்கான பதிலையும் என்னால் எழுத முடியும். சந்தேகங்களை தயவு செய்து முன்வைத்து தெளிவினை பெறவேண்டுமே தவிர, போலி பிரமணர்கள் பரப்பிய, போலி வேதத்தினை நம்பி, இறைவனை அடைய வழிகாட்டும், மெஞ்ஞான நெறியினை அறியாது, சித்தர்கள் கூறிய பூசை நெறிகளை தவறென விமர்சித்தல் ஆகாது.

Menjanamஇங்கு படத்தின் மைய பகுதியில் குறிப்பிட்டிருக்கும் பகுதியானது, எமது இரத்த ஓட்டத்தினை கட்டுபடுத்தும் மூளி அமைந்துள்ள பகுதியாகும். இந்த பகுதியிலேயே மனித உடலெங்கும் பரவி இருக்கும், நாடி, நாள, நரம்புகளின் இணைப்பு அமைந்திருக்கிறது என்பது சிறப்பாகும் என்பதுடன், இங்குள்ள ஒரு பகுதியில்தான், நம் உடல் இயங்க தேவையான உயிர்சக்தி இருக்கிறது; அதுவே ஓம் எனும் பிரணவ மந்திரத்தினை உச்சரிக்கும் போது, விழிப்புணர்வு பெறும். அஃதாவது, ஒரு இஞ்சி, மயிரினை, ஆயிரம் பங்காக வெட்டுவதனால் வரும் அளவு ஒளியே, நமது உடலை இயக்குகிறது. இருந்தும், நாம் புலால் சாப்பிடுவதனால், உயிர்களுக்கு செய்யும் கொடுமைகள், மற்றும் மனிதர்கள் செய்யும் பாவ செயல்களான, காமம் ( இது வெறுமனே பாலியல் குற்றத்தை மட்டும் அல்லாது, தமிழ் அகராதியில் குறிப்பிட்டுள்ள களவு, பொய், பொறாமை ஆகியவற்றையும் குறித்து நிற்கும். ), லோபம் ( அதாவது பொருள்களினால் மீதுள்ள மயக்கத்தினால் தவறான வழியில் சம்பாதித்து அதனை அடைய முயற்சி செய்வதனை குறித்து நிற்கும். ), மூடம், ( அதாவது மூட நம்பிக்கைகள் கொண்டு செய்யும் பாவ செயல்கள் ), தாபம் ( இது மக்களினை ஏமாற்றி தவறான கருத்துக்களை திணிப்பதனால் ஏற்படும் பாவ செயல் ), குரோதம் ( இது இறைவர்களை நிந்தனை செய்வதால் ஏற்படும் பாவ செயல்களாகும் ), பாபம் ( அதிக ஆசை கொண்டு உயிர்களை துன்புறுத்தி பொருள் சம்பாதிப்பதினால் ஏற்படும் பாவ செயல் ), வாமணம் ( இது உயிர்களை காக்க வேண்டிய நேரத்தில் செய்ய வேண்டிய கடமைகளை செய்யாதிருப்பதனால் ஏற்படும் பாவ செயல் ), வராகம் ( கடன் மற்றும் வழிப்பறி கொள்ளைகள் மற்றும் ஏமாற்றி சம்பாதிப்பதால் ஏற்படும் பாவ செயல்கள் ), பரவம் ( இது மக்களை தவறான வழியில் நடத்தும் இழிய ஆட்சி செய்வதனால் ஏற்படும் பாவச்செயல் ), பகரந்தம் ( உண்மையான இறை வழிபாட்டினை மக்களிற்கு போதிக்காது, போலி வழிபாட்டின் வழி தவறாக நடத்துவதனால் ஏற்படும் பாவ செயல் ), பலந்தம் ( மிருக வதை செய்வதனால் ஏற்படும் பாவ செயல் ), பரவியம் ( உயிர்களை பலி கொண்டு உண்பதால் ஏற்படும் பாவ செயல் ), தகரம் ( இது மனிதர்கள் சூழலை, இயற்கையை அழிப்பதனால் ஏற்படும் பாவ செயல் ), ஆகியவற்றை புரிவதினால் மூளி பகுதியில் உள்ள அவ் ஒளியாகிய உயிர்ச்சக்தி, தன் தன்மையை இழந்து மறையும் தருவாயில், மரணம் ஏற்படும். இவ் ஒளிச்சக்தியினை, சித்தர்கள் வழிபாட்டின் மூலம், நாம் அடைந்து, நாமும், தேகம் முழுவதும் ஒளியினை பரப்புவதற்கான, மேற் சொன்ன வணக்க முறையின் ஊடாக, சித்தர்களாக முடியும் என்பதே, மெஞ்ஞானம் கூறும் உண்மையாகும். ஆக, இம்மூளி அமைந்துள்ள இப்பகுதியே, மூன்றாவது கண் ஆகும் என்பதுடன், இதனை செயற்படுத்தும், புற உலக இச்சைகளிற்கு, இடம் கொடுக்காது, அக வழிபாட்டின் ஊடாக, அதனை கண்டுணர்ந்து நாமும் சித்தராவோம்.

மூன்று கண்களையும், மயக்கும் ஆயுதங்களாகிய மாய சக்திகள் ( அதாவது காம, கர்ம, வினைகளாகிய மாயை எனும் புற உலகின் மயக்கத்தினால் ஏற்படும் மயக்க சக்தி ), அடங்க தேவையான சக்தியை அடைய, உண்மையான இறை வழிபாடான, சித்தர்கள் வழிபாட்டினை மேற்கொண்டவாறு, மேற்கொள்ளவதே ஆயுத பூஜையின் சிறப்பாகும். இது தொடர்ந்து பத்து நாட்கள், புலால் உணவு மறுத்து, சித்தர்களின் வழிபாடாகிய, ஒளியினை வணங்கும் வழிபாட்டினை, தங்கு தடையின்றி, காலை மற்றும் மாலை என, ஓம் எனும் பிரணவ மந்திரத்தை உச்சரிப்பதோடு மேற்கொண்டு, நாம் மேற்சொன்ன பாவச்செயல் நீங்குவதற்கு, தமிழ் சித்தர்கள் சொல்லி தந்த, ஏழை எளியவர்களின், உயிர்களின் பசியினை போக்கும், ஜீவ காருண்யம் எனும் மிக உயர்ந்த புண்ணியத்தினை செய்து வர, நாமும், சித்தர் ஒருவரை, சூக்குமமாக குருவாக பெற்று, ஞான வாழ்வினை பெற்று இறைவர்களாக முடியும். அஃதாவது உள் மனதினை கடந்து, மனதில் தோன்றும் ஆசைகளை தவிர்த்து, மனதினை கட்டுக்குள் கொணர்ந்து, மனம் வெளி ஆசைக்கு மயங்காதிருக்கும் தன்மையை பெற்று, ஒளி உடலினை பெற்று, கடவுள் ஆக முடியும்.

இதனை மேலும் விளக்குவதென்றால், நான் மேற்சொன்ன வகையில், உயிர் சக்தியை மறைத்துக் கொண்டுள்ள, மாயை சக்தியை அடக்கியதன் பின்னர், நமக்கு குருவாக கிடைக்கும் சித்தரானவர், நம்மை, மென்மேலும் ஞான வழியின் ஊடாக அழைத்து சென்று, மேலும், நாம் இப்பிறவியில் செய்தது போன்ற, முற்பிறவியில் செய்த பாவங்களினால் சிக்கியிருக்கும், நமது ஆன்மாவாகிய “உயிர் இயங்க தேவையான சக்தியை” மறைத்திருக்கும், கன்ம திரைகளை எரித்து, அதன் பின்னர் ஆணவ மலமாகிய, “நான்” எனும் ஆணவத்தினை உணர்த்தி, அதனையும் அகற்றி, நம்மை முழுமையான ஞானியாக்கி, சித்தத்தினை தெளிவடைய செய்து, இறைவனுடன் இரண்டற கலக்க ( அதாவது சூரிய சந்திர ஒளியுடன் நம் ஆன்ம சக்தியையும், உயிரினையும் கலக்க செய்தல் ) செய்வார். ஆக ஆயுத பூஜையின் உட்கருத்து இதுவே ஆகும். இன்னும் விரிவாக இது பற்றிய இன்னொரு கட்டுரையில் குறிப்பிடுகிறேன்.

பதிவினை எழுத உதவிய, தூண்டிய‌ கருத்துக்கள்
1. https://www.facebook.com/siddhaconference/photos/a.325678334153155.73260.321473124573676/392927240761597/?type=3&theater
2. https://www.facebook.com/permalink.php?story_fbid=1507979276181263&id=1414886448823880&fref=nf&pnref=story

தற்காலத்தில் வாழ்கின்ற சித்தர் ஆறுமுக அரங்கமகாதேசிகர் பற்றியும், அவர்களினால் நடத்தப்படும் சித்தர் ஆலயம் பற்றி அறிந்துகொள்வதற்கு – www.agathiar.org

பல் தேசிய நிறுவனங்களின் பகிரங்கமான‌ அடாவடித்தனங்களும், கொள்ளைகளும்…

விழித்தெழுவார்களா மக்கள்?

விளம்பரமொன்றினால் தமக்கெதிராக போராடும் போராளிகளை கேவலப்படுத்தும் “பெப்சி” எனும் பல்தேசிய நிறுவனம் – இணைப்பு

இந்திய நாட்டில் வெளியான பெப்சி நிறுவனத்தின் விளம்பரத்தில், அந்நிறுவனத்தினை எதிர்த்து போராடுபவர்களை கேலி செய்யும் வகையில், அந்நிறுவனத்தினை எதிர்த்து நடத்தப்படும் ஒரு போராட்டத்தில் பங்கு பற்றும் இளைஞர் ஒருவர், தாகத்தின் போது, “பெப்சி” ( Pepsi ) பானத்தினை அருந்துவது போன்ற காட்சி உள்ளடக்கப்பட்டுள்ளது. இவ்விளம்பரம், இந்நிறுவனங்களின் ஏதேச்சையான மேலாதிக்க போக்கினை எடுத்து காட்டுவதுடன், உலகெங்கும், இந்நிறுவனங்கள், மக்களின் எதிர்ப்பை பொருட்படுத்தாது, அரசுகளின் உதவியுடன் சர்வாதிகாரமாக செயற்படுவதையும் எடுத்துக்காட்டுகின்றது.

அத்துடன் தமிழ்நாடு மற்றும் இந்திய நாட்டில் உள்ள பெரும் பகுதியான நில, நீர்ப்பரப்புகள், எண்ணெய் மற்றும் கனிம வள அகழ்வு நடவடிக்கைகளால் மாசடைய செய்யப்படுவதுடன், விவசாயிகள் மற்றும் மக்களிற்கு அத்தியாவசியமான, நீர், நில வளங்கள், அரசுகளினால் முறைகேடான முறையில், பல்தேசிய நிறுவனங்களிற்கு விற்பனை செய்யப்பட்டு வருவதும் குறிப்பிடத்தக்கது.

Water loot by Pepsi

Water loot

அது மட்டும் அல்லாமல், கனிம வளங்கள், இந்திய தரகு முதலாளிகளான, மிட்டல் சகோதரர்கள், அம்பானி சகோதரர்கள், அதானி, மற்றும் குறுந்தரகு முதலாளிகளுக்கும், முறை கேடான வகையில் விற்பனை செய்யப்படுவதுடன், வெளி நாட்டில் இருந்து போலி பெயர்களில் இயங்கும் பல்தேசிய நிறுவங்களுக்கும் விற்பனை செய்யப்பட்டு, மக்களுக்கு சேர வேண்டிய வளங்கள் சூறையாடப்படுவதுடன், வளங்கள் முறையான அளவுகளில் அகழப்படாது, ஆய்வாளர்களால், முறையாக குறிப்பிடப்பட்ட அளவுக்கும் அதிகமா,க அகழப்பட்டு சூழல் மாசுபடுத்தப்பட்டும் வருகின்றமை குறிப்பிடத்தக்கது. ( இந்தியாவின் இராஜஸ்தான் மாநிலத்தில், மக்களின் எதிர்ப்பையும் பொருட்படுத்தாது, போலி பல் தேசிய நிறுவனத்தின் வளக்கொள்ளைக்கு அனுமதி அளித்த இராஜஸ்தான் மாநில அரசு தொடர்பான செய்திக்குறிப்புக்கு இங்கே சொடுக்கவும். ) அது மட்டும் அல்லாமல் “Nestle” எனும் நிறுவனத்தால், அமெரிக்காவில் கலிபோர்னியா மாநிலத்தின் நீர்வளம், அந்நிறுவனத்தின் தேவைக்காக, வழங்கப்பட்ட அனுமதிக்கும் மாறாக, முற்றாக உறிஞ்சப்பட்டு, அம்மாநிலத்தில் வறட்சி நிலை ஏற்படுத்தப்பட்டதும் குறிப்பிடத்தக்கது. ( இது தொடர்பான கட்டுரையினை வாசிக்க இங்கே சொடுக்கவும். ) இதே போன்று, இலங்கையின் வெரிவேலியா எனும் இடத்தில், தம்மிக பெரேரா எனும் வியாபர முதலைக்கு சொந்தமான, பல்தேசிய நிறுவனம் ஒன்றினால், நீர் வளம் மாசடைய செய்யப்பட்டது என்பதுடன், அதனை எதிர்த்து போராடிய மக்களை, அரச படைகள் சுட்டு கொன்றதும் ( இது தொடர்பான கட்டுரையினை வாசிக்க இங்கே சொடுக்கவும். ), அண்மையில் அம்பாந்தோட்டை பகுதியில், நீர் வசதி கேட்டு போராடிய மக்கள் மீது, தடியடி நடத்தப்பட்டமையும் குறிப்பிடத்தக்கது. அதுமட்டும் அல்லாது ( இது தொடர்பான கட்டுரையினை வாசிக்க இங்கே சொடுக்கவும். ), அண்மையில் இலங்கையின் நீர்த்தேவைக்கு பயன்படும் களனி கங்கை, இன்னுமொரு பல்தேசிய நிறுவனமான கோக்கா கோலா நிறுவனத்திலிருந்து வெளியேற்றப்பட்ட கழிவுகளால் மாசடைய செய்யப்பட்டது என்பதுடன்( இது தொடர்பான கட்டுரையினை வாசிக்க இங்கே சொடுக்கவும். ), இலங்கையின் வட பகுதியின் நிலத்தடி நீர் வளம், நிராஜ் தேவாவின் நிறுவனமான எம்.ரி.டி வோக்கர்ஸ் நிறுவனத்தில் இருந்து வெளியேற்றப்பட்ட எண்ணெய் கழிவினால் மாசடைய செய்யப்பட்டதும் குறிப்பிடத்தக்கது( இது தொடர்பான கட்டுரையினை வாசிக்க இங்கே சொடுக்கவும். ). அத்துடன் இந்நிறுவனங்கள் மீதான வழக்குகளை அரசுகள் நிறுவனங்களிற்கு சார்பாக கிடப்பில் போடுவதுடன், குற்றவாளிகளான இந்நிறுவனத்தின் உரிமையாளர்களை, ஒரு போதும் தண்டித்ததும் இல்லை, என்பதும் குறிப்பிடத்தக்கது. அத்துடன், அரசுகள், இந்நிறுவனங்களின் பணம் சம்பாதிக்கும் பேராசைக்கு அமைய, நீரை முற்றிலும் உறிஞ்சுவதற்கு அனுமதி வழங்குவதுடன், மக்களின் அத்தியாவசிய தேவையான நீர்வளத்தினை, மக்களின் தேவையினை பொருட்படுத்தாது, விற்பனை செய்யும் ஒப்பந்தங்களை கைச்சாத்திட்டு, விற்பனை செய்து வருவதும் குறிப்பிடத்தக்கது. இவ்வாறான சம்பவங்கள், தற்போது உலகெங்கும் பல்தேசிய நிறுவனங்களின் துணை கொண்டே, ஆட்சிகள் நடைபெறுகின்றன என்பதினை எடுத்துக்காட்டுகின்றன

பல் தேசிய நிறுவன‌ங்களின் வள கொள்ளைகள், உழைப்பு சுரண்டல்கள், அவற்றினால் ஏற்படுத்தப்படும் சூழலியல் அழிவுகளுக்கு எதிராக போராடுவதுடன், அவற்றிற்கு பின்னால் இயங்கும் சதிகாரார்கள், அவற்றிற்கு சார்பாக இயங்கும் தன்னார்வ நிறுவன‌ங்கள் மற்றும், அவற்றிற்கு சார்பாக இயங்கும் அரச அதிகாரிகளை, அம்பலப்படுத்துவதன் ஊடாக, அனைவரும் ஒன்றிணைந்து போராட முன் வரவேண்டும். தொடர்ந்தும் பல்தேசிய நிறுவனங்களினால், மக்கள் பாதிப்படைந்து கொண்டிருக்கையில், உலக நாடுகள் எங்கும் உள்ள ஆர்வலர்கள், அமைதியுடன் வேடிக்கை பார்ப்பது, கவலைக்குரியது என்பதுடன், வழமையான துறை சார் பணிகளுடன் கூடிய அமைப்புக்கள், உலக நாடுகள் எங்கும், மீண்டும் கட்டியெழுப்பப்படவேண்டும் என்பதுடன், தம்மை தாமே ஆளும் வகையில், அரசினை கட்டியெழுப்ப, அனைத்து மக்களும் முன்னின்று உழைக்க முன்வரவேண்டும், என்றும் கோரி நிற்கிறோம். இன்னமும் தாமதிக்க, உலகில் உள்ள‌ அனைத்து பிரதேசங்களும், வாழ்வதற்கு ஒவ்வாத பிரதேசங்களாக, மாற்றப்பட்டு விடும் என்பதில், சற்றும் ஐயம் இல்லை என்பதுடன், இக்கட்டுரையின் உண்மை நோக்கம் அறிந்து, மக்கள் அனைவரும் சாதி, மத, நிற, இன, மொழி, தேச வேறுபாடுகளை களைந்து, இணைந்து செயற்பட்டு, இவ்வாறான‌ பல் தேசிய நிறுவனங்களினை முற்றிலுமாக‌ கருவறுக்க போராடுவதுடன், உங்கள் உரிமைகளை வென்றெடுக்க போராட முன்வரவேண்டும்.

-தெனீசன்

சொல்லிசை கலைஞனின் சொற்கூர்மை இடித்து உரைக்கும் முதலாளித்துவத்தின் கோரமுகம்

எமது ஈழ விடுதலை போராட்டம் தீவிரவாதமாக்கப்பட்டு, எவ்வாறு முதலாளித்துவமும், சிங்கள இனவாதத்திற்கு பின்னால் ஒளிந்திருந்து செயற்படும், குறு முதலாளித்துவமும், இணைந்து, வளக்கொள்ளையில் ஈடுபடுகிறதோ, அவ்வாறே பாலஸ்தீனத்திலும், மற்றைய ஆபிரிக்க நாடுகள் மற்றும் ஏனைய நாடுகளிலும், முதலாளித்துவம், விடுதலைப்போராட்டங்களை, தீவிரவாதம் என பெயர்சூட்டி, விடுதலை வேட்கையை அழிப்பதுடன், வளக்கொள்ளையிலும் ஈடுபடுகிறது. இதனை, சிறந்த முறையில் எடுத்து இயம்பும், ஒரு ஆங்கில மொழியில் அமைந்த‌, சொல்லிசை பாடலின் தமிழாக்கமே இக்கட்டுரையாகும். எமது தமிழ் சமூகத்திலும், “இவ்வாறான சொல்லிசை கலைஞர்கள் உருவாகவேண்டும்” என்று எதிர்பார்த்து நிற்கின்றோம். மக்களை போகங்களில் இருந்து விடுவிப்பதற்கும், மண்ணையும், மக்களையும் செழுமைப்படுத்துவதற்கும், நல்வழிப்படுத்துவதற்கும், சமூக அவலங்களில் இருந்து மீட்பதற்கும், நாம் வாழும் சமகாலங்களில், சமூகத்தில், மக்கள் அன்றாடம் எதிர்நோக்கும் பிரச்சனைகள் பற்றிய பார்வையுடன் கூடிய படைப்புக்களை, தொடர்ந்தும் இடைவிடாது கொடுக்கவேண்டியது, கலைஞர்களின் கடமை ஆகும்.

பாடலை செவிமடுப்பதற்கு இணைக்கப்பட்டுள்ள இணைப்பை சொடுக்குங்கள். – இணைப்பு.

அந்த சொல்லிசை கலைஞனின் டுவிட்டர் முகவரி – Logic Army

பாடலின் கருத்துடன் கூடிய தமிழாக்கம் –

” மக்கள், எப்போதும், மற்றைய மனிதர்கள் வாழ்ந்து, துன்பப்பட்டு, மீண்டுவந்த, தாம் இருந்திராத, மிகவும் துன்பகரமான சூழ் நிலைகளை விளங்கி கொள்ளாது, இலகுவில், அவர்களை எடை போடுகிறார்கள். ஒரு பார்வையாளனாக, துன்பங்களை அனுபவித்தவனாக, எமது சமூகம் எவ்வாறு இருக்கிறது, எவ்வாறு புரிந்து நடந்து கொள்வதால், சமூகத்தை சிறப்பாக கட்டியெழுப்ப முடியும் என்பதனை கூற முனைகிறேன்.

காஸாவில் பிறந்து, வள‌ர்ந்து, வாழ்ந்து வருகின்ற‌ மக்கள், தமது மொழி, கலாச்சாரம், விழுமியங்கள் மற்றும் தமது இனத்தினை காப்பதற்காகவும், தமது நிலத்தினை, இஸ்ரேலியர்கள் அபகரிக்காது தடுப்பதற்காகவும், போராடிவருகின்றனர். காஸா மக்களுக்கு அந்நாடு, அவர்களின், எதிர்கால சந்ததியினர் வாழ்வதற்கும், தாம் வாழ்வதற்கும் அவசியமானது. ஹிட்லரினால் படுகொலை செய்யப்பட்ட, இஸ்ரேலியர்களுக்கும், “ஒரு நாடு அவசியம்” என்பதனை விளங்கிகொள்கிறேன். ஆனால் அதற்காக, அப்பாவி பலஸ்தீன மக்களின் “மூன்றில் இரண்டு பங்கு நிலத்தினை அபகரித்தது” அபத்தமானது என்பதுடன் ஏற்றுகொள்ளப்படமுடியாததும் ஆகும். பலஸ்தீனியர், தற்போது அகதிகளாக்கப்பட்டு, தாம் எப்போதும் சென்றிறாத, லெபனான் போன்ற ஏனைய நாடுகளில் வாழ்ந்து வருகின்றனர். எதிர்த்து, “வெளியேறாமாட்டோம்” என்று போராடும் ஆயிரக்கான பலஸ்தீனியர்கள் கொல்லப்படுகிறார்கள். இதே போன்ற ஒரு சந்தர்ப்பத்தை, நான் எதிர்கொள்ளுமிடத்து, அதனையே நானும் செய்வேன். இதனை எதிர்த்து, தற்கொலை செய்யும், போராளியின் மனநிலையினை ஏற்று கொள்கிறேன். ஆனால் தற்கொலை செய்து, தாமும் இறந்து, மற்றைய அப்பாவி உயிர்களை பறிக்கும், தவறான போராட்டத்தை, என்னால் ஏற்றுகொள்ள முடியாது. தற்கொலை செய்ததன் பின் என்ன நடக்கப்போகிறது? காஸாவில் இடம்பெறும் நில அபகரிப்போ, படுகொலைகளோ நிறுத்தப்படப்போகிறதா? ஒரு போதும் இல்லை என்கிறேன். இஸ்ரேலிய நண்பன் ஒருவனுடன் அமர்ந்து, இது குறித்து வினவிய போது, அவன், அங்கு சென்றால், ” நீ உயிருடன் மீண்டும் திரும்பமாட்டாய்” என எனக்கு சொன்னான். நான் அவனிடம், நீ சொன்னது உண்மையென்றால், நீ சென்று உனக்கு மதத்தை போதிக்கும் தோராக்களை அடி என்றேன். ஏனெனில் இஸ்ரேலியர்கள், அப்படி கொலைகளை செய்வார்கள் எனில், அவர்களின் மத போதகர்கள், மதக்கருத்துக்களை, தவறாக தமது மக்களுக்கு போதித்து, அவர்களை தவறான வழியில் நடத்துகிறார்கள் என்று அர்த்தமாகும். “யூதப்படுகொலையில் இருந்து மீண்டு வந்த ஒரு தேசம், அதேபோன்ற படுகொலையினை, இன்னொரு இனத்தவர் மீது எப்படி கட்டவிழ்த்து முடிகிறது?” இந்த கேள்வியினை, இஸ்ரேலியர்கள், ஆறுதலாக இருந்து, தம்மிடம் தாமே கேட்டு கொள்ளவேண்டும். இல்லையா?

Worst time in our history
Worst time in our history

நான், ஒரு பார்வையாளனாக இருந்து பார்த்து புரிந்ததில், “ஏன் இந்த உலகம் இப்படியான இழி நிலையில் இருக்கிறது” என்பதற்கான சில காரணங்களை சொல்கிறேன், தயவுசெய்து கேளுங்கள். எனக்கு தெரியாததை, எனக்கு தெரியும் என்று, நான் ஒருபோதும் கூறமாட்டேன். நாம் ஏன் பிறந்தோம், எதனை நாடி செல்லவேண்டும் என்பது பற்றி எனக்கு தெரியாது? ஆனால், எனக்கும், ஒரு பொதுவான மக்கள் குறிக்கோளிற்காக, யுத்தத்தில் என்னை ஆகுதியாக்குவது பற்றி தெரியும். ஆபிரிக்காவிற்கு சென்ற போது, நன்கு வளர்ந்த, ஒரு இளவயதுடையவர், என்னால் தாங்க முடியாத, பார்க்க முடியாத அளவிற்கு, உடல் நலிந்து போய், நிலத்தில் இருந்து, யாசகம் செய்து, வறுமையில் வாழ்ந்து வர கண்டேன். ஆனால், இருந்தும் அவர், கடவுளை ஒவ்வொரு நாளும் வணங்குகிறார். அத்துடன் அவர் மனோபலத்துடன், சகல வசதிகளுடன் கூடிய ஒரு சிறந்த வாழ்க்கையை, வாழ்ந்திருக்கவேண்டியவர் என்று எங்களுக்கு தெரியும். ஆனால் ஒன்று , இவ் இழிய நிலையை தோற்றிய‌, மேற்கத்திய நாடுகளில் வசிக்கும், தவறான,வளக்கொள்ளையர்களின் கைக்கு, ஒரு போதும் ஆபிரிக்கா செல்லமாட்டாது. இன்றும், இழிய இப்பிறப்புக்கள், ஆபிரிக்க நாடுகளில் உள்ள நிலங்களை கொள்வனவு செய்து, அங்குள்ள வளங்களை கொள்ளையடிப்பது மட்டும் அல்லாது, இலாபம் சம்பாதிப்பதற்காக, ஆயுதக்கலாச்சாரத்ததை, ஆபிரிக்க கண்டம் முழுவதும் பரப்பி, ஆயுத வியாபாரத்தை மேற்கொள்கின்றனர்.

“ஆபிரிக்கா, ஏன், இன்று இவ்வாறான வறுமை நிலையினை எதிர்கொள்கின்றது” என்று யாராவது எனக்கு சொல்லுங்கள்? ஆபிரிக்க மண் எங்கும், வளங்கள் காணப்படுகிறது. அத்துடன், அங்கு, அதி விலை கூடிய வைர வளமும் இருக்கின்றது. மண்ணை இரு கைகளாலும் கோதியள்ளும் போது, வைரம் கிடைக்ககூடியதான வளம் இருக்கும் போது, அச்செந்தழிப்பான கண்டம், ஏன் வறுமையின் கோரத்தில் சிக்கி தவிக்கவேண்டும்? வெள்ளையினத்தவர்கள் தான் இந்நிலைக்கு காரணம் என்று கூறுவது தவறு. ஆபிரிக்க தாயின் அழகினை அறியாத, பதவி ஆசை கொண்டவர்கள்தான், ஆபிரிக்க மண்ணின் இவ்இழியநிலைக்கு காரணம். மிருகங்களிலும் கேவலமான இழிய இப்பிறப்புக்கள், ஆபிரிக்க மண்ணை பணம் சம்பாதிப்பதிக்கும் மண்ணாகவே கண்ணுற்றனர். அத்துடன், இவ்இழிய பிணந்தின்னி கூட்டம், ஆபிரிக்க மண்ணினை, தம் வயிற்றை வளர்த்துக்கொள்வதற்கு கிடைத்த சந்தர்ப்பமாகவே, பயன்படுத்தி இலாபமடைந்தனர். இதனையே, நீங்களோ, நாமோ செய்தால், அதற்கு தீவிரவாதமென பெயர் சூட்டுவர். இச்சொற்களை, நான் சொன்ன சிறப்பான வாக்கியமாக குறித்து கொள்ளுங்கள். ஞாபகம் வைத்துக்கொள்ளுங்கள்; நாம் எதனை கொண்டு வந்தோமோ, அதனை மட்டுமே, இறக்கும் போது கொண்டு செல்வோம். “இன்ஷா அல்லாஹ்” எனும் புனித வாக்கியத்தினால், வணங்கப்படும் கடவுளும், உங்களிடமும், எங்களிடமும், நிறைந்து இருக்கும், அன்பு மிக்க இதயத்தினையே குறித்து நிற்கின்றார். எந்த சமயத்திற்கும் உரிமையாளர்கள் கிடையாது. குர்ரானோ, பைபிளோ, யூதர்களின் தோரா போன்ற இறைவழியினை அடைவதற்கு என்று எழுதப்பட்ட சகல புனித புத்தகங்களும், பேனா மையினால் தான் எழுதப்பட்டது. அவற்றில் போதிக்கப்பட்ட கருத்துக்களை, திரிபுபடுத்தியே போதிக்கிறார்கள், என்று நான் நினைக்கிறேன். அனேகமான அரசியல்வாதிகள், பிறக்கும் போது, இனவாதியாக பிறந்தவர்கள் போன்றே, நடந்துகொள்கிறார்கள். அத்துடன், அவர்கள், ஒருவருக்கு ஒருவர், தொடர்புகளை கொண்டவர்களாகவும், உறவினர்களாகவும் இருக்கிறார்கள். பல நூற்றாண்டுகளின் முன்பாக நாம் பல்வேறுபட்ட பிரிவுகளாக பிரிக்கப்பட்டோம். “சகோதரன் ஒருவன், பலமற்றவன் என்று அறிந்தபின்பும், அவனை எப்படி உங்களால் தாக்கி கொல்லமுடிகிறது” என ஒரு கூட்டத்தில் “ரொனி பென்” எனும் சிறந்த அரசியல் போராளி ஒரு முறை பேசியதை அறிந்தேன். அப்படிகொலை செய்யும் கொலைகாரர்களின், மூதாதையர் எப்படி இருந்திருப்பார்கள், என்பதை நான் அறியேன். சகோதரர்களே, நீங்கள் என்னுடன் வாதம் புரியும் முன், உங்களிடம் இருந்து வேறுபடாத, அதிசயப்பிறவி அல்லாத, சதாரணமான பார்வையாளனாக இருந்து, நான் சொன்னவற்றை, நான் சொன்ன பார்வையில் இருந்து ஒரு முறை யோசித்து பாருங்கள். அன்புள்ள சகோதரர்களே, எனக்கு வலி தரும், எங்கள் மக்களின் இச்சோகங்களை கேளுங்கள். என் நடைமுறை வாழ்க்கையில் இருந்து கற்ற பாடங்களில் இருந்து, என்னை திருத்தி கொள்ளும் சக்தியை பெறுகின்றேன். அச்சக்தியினை சொற்களாக்கி, உங்களுக்கு தருகின்றேன். என் சொற்கள் உங்களிற்கு தருகின்ற, வடிவத்தினை உற்று நோக்குங்கள். உங்களின் பழைய பாரம்பரியங்களான, எகிப்திய தியான வழிபாட்டு முறைகளை ஆராயுங்கள். பகிரங்கமாக‌ விவாதியுங்கள். முன்னைய காலத்தில், வியாபாரிகளாக நமது நாடுகளிற்கு வந்து, எமது தாற்பரிய வழிபாட்டு முறையை, தவறான முறையில் திரிபுபடுத்தி, அழித்த இழிய பிறப்புக்கள், எம் நாடுகளில், தமது கலாச்சாரங்களின் ஊடாக, எம்மை கடவுள் சொர்க்கத்தில் இருக்கிறார்; மரணம் மக்களிற்கு பொதுவானது என கூறி, வலி மற்றும் வேதனை மிகுந்த மரணத்தினை, மக்களுக்கு இயல்பானதொன்றக்கி, மக்களினை மந்தைகளாக்கி, மக்களிடம், போலியான மத மார்க்கங்களை திணித்து, தாமே மக்களை காக்க வந்த தூதர்கள் என்று, சொல்வதன் ஊடாக, மக்களை ஏமாற்றுபவர்களை இனங்காணுங்கள். சொர்க்கத்திற்கு செல்ல ஆசைப்படும் தேவதூதர்களாகிய எமக்கு, எம் நிலங்களை சொர்க்கபுரியாக‌ மாற்றுவதாக கூறி, எம்மண்ணில் காலடி வைத்த, இந்த பண்டைய வியாபாரிகளின், உண்மை முகத்தினை, அறியுங்கள். இவ்வியாபாரிகள், தம் குறுகிய கால இலாப நலன்களுக்காக, சகல நாடுகளையும் அழித்துவிட்டார்கள். நான் உண்மையை தேடி அறிய விரும்பும் கருணையுள்ளம் கொண்ட மனிதன். இவ்வுலகில் வாழும் மற்றைய மனிதர்களும், என்னை போன்று அன்பு கொண்ட, உண்மையை தேடும் மனிதர்களே. இதுவே எனது பார்வை. என்னால், நான் கற்றவற்றை, உங்கள் கண்ணுக்கு புலப்படும் வகையில் சொல்லிசையினூடாக தர மட்டுமே முடிகிறது. “

தமிழாக்கம் – செங்கோடன்

“சகல மனிதர்களிடத்தும், உயிர்களிடத்தும் அன்பு செலுத்துங்கள்; இறைவன் தான் உயிராக சகல உயிர்களிடத்தும் நிறைந்துள்ளார். உயிர்களை கொல்லாதீர்கள். “

தமிழர் அரசியலின் இன்றைய மோசமான நிலை : டென்சி

Sumanthiran

இலங்கையில் இடம்பெற்ற, இடம்பெற்று வரும் தமிழின அழிப்பு மீதான விசாரணை, கடந்தகாலங்களிலும் உள்நாட்டு விசாரணை என்கிற பெயரில், ஏமாற்றங்களுக்கு உள்ளானதினை, வரலாற்றின் படிப்பினைகள் ஊடாக அறிந்து கொள்ள முடியும். தற்போது தமிழ் மக்களின் பிரதிநிதியான, சுமந்திரன் ஐயா, ஐக்கிய நாடுகள் சபை, “இனப்படுகொலை நடந்தது என நிரூபிப்பதற்கு, போதுமான அளவு ஆதாரம் அவர்களிற்கு கிடைக்கவில்லை” எனும் கருத்தினை மையமாக வைத்து, தனது வாதத்தினை முன்வைத்து, மக்களை குழப்பத்திற்கு உள்ளாக்கி வருவதுடன், தான் தேர்வு செய்யப்பட்டதன் நோக்கங்களை நோக்கி, தனது செயற்பாடுகளை முன்வைக்காது, தம்மை ஒரு முதல் தர சட்டத்தரணி என குறிப்பிட்டு, தமிழ் மக்களிற்கு இழைக்கப்பட்ட அநீதிகளை, தம்மாலான வழிகள் மூலம், சர்வதேச மன்றுகளில், ஆதாரங்களை மக்களிடம் இருந்து பெற்று சமர்பிப்பதன் மூலம், நடைபெற்றது இனப்படுகொலையென உலகிற்கு நிரூபிக்க தவறிவிட்டது மட்டும் அல்லாமல், அப்பாவி தமிழ் மக்களிடையே, புலம், தாயகம் எனும் மோசமான பிரிவினையை தூண்டிவிட்டு, அதனில் குளிர்காய்ந்து கொண்டு அரசியல் செய்வது, மிகவும் கீழ்த்தரமானது என்பதுடன், அவருடன் இணைந்து செயற்படும் அரசியல் மற்றும் மக்களினது உரிமைகளை பற்றிய, எவ்வித அடிப்படை அறிவும் இன்றிய சுரேந்திரன் போன்றோர், தன்னார்வ நிறுவனங்களுக்காக வேலை செய்வதுடன், தமது பிழைப்புற்காக தமிழர் போராட்டங்களை கொச்சைப்படுத்துவதும் குறிப்பிடத்தக்கது. இவர்களை, துறை சார் அறிஞர்கள், தக்க கேள்விகளை முன்வைப்பதன் மூலம், இவர்களது நோக்கங்களை வெளிக்கொணர்ந்து, இவர்களை போன்ற பதவிகளிற்காக செயற்படும் அரசியல்வாதிகளை, அரசியலில் இருந்து அகற்ற முன்வந்து செயற்படவேண்டும்.

தமிழ் மக்களாகிய எங்களுக்கு, இவ்வாறான விசாரணைதான் தேவையென, இன அழிப்பின் மற்றும் வள கொள்ளையினால் ஏற்படுத்தப்படும் அழிவுகள் ( சுன்னாகம் நீர் மாசடைதல், மன்னார் மற்றும் திருகோணமலையில் இடம்பெறும் எண்ணெய் கொள்ளையினால் கடல் வளம் மாசடைதல் போன்றவற்றின் பின்னால் இயங்கும் சூத்திரதாரிகளை கண்டறிவதன் மூலம் ) பற்றிய‌ ஆதாரங்களுடன், ஏதாவது ஒரு நாட்டின் ஆதரவுடன் ( விசாரணைக்கு ஓட்டுக்கள் கிடைக்குதோ இல்லையோ, பாதிக்கப்பட்டவர்களான எமக்கு, இவ்விசாரணைதான் தேவையென உண்மைகளை, உலகின் முன் இடித்துரைத்து கபட நாடகம் ஆடும் அமெரிக்காவின் முகத்தில் கரியை பூச முடியும் ) , எங்களுக்கு தேவையான விசாரணையை கோர வேண்டுமே தவிர, சர்வதேச விசாரணை தேவை, சர்வதேச விசாரணை தேவை என, மேற்குலக சக்திகளுடன் இணைந்து போரின் பின் இயங்கிய ஐக்கிய நாடுகள் சபை உட்பட, கொலைகாரர்களை காக்கும் உத்திகளுடன் கூடிய விசாரணையை கோருவதிலோ, வெறும் சர்வதேச விசாரணை தேவை என்பதற்கான கையொப்பங்களை மட்டும் சேர்பதிலோ, பலன் கிடையாது என்பது திண்ணமாகும். இதனை புரிந்து கொண்டு, எமது சமூகத்தில் இருக்கும் துறை சார் நிபுணர்களின் உதவி மற்றும் சிங்கள சமூகத்தில் இருக்கும் சமூக ஆர்வலர்கள், முற்போக்கு சக்திகள், துறைசார் நிபுணர்கள் உதவி கொண்டு ஆதாரங்களை சேகரித்து, எமக்கு தேவையான விசாரணையை முன்னெடுப்பதற்கான வழிமுறைகளை ஆராய்ந்து, செயற்பாடுகளை முன்னெடுப்பது பலனளிக்கும்.

வெறுமனே சர்வதேச விசாரணை வேண்டும் என்பதற்கான அர்த்தம் யாது? அமெரிக்காவினாலோ, பிரித்தானியாவினாலோ அல்லது இந்தியாவினாலோ முன்மொழியப்பட்டு, சர்வதேச நீதிபதிகளை கொண்டு விசாரித்தாலும், உண்மை வெளிவரப்போவது கிடையாது. அப்படியான விசாரணையை ஆதரிப்பது என்பதும் இனப்படுகொலை செய்ய தூண்டிய, பின் நின்றவர்களை காப்பாற்றுவதை நோக்காக கொண்டதாகும். மேல் குறிப்பிட்டது போன்ற, தமிழ் மக்களுக்கு தேவையான விசாரணையை, ஆதாரங்களுடன், தமிழ் தேசிய மக்கள் முன்னணி, தமிழ் தேசிய கூட்டமைப்பு போன்ற கட்சிகள், குறிப்பிட்ட ஏதாவது ஒரு நாட்டின் உதவியுடன், ஏன் கொண்டுவரமுடியாது? இதனை உங்களை பிரதிநிதித்துவப்படுத்தும் பிரதி நிதிகளிடம் ஏன் நீங்கள் கேட்க கூடாது? 

சிங்கள பௌத்த இனவாத அரச இயந்திரத்தினால் கட்டுண்டு இருந்த இனவாதிகள், போரின் போது இலங்கை அரச மற்றும் ஊடகங்கள் கூறியதை அடிப்படையாக கொண்டு, தமிழின படுகொலையை, தமது இனத்துக்கெதிரானவர்கள் அழிக்கப்படுகிறார்கள் என வேடிக்கை பார்த்தனர். ஆனால் இன்று தங்களுடைய அரசின் உண்மை முகம் அறிந்து, புரிந்து, இலங்கை போரின் பின் செயற்பட்ட ஏகாதிபத்திய நாடுகளின் கபடங்களை அறிந்து, தமிழின விடுதலைப்போரில் கொல்லப்பட்டவர்களிற்கான நீதி கோருவதையும், சுயாதீன விசாரணை கோருவதை காணக்கூடியதாக இருக்கிறது. அத்துடன் தமிழர்களாகிய நாமே எமது இனப்படுகொலை பற்றியும், அது ஏன் திட்டமிட்டு நடத்தப்பட்டது என்பதன் பின்னணி பற்றியும், இன்னமும் முழுமையான விபரங்களை அறியாத அறிவிலிகளாகவே உள்ளோம் என்பதே உண்மையாகும். அத்துடன் ஊடகங்கள் வெளியிடும் இனவாத கருத்துக்களினை உள்வாங்கி, ஏதும் அறியாத, எம்மை போன்றே, ஊடகங்களினாலும், அரசியல்வாதிகளினாலும், “இனவாதிகள்” என முத்திரை குத்தப்பட்ட, அப்பாவி சிங்கள மக்களினை, எப்போதும் இனவாதிகள், இனவாதிகள் என குற்றம் சுமத்தாது, அவர்கள் மேல் உள்ள காழ்ப்புணர்வுகளை கைவிட்டு, அவர்களிடையே உள்ள மாணவர் அமைப்புக்கள், முற்போக்கு சக்திகள், சுயநிர்ணய உரிமையை ஆதரிக்கும் கட்சிகள் ஆகியனவற்றை இனங்கண்டு, அவர்களிடம் உண்மைகளை எடுத்துச் செல்வது மட்டும் அன்றி, அவர்களுக்கும், எங்களுக்கும், சகலருக்கும் உரித்தான, சுயநிர்ணய உரிமையை வென்றெடுக்க போராடவேண்டும். மற்றும் போலி சர்வதேச தொண்டு நிறுவனங்களின் கருத்துக்களை உள்வாங்காது, நாமே, சுயாதீனமாக செயற்படும் துறைசார் நிபுணர்கள், தன்னார்வலர்கள் துணை கொண்டு இனப்படுகொலை, அதன் வளக்கொள்ளையை நோக்காக கொண்ட அதன் பின்னணி பற்றி அறிந்து ஆராய்ந்து, உண்மைகளை ஆதாரங்களுடன் வெளிக்கொணர செயற்படுவதே காலத்தின் கட்டாயமாகும்.

சர்வதேச மன்றுகளில் தமிழர்களுக்குப் இழைக்கப்பட்டது, இனப்படுகொலையென ஆதாரங்களுடன் நிரூபிப்பதற்கு, அதிக காலம் செல்லும் என்பதுடன், அதற்காக அதிக காலம் சளைக்காமல் தொடர்ந்தும் போராட வேண்டும் என்பது மட்டும் அல்லாமல், தற்போது நடைபெறும் விசாரணையானது, “பாதிக்கப்பட்ட மக்களினால் கோரப்பட்டது அல்ல” என்பதனை எமது மக்கள் புரிந்து கொள்ளவேண்டும். அத்துடன், இவ்விசாரணையானது, இனப்படுகொலைக்கு இலங்கை அரச இனவாதிகளிற்கு துணை நின்ற, அமெரிக்க அரசினால் முன்கொணரப்பட்ட, ‘போலி கண்துடைப்பு விசாரணையாகும்’ என்பதனையும் புரிந்து செயற்படவேண்டும் என்பதுடன், தமிழ் மக்களாகிய நாம், எமக்கு அறுபது ஆண்டுகளிற்கு மேலாக இழைக்கப்பட்ட அநீதிகளுடன், மற்றைய இன மக்களிற்கும், எமது விடுதலை போராட்டத்தின் ஊடாக மேற்கொள்ளப்பட்ட அநீதிகளிற்குமாக, ஒரு நடுநிலையான விசாரணையை, ஏதாவது ஒரு நாட்டின் உதவியுடன், முன்னெடுத்து, இனப்படுகொலையை நிரூபிக்க முடியும் என்பதுடன், சகல மக்களுக்கும் இழைக்கப்பட்ட அநீதிகளிற்கும், நீதியை வழங்க முடியும் என்பதுடன், இனப்படுகொலையை நடாத்த பின் நின்ற அமெரிக்க, இந்திய, பிரித்தானிய அரசுகளின் உண்மை முகத்தினையும் வெளிக்கொணரவும் முடியும். இதனை நோக்கி, மற்றைய முற்போக்கு சக்திகளுடனும், மற்றைய விடுதலை அமைப்புக்களுடனும், மற்றைய இன மக்களுடனும் இணைந்து எமக்கிழைக்கப்பட்ட அநீதிகளை எடுத்துக்கூறி, நாமே அயராது போராட வேண்டும் என்பதுடன், வெறும் கோசங்களுடனும், ஆரப்பாட்டங்களுடனும் நில்லாது, மக்கள் மேல் அக்கறை கொண்ட துறை சார் செயற்பாட்டாளர்கள் உதவிகொண்டு சிறந்த போராட்டத்தினை கட்டியமைத்து போராடி எமது விடுதலையை வென்றெடுக்கவேண்டும்.

சிங்கள கவிஞர் ஒருவர் எழுதிய மனதை உறுத்திய‌ கவிதை

“அவர்கள் கருப்பு நிறமா? எனக்கு நிச்சயமாக நீங்கள் உயிருடன் இல்லை என்று தெரியும்.

எங்களுடைய சிங்கள பத்திரிகைகள், தொலைக்காட்சிகள் உங்களை மிருகம் என்றே வர்ணித்தன.

இருந்தும் நீங்களும் எங்களுடைய இராணுவத்தினரை போன்று, நிலக்கீழ் காப்பரண்களில், வெடி மருந்து மணத்துடன், பல தூக்கமற்ற இரவுகளை கழித்திருப்பீர்கள் என்று எமக்கு தற்போது தான் புரிகிறது.”

தமிழ் கடல் பரப்புக்களில் பல் தேசிய நிறுவன‌ங்களின் ஆதிக்கம்…

பகுதி – பத்து

கட்டுரையாக்கம் – FoilVedanta

முதன்மை கட்டுரை – இணைப்பு

அக்கட்டுரையின் பொருளுடன் கூடிய‌ தமிழாக்கம் – பறை விடுதலையின் குரல்

( காலத்தின் தேவை கருதி, இக்கட்டுரை இணையத்தில் தரவேற்ற‌ப்படுகிறது. )

இந்திய நாட்டினை சுற்றியுள்ள கடல் பரப்பு, மற்றும் இலங்கை நாட்டினை சுற்றியுள்ள கடல்பரப்பினில், பல பல் தேசிய நிறுவனங்கள், தமது வளக்கொள்ளையினை முன்னெடுப்பது மட்டும் அன்றி, தங்கள் இலாப நோக்கு கருதி, செயற்பட்டுக்கொண்டு, தாங்கள் செய்யும், கொள்ளைகள் பற்றிய விபரங்களும், அவற்றினால் ஏற்படும் அழிவுகள் பற்றிய விபரங்களும், மக்களின் கைகளிற்கு செல்லாமல், தடுத்து நிறுத்துவதற்கு தேவையான சகல வழிகளையும், தமது ஊடக‌ பலத்தின் உதவியுடனும், தம்மை சார்ந்த அரசில் அங்கம் வகிக்கும், அரசியல்வாதிகளின் துணை கொண்டு, முன்னெடுப்பதுடன், தமக்கு தேவையான துறை சார் நிபுணர்களை, தம்மால் உருவாக்கப்பட்ட தன்னார்வ தொண்டு நிறுவனங்களில் வேலைக்கு அமர்த்துவதன் மூலம், அவர்களின் துணை கொண்டு, அழிவுகள் பற்றிய விபரங்கள் மக்களை சென்றடையாது தடுப்பதுடன், அவர்களின் துணை கொண்டும், தன்னார்வ நிறுவன‌ங்களின் துணை கொண்டும், மக்கள் மயப்படுத்தப்பட்ட போராட்டங்களை தோன்றவிடாது தடுத்து கொண்டு, தம்மை யாரும் இனங்காணா வகையில், யாரிடமும் பிடிபடாது, தமது வளக்கொள்ளைகளை முன்னெடுத்துக்கொண்டு, தாம், அரசுகளின் உதவிகளினால், அரச அதிகாரிகளிற்கு, இலஞ்சங்களை வழங்குவதன் ஊடாக, தாங்களே, அரசுகளின் நண்பர்களாக எப்போதும் இருந்துகொண்டு, தங்களினால் ஏற்படுத்தப்படும் அழிவுகளை பற்றி எதுவித கவலைகளும் இன்றி, தொடர்ந்தும், தமது வளக்கொள்ளைகளை முன்னெடுத்து, அழிவுகளை பற்றி சிறிதும் சிந்தியாது, இயங்கி, கடல் மற்றும், நில வளங்களை கையகப்படுத்தி, தாமே தம்மை சார்ந்த பொருளியளாலர்கள் துணை கொண்டு, மக்களின் நிலங்களை மதிப்பீடு செய்வதன் பெயரில், நிலத்தில் உள்ள வளங்கள் பற்றிய தன்மைகளை அறிந்து, பின்னர், அதன் துணை கொண்டு, தங்கள் ஆய்வாளர்கள் துணை கொண்டு, தங்கள் வள கொள்ளைகளிற்கு தேவையான உபகரணங்கள் உட்பட பல பாகங்களை, வெளிநாடுகளில் உள்ள தமது நிறுவனங்களின் உதவியுடன் வரவழைத்து, நாடுகளில் உள்ள விவசாய மற்றும் கடல் வளங்கள் அழிவதனை பொருட்படுத்தாது, தாங்களே, தமது வளக்கொள்ளைகளிற்கு, தலைவர்களாகவும், மத்தியஸ்தம் வகிப்பவர்களாகவும் இருந்துகொண்டு, வளங்களை தயவுதாட்சண்யம் இன்றி, கொள்ளையடிப்பதுடன், கொள்ளையடிக்கும் வளங்களை, தாமும், தம்மை சார்ந்த அரசுகளில் அங்கம் வகிக்கும், அரசியல்வாதிகளும், பங்கு போட்டுக்கொண்டு, தம்மை நம்பி தமக்கு வாக்களிக்கும் மக்கள் பற்றி, எதுவித அக்கறைகளும் இல்லாத அரசியல்வாதிகள், இவர்கள் செய்யும் பாரிய அழிவுகளை துச்சமென நம்பி, இடம்பெறும் அழிவுகளுக்கு துணை போய்க்கொண்டு, தம் நாடு பற்றிய எவ்வித அக்கறைகளும் இன்றி, தம் நாட்டினை கூறு போட்டு, இவ்வகையான நிறுவனங்களிடம் பிடிகொடுத்து விட்டு, தமது மக்களிற்கு சேரவேண்டிய, வளங்களை, விற்று வரும், இலாபங்களில், பங்குகளை பெற்று, சுக போக வாழ்க்கை வாழ்ந்துகொண்டு, தமது மக்களை சொல்லொணா துன்பங்களில் ஆழ்த்தி, விவசாய நிலங்கள் உட்பட கடல் வளங்கள் யாவற்றையும், அழித்து வருகின்றனர் என்பது குறிப்பிடத்தக்கது.

Picture-157

இலங்கை நாட்டின் வட பகுதியில், சுன்னாகம் பகுதியில், நீரினை மாசுபடுத்திய நிறுவனமான, எம்.ரி.டி வோக்கர்ஸ் நிறுவனம், தம்மை யாரும் இனங்காணா வகையில் செயற்பட்டுக்கொண்டு, தாம் எங்கு இருந்து கொண்டு இயங்குகிறோம் என்பது பற்றிய, எந்தவித தகவல்களும் இன்றி, கொழும்பு பங்கு சந்தையில் பதிவுகளை மேற்கொண்டுள்ளதுடன், தம்மை யாரும் அடையாளங்காணா வகையில், தமது செயற்பாடுகளை மேற்கொள்வதற்கு துணையாக, தாங்களே நிறுவன‌ங்களின் பட்டியல்கள் அடங்கிய கோவையினை, யாருக்கும் தெரியாமல் பேணிக்கொள்வதன் பெயரில், அவற்றை மக்களிடம் இருந்து மறைப்பதன் ஊடாக, தம்மை யாரிடமும் சிக்காது, தங்களுக்கு தேவையான சகல இலாப நட்டங்களையும் கணக்கில் காட்டாது, தாங்களே நிறுவன முகாமைத்துவ விடயங்களை கவனிப்பதன் ஊடாக, தங்கள் கொள்கைகளை இலகுவாக முன்னெடுப்பதுடன், தங்கள் நிறுவன செயற்பாடுகளை, தங்களுக்கு நன்கு தெரிந்த அரசியல்வாதிகளின் துணையுடன் முன்னெடுத்துக்கொண்டு, தம்மை சகல பிரச்சனைகளில் இருந்தும் காத்துக்கொள்வத்ற்கு, நீதித்துறை உட்பட, நாட்டின் அரச இயந்திரங்கள் யாவற்றையும் பயன்படுத்திக்கொண்டு, தம்மால் ஏற்படுத்தப்பட்ட அழிவான, வட பகுதி அழிவில் இருந்து தம்மை காத்துக்கொள்வதுடன், மக்கள் நீதி கோரி நடத்திய போராட்டங்களை, அவர்களால் தேர்ந்தெடுக்கப்பட்ட பிரதினிதிகள் துணைகொண்டு, மறைத்ததுடன் மட்டும் அல்லாமல், அம்மக்களிற்கு ஏற்பட்ட அழிவிற்கு பொறுப்பு கூறாது விட்டமையுடன், மக்களுக்கு எவ்வித இழப்பீடுகளையும் வழங்காது, பாதிக்கப்பட்ட மக்களிற்கு, நிவாரணங்கள் உட்பட எவ்வித வசதிகளயும் செய்து கொடுக்காது, தமது பலத்தால், இழைக்கப்பட்ட கொடூர குற்றத்தில் இருந்து, மிக இலகுவாக தப்பித்ததன் மூலம், தமது பலத்தினையும், மக்களை மந்தைகளாக்கும், அரசின் உண்மை முகத்தினையும், இனங்காட்டியதோடு மட்டும் அல்லாமல், தாமே முன்னின்று, வழக்குகளில், தமக்கு தெரிந்த புலனாய்வு உத்தியோகத்தர்களின் உதவியுடன், சாட்சிகளை அச்சுறுத்தியதன் ஊடாக, இழைத்த அநீதியை மறைக்க முற்பட்டதுடன், தாமே தங்களுக்கு தேவையான வழக்குரைஞர்கள் உட்பட அனைவரையும், அரச தரப்பிலும், எதிர்தரப்பிலும் ஆஜராக வைத்ததன் மூலம், வழக்கின் போக்கினை மாற்றி, வழக்கினை எவருக்கும் புரியாத கோணத்தில், திசைதிருப்பி, மக்களிற்கு, அந்நிறுவனத்தின் உண்மையான உரிமையாளர்களை அடையாளங்காணா வகையில் செயற்பட்டு, வழக்கின் உண்மையை மக்களிடம் இருந்து மறைத்து, பேரழிவினை இன்னமும், தமக்கு நன்கு பழகிய வெளிநாட்டு அரசியல்வாதிகளின் துணை கொண்டு முன்னெடுத்து செல்கின்றது. இதற்கு பின் உள்ள பல முக்கியஸ்தர்கள் உள்ள போதும், மக்கள் அவர்களை அடையாளங்காணா வகையில், நிறுவனங்களின் கட்டமைப்புக்கள் அமைக்கப்பட்டு, மக்களிடம் இருந்து, உண்மையான குற்றவாளிகளான இம்முக்கியஸ்தர்களின் விபரங்கள் மறைக்கப்படுவதுடன், அவர்கள் யாருக்கும் தெரியாது எனும் அடிப்படையில், இன்னமும் தமது வளக்கொள்ளையினை, மக்களுக்கு ஏற்படும் பாதிப்புக்களை பொருட்படுத்தாது, முன்னெடுத்துச்செல்வதுடன், மக்களின் உண்மை செயற்பாட்டாளர்களை, தமது பலத்தால், பயமுறுத்துவதன் மூலமும், பணக் கொடுப்பனவின் மூலமும், தடுத்து நிறுத்தி, தமக்குரிய பாணியில், அரசுகளை கைவசப்படுத்துவதன் மூலம், அரசுகள், தமக்கு எதிராக எக்காலத்திலும் செயற்படாதவாறு தடுத்து நிறுத்துவதன் ஊடாக, தம்மை காத்துகொண்டு, பல காலமாக வளங்களினை கொள்ளை அடிப்பதுடன், இயற்கை அன்னையையும் அழித்து, தமது செயற்பாடுகளை வெற்றிகரமாக முன்னெடுக்கின்றனர். இன்றும் சுன்னாகத்தில் அழிவுகளை எதிர்கொண்ட மக்கள், இன்னமும் தமக்கு இழைக்கப்பட்ட அநீதிகளுக்கு, நீதியை பெற்றுக்கொள்ள முனைந்து வருவது பாராட்டகூடியது என்பதுடன், அவர்கள் தங்கள் செயற்பாடுகளை, இப்படியான பல் தேசிய நிறுவனங்களினால் பாதிக்கப்பட்ட, வேற்றின மக்களின் உதவியுடன் முன்னெடுத்து செல்வது, இன்னும் பலத்தை கொடுக்கும் என்பதுடன், அம் மக்களுடன் இணைந்து செயற்படுவது, இனங்களிற்கு இடையில் ஒற்றுமையை வளர்த்து, இன்னமும் இனங்களிற்கு இடையில் உள்ள வேறுபாட்டினை, களைய உதவும் என்பதுடன், இனங்களிற்கு தேவையான பாதுகாப்புக்களை, மக்கள் ஒன்றிணைந்து போராடுவதன் ஊடாக பெற்றுக்கொள்ளவும் முடியும் என்பதும் குறிப்பிடத்தக்கதாகும்.

Cairn India / Vedanta Ltd Company Structure

இந்தியாவில் இயங்கும் கெயர்ன் இந்திய நிறுவனம், இந்திய அரச அதிகாரிகளின் உதவியில், இலங்கையில் இயங்கும், கெயர்ன் லங்கா நிறுவனம் போன்று, வேதாந்தா நிறுவனத்தின் துணை நிறுவனம் என்பதுடன், அந்நிறுவனம், இந்திய மாநிலங்களான தமிழ்நாடு மற்றும் ஆந்திர மாநில எல்லைகளில் உள்ள, கிருஸ்ணா கோதாவரி ஆற்று படுக்கைகளிலும், இராஜஸ்தான் மாநிலத்தில் உள்ள விவசாய பூமிகளிலும், எண்ணெய் வளங்களினை தோண்டுவதற்கு, தமக்கு தெரிந்த நிறுவனங்களிடம் இருந்து பெறப்பட்ட, இயந்திரங்கள் மற்றும் வளங்களை பாவித்து, எவ்வித அழிவுகளையும் கருத்தில் கொள்ளாது, தமக்கே உரிய பாணியில் அரச அதிகாரிகளை இல‌ஞ்சங்களை கொடுப்பதன் மூலமும், தமது பலத்தின் மூலமும் விலைக்கு வாங்கி, அரச அமைப்புக்களை கைக்குள் போட்டுக்கொண்டு, போலியான சுற்று சூழல் சான்றிதழ்களை, தமது செயற்பாடுகளுக்கு பெறுவதன் ஊடாக, மக்களை முட்டாள்களாக்கி, அழிவுகளை மக்களிடம் இருந்து மறைப்பதற்கு ஏதுவாக, முன்னேற்பாடுகளை மேற்கொண்டு, தம்மை யாரும் இனங்காணா வகையில், தமக்கும் அழிவுகளுக்கும் எவ்வகையிலும் தொடர்புகள் இல்லாதது போன்று தோற்றத்தை ஏற்படுத்திக்கொண்டு, தம்மால் ஆன சகல வழிகளிலும், மக்கள் போராட்டங்களினை முடக்கும் வகையிலும், மக்கள் போராட்டங்களை, தமது கட்டுக்குள் கொண்டு வருவதற்காக, தம்மால் போலியாக உருவாக்கப்பட்ட, தன்னார்வ தொண்டு நிறுவன‌ங்களின் உதவியுடனும், தம்மால்கொண்டு நடத்தப்படும் ஊடகங்களின் உதவியுடனும், செயற்பாடுகளை மேற்கொண்டு, தம்மை, யாரும் இனங்காணா வகையில், தம்மை பற்றிய எவ்வித குறிப்புகளும் இன்றியும், பல ஆபிரிக்க நாடுகளில் செயற்படுவதை போன்று, தமது பெயர் விபரங்களை வெளியாருக்கு குழப்பத்தை ஏற்படுத்தும் வகையில், அரச அதிகாரிகள் துணை கொண்டு, பதிவு செய்வதன் ஊடாக தம்மை யாரும் இனங்காணாது, செயற்படுகின்றனர். இந்நிறுவனம், தமது எண்ணெய் அகழும் செயற்பாட்டிற்காக, பாதுகாப்பான பொறிமுறைகளினை பயன்படுத்தாது, இலாப நோக்கு கருதி, அழிவு நிறைந்த, செயன்முறைகளை தேர்ந்தெடுப்பதுடன் மட்டும் அல்லாது, மக்களின் பயன் பாட்டுக்கு உதவும் விவசாய நிலங்களையும், மக்கள் தேவைகளிற்கு அவசியமான ஆற்றுப்படுக்கைகளையும், கடல் வளங்கள் உள்ள கடல் பிரதேசங்களையும் தேர்ந்தெடுத்து, அழிவுகளை பொருட்படுத்தாது, தம்மை எவரும் கேள்வி கேட்காத வகையில், தமது கட்டுக்குள் இருக்கும் புலனாய்வு பிரிவினர் துணை கொண்டு, செயற்பாட்டாளர்களை செயற்படாத வகையில் தடுத்து நிறுத்தி, அவர்களை மக்களிற்காக எவ்வித செயற்பாடுகளையும் செய்யாதவாறு, தடுத்துக்கொண்டு, தமது வளக்கொள்ளையினை மட்டும் கருத்தில் கொண்டு, மக்களை பற்றி எள்ளளவும் அக்கறை கொள்ளாது, செயற்படுவதும் குறிப்பிடத்தக்கது. இந்நிறுவனம், ஆபத்து மிக்க தொழில்நுட்பங்கள் கொண்ட, நீரியல் விரிசல் முறையினை பயன்படுத்தியும் ( Offshore fracking ), பல பார உலோகங்களுடன் கூடிய, நஞ்சு மிக்க திரவங்களினை பூமிக்கு அடியில் செலுத்தி, எண்ணெய் அகழும், ஆபத்து மிக்க முறையான, “பொலிமர்” ( Polymer flood injection ) திரவ அழுத்த முறையை பயன்படுத்தியும், எண்ணெய் அகழ்வதுடன், இம்முறைகள் உலகின் பல பாகங்களில் பல அழிவுகளை ஏற்படுத்தியுள்ளதுடன், சில நாடுகளில் சிறிய சிறிய நில நடுக்கங்களையும் தோற்றுவித்ததுடன், எண்ணெய் அகழ்வதற்காக பாறைகளை உடைக்கும் தொழில் நுட்பமானது, பல பயங்கர விளைவுகளை பூமிக்கு அடியில் தோற்றுவிக்கும் என்பதையும் கருத்தில் கொள்ளாது, பொறுப்பு கூறல் எனும் நடவடிக்கைக்கு, அமெரிக்க நிதியில் இயங்கும் தன்னார்வ நிறுவனமான அமெரிக்க உதவி நிறுவனத்தின் உதவியுடன் (US Aid), அமைப்பினை தோற்றுவிப்பதன் ஊடாக, தம்மை சார்ந்த நிறுவன‌ங்கள், சுற்றுச்சூழல் பாதுகாப்பு விதிகளிற்கு அமைவாகவே செயற்படுகின்றது, என்கிற தோற்றத்தினை ஏற்படுத்துவதுடன் மட்டும் நில்லாது, தமது தேவைக்கு ஏற்ப, அரச கொள்கைகளை, மாற்றும் அளவிற்கு, அரசுகளில் தாக்கம் செலுத்துவதன் ஊடாக, தம்மை காத்துக்கொண்டு, தம்மாலான வழிகள் சகலவற்றையும் பயன்படுத்தி, தமக்கே உரிய பாணியில், வளக்கொள்ளைகளை முன்னெடுத்து செல்வதுடன், தம்மை மக்களிடம் இருந்து காத்து கொண்டு செயற்பட்டு, தம்ம அடையாளமே தெரியா வகையில் செயற்பட்டும் வருகின்றன. தாங்களே தம்மை செயற்பாட்டாளர்கள் என தம்பட்டம் அடிக்கும், செயற்பாட்டாளர்கள், அவர்களின் இக்கொள்ளைகளிற்கு துணை செல்வதுடன் மட்டும் அல்லாது, மக்களிற்காக இதய சுத்தியுடன் செயற்படும், சில தன்னார்வம் மிக்க இளந்தலைமுறையினரையும், தவறான பாதையில் வழி நடத்திச்செல்வது மட்டும் அன்றி, தம்மையே மக்களின் காப்பாளர்களாக முன்னிறுத்திக்கொண்டு, தம்மை அடையாளங்காணா வகையில், அரச அதிகாரிகளின் துணை கொண்டு இயங்குவதும் குறிப்பிடத்தக்கதாகும். இவர்களை போன்றவர்களை, மக்கள் அணி திரண்டு, தமக்கு தேவையான மக்கள் சார் கட்டமைப்புக்களை தோற்றுவித்து, அவற்றிற்கு தேவையான துறை சார் நிபுணர்களாக, தன்னார்வம் கொண்ட, மக்களில் அக்கறை கொண்ட, இளையவர்களில் தகைமை உள்ளவர்களை நியமிப்பதன் ஊடாகவும், தொடர் போராட்டங்களை முன்னெடுப்பதன் ஊடாகவும், மேற்கொள்வதுடன், அரசுகளை ஆட்டங்காணும் வகையில், இக்கொள்ளைகளிற்கும், அழிவுகளிற்கும், பின் இருக்கும் கபடதாரிகளை, தம்மாலான சகல வழிகளிலும், ஊடகங்களில் பணி புரியும் நேர்மையான ஊடகவியலாளர்கள் துணை கொண்டும், செயற்பாட்டாளர்கள் துணை கொண்டும், வெளிக்கொணர்வதுடன், அம்முறையில், தாங்களே தம்மை ஆள்வதற்கான எதிர்கால அரசுகளை தோற்றுவிக்கும் செயற்பாடுகளையும் முன்னெடுத்துச்செல்லவும் வேண்டி நிற்பதுடன், எதிர்கால சந்ததியினரின் நன்மை கருதி, இப்பேரழிவுகளில் இருந்து தம்மை காக்க முன்வருமாறும் கேட்டு நிற்கின்றோம். இது மட்டும் அன்றி இந்நிறுவனத்தின் கட்டுக்குள் இயங்கும், பல நிறுவனங்கள், தமிழ்நாட்டின், கூடலூர் கரைகளிலும், தென் மதுரை உட்பட கரையோர நதியான‌ காவிரி நதி பாயும் ஆற்றினை அண்டிய ஆற்றுப்படுக்கைகளில், எண்ணெய் அகழ்வதற்காக ஆபத்து நிறைந்த தொழில் நுட்ப முறையான, ஆழ் துளை இட்டு எண்ணெய் அகழும் முறையை பயன்படுத்தி, எண்ணெய் வளத்தினை, யாரும் அறியாது, இந்திய எண்ணெய் மற்றும் இயற்கை எரிவாயு நிறுவனம், பிரித்தானிய பெற்றோலிய நிறுவனம் மற்றும் அம்பானிகளின் கட்டுக்குள் இருந்து இயங்கும் நிறுவனமான, ரிலையன்ஸ் நிறுவனத்தின் துணை கொண்டு, எண்ணெய் அகழ்வினை மேற்கொண்டு வருவது மட்டும் அல்லாமல், அவற்றின் காரணமாக, அக்கரையோரப்பகுதிகளில் ஏற்படுகின்ற சுற்று சூழல் மாசடைதல் பற்றிய எவ்வித அக்கறையும் இன்றி, தமது வளக்கொள்ளையினை, முன்னெடுத்து செல்வதும் குறிப்பிடத்தக்கதாகும்.

map-of-CIL-activity-in-tamil-seas

இவற்றை பற்றிய உண்மைகளை, மக்கள் விரைவாக, தம்மை சார்ந்த, துறை சார் நிபுணர்கள் உதவி கொண்டு கண்டுபிடிப்பதுடன் மட்டும் அல்லாமல், சகல மக்களிடமும் இவ் உண்மைகளை கொண்டு சென்று, தமது பிரதேசங்களினை பாதுகாப்பது, ஒவ்வொரு தனி மனிதர்களின் கடப்படாகும். இவை மட்டும் அல்லமல், தூத்துக்குடி செப்பு செப்பனிடும் தொழிற்சாலை ( இந்நிறுவனமும், கெயர்ன் இந்திய நிறுவனத்துடன் இணைந்தது குறிப்பிடத்தக்கது என்பதுடன், இவையே தமிழ்நாட்டினை சுற்றியுள்ள நிலம் மற்றும் கடல் பரப்புக்களை மற்றும் சூழலினை, மாசுபடுத்தி வருவதில் பின் நிற்கின்றன, என்பது வெளிப்படையான உண்மையாகும். ), மற்றும் கூடங்குளம் அணு மின்னிலையம் போன்ற நிறுவனங்களாலும் மற்றும் கூடங்குளம் அணு மின் நிலையத்திற்கு யுரேனியம் வழங்குவதற்கு பயன்படும் தூத்துக்குடி துறைமுகத்தின் மக்கள் நலனில் அக்கறை அற்ற‌ செயற்பாட்டினாலும், தமிழ் நாடு மற்றும் அதனை அண்டியுள்ள நில மற்றும் கடல் பரப்பு முற்றிலுமாக மாசு படுத்தப்படுவதுடன், இவை பற்றிய எவ்வித தாக்கமும் மக்களிடமும், செயற்பாட்டாளர்களிடமும் இல்லாதது கவலைக்குரியது என்பதுடன், மக்களும், ஊடகங்களும், செயற்பாட்டளர்களும், அமைதி காப்பது, இவை போன்ற, நாசகார செயற்பாடுகளிற்கு துணை போகின்றன என்பதும் குறிப்பிடத்தக்கதாகும் என்பதுடன் இவற்றிற்கு எதிராக அரச சார்பற்ற, மக்களின் நலனை கருத்தில் கொண்டு இயங்கும், சகாயம் ஐயாவினை போன்ற தனி நபர்களை போன்ற செயற்பாட்டாளர்கள், முன்வந்து செயற்படுவது மட்டும் அன்றி, உண்மைகளை வெளிக்கொணர்ந்து மக்களையும், பூமியையும் காக்க முன்வரவேண்டும்.

Water pollution in Mayilaaduthurai

இந்திய, இலங்கை நாடுகளை சுற்றியுள்ள, கடல்வளங்கள் மற்றும் எண்ணெய் வளங்கள், தனியார் நிறுவனங்களால், இந்திய, இலங்கை அரசுகளில் அங்கம் வகிக்கும், அரசியல்வாதிகளின் துணை கொண்டு, அபகரிக்கப்படுவதுடன், இவற்றால், விவசாயம் உட்பட பல அத்தியாவசிய துறைகள் பாதிப்பதை கருத்தில் கொண்டு, பாதிக்கப்பட்ட மக்களுடன் இணைந்து, அனைவரும் செயற்பட முன்வரவேண்டும் என்பதுடன், மக்களே, தம்மை அழிவுகளில் இருந்து காக்க கூடிய, அமைப்புக்களை தோற்றுவித்து, போராட்டங்களின் ஊடாக, இவ்வகையான பிணக்குவியல்களினை கழுகுகள் தின்பதை போன்று, மனித உயிர்களை துச்சமாக கருதி, வளக்கொள்ளைகளினை முன்னெடுத்து செல்லும் நிறுவனங்களினை இனங்கண்டு, அவற்றினை வேரருப்பதற்கு, தம்மை சகல வளிகளிலும் தயார் படுத்தி, போராட முன்வரவேண்டும். அத்துடன் அதி பயங்கர நிறுவனங்களான “பிளக்ரொக்” ( Blackrock ) மற்றும் “ஜெ.பி. மோர்கன்” ( J.P Morgan ) நிறுவனங்கள், தமிழர் கடலிலும், தமிழர் பிரதேசங்களிலும், இந்திய, இலங்கை நாடுகளிலும், சதிகளின் துணையுடன், அழிவுகளை பொருட்படுத்தாது, மேற்கொள்ளும் வளக்கொள்ளைகளையும், அழிவுகளையும், ஆதாரங்களுடன் வெளிக்கொணர்ந்து, அவற்றின் கட்டுக்குள் இருந்து இயங்கும், இந்திய, இலங்கை அரசுகளை, தாக்கங்களை செலுத்துவதன் ஊடும், மற்றைய‌ இன மக்களின் உதவிகளுடன், இவை பற்றிய உண்மைகளை, பல வேறுபட்ட‌ இடங்களிற்கும், கொண்டு செல்வதன் ஊடாக, மக்களினை, இக்கோர அரசுகளின் பிடியில் இருந்தும், இப்பிணந்தின்னி நிறுவனங்களின் பிடியில் இருந்தும், விடுவிக்க போராடி, சகல இன மக்களும் வாழ்வதற்கு ஏற்ப, சுபிட்சமான நாடுகளை கட்டியெழுப்ப, அனைவரும் முன்னிற்கவேண்டும், எனவும் கோரி நிற்பதோடு, அண்மையில், எண்ணெய் அகழும், இன்னமொரு துணை நிறுவனமான, கெயில் நிறுவனத்தால், பாதிக்கப்பட்ட மக்களுடனும் இணைந்து, அந்நிறுவனத்தின் சதி திட்டமான, மீதேன் திட்டத்தின், பின் இருக்கும் விளைவுகள், சதிகாரார்கள், மற்றும் அரச அதிகாரிகளை, அம்பலப்படுத்துவதன் ஊடாக, அனைவரும் ஒன்றிணைந்து போராட முன் வரவேண்டும். இன்றும், இக்கொடூர மீதேன் திட்டத்தினால், மக்கள் பாதிப்படைந்து கொண்டிருக்கையில், தமிழ் நாட்டில் உள்ள ஆர்வலர்கள், அமைதியுடன் வேடிக்கை பார்ப்பது, கவலைக்குரியது என்பதுடன், வழமையான துறை சார் பணிகளுடன் கூடிய அமைப்புக்கள், தமிழ் நாட்டில், மீண்டும் கட்டியெழுப்பப்படவேண்டும் என்பதுடன், தம்மை தாமே ஆளும் வகையில், அரசினை கட்டியெழுப்ப, அனைவரும் முன்னின்று உழைக்க முன்வரவேண்டும், என்றும் கோரி நிற்கிறோம். இன்னமும் தாமதிக்க அனைத்து பிரதேசங்களும், வாழ்வதற்கு ஒவ்வாத பிரதேசங்களாக, மாற்றப்பட்டு விடும் என்பதில், சற்றும் ஐயம் இல்லை என்பதுடன், இக்கட்டுரையின் உண்மை நோக்கம் அறிந்து, மக்கள் அனைவரும் இணைந்து செயற்படுங்கள்.

நன்றி – FoilVedanta

இக் கட்டுரையில் குறிப்பிடப்பட்டிருக்கும் ஆதாரங்கள் தொடர்பான‌ இணைய பதிவுகள்

  1. http://analysisreport.morningstar.com/stock/research?t=532792&region=IND&culture=en-US&productcode=MLE
  2. https://www.cairnindia.com/sites/default/files/transcripts/CairnIndia-Earnings-Transcript-21Oct-2014.pdf
  3. http://www.fractracker.org/map/international/worldwide-fracking-bans/
  4. http://antinuclear.net/2012/09/24/500-fishing-boats-protest-loading-of-uranium-for-kudankulam-nuclear-power-plant/

சிரிய அகதிகளை அனுமதிக்க கோரி இலண்டன் மக்களினால் நடத்தப்பட்ட ஆர்ப்பாட்டம்..

Refugees welcome, not arm dealers

இன்று லண்டன் மாநகரில் “அகதிகளை வருவதற்கு அனுமதிக்கவும்” என்று கோரியும், “ஆயுத விற்பனை வேண்டாம்” என்று கோரியும், மனித உரிமைகளில் அக்கறை கொண்ட செயற்பாட்டாளர்களினால் மற்றும் பொது மக்களினால் பாரிய ஆர்ப்பாட்டம் ஒன்று முன்னெடுக்கப்பட்டது. இந்த ஆர்ப்பாட்டத்தில், தமிழர்கள் சிலர் பங்கு கொண்டதையும் அவதானிக்ககூடியதாக இருந்தது. இந்த ஆர்ப்பாட்டத்தில் கலந்து கொண்ட மக்கள், தங்களை தாங்களே ஆள விருப்பங்கொண்டவர்கள், என்பதனை அவதானிக்க கூடியதாக இருந்ததுடன், ,மனித உரிமை , மற்றும் அகதிகள் பற்றி மிகுந்த அக்கறை கொண்டு செயற்பட முன்வந்தமை, பராட்டுக்குரியதும் ஆகும்.

ஒரு இலட்சத்திற்கும் அதிகமானவர்கள் கலந்துகொண்ட இவ் ஆர்ப்பாட்டத்தில், அதிக தமிழர்கள் கலந்து கொள்ளாதது, வருத்தத்திற்கு உரியது என்பதுடன், இன்றும், புலிகள் பற்றிய கோசத்தை மட்டும் முன்வைத்து, போராட்டத்தை மந்த கதியில், எதனை நோக்கி நக‌ர்த்துவது என்பதே தெரியாத ஒரு வழியில், மக்களை மந்தைகளாக்கி, போராட்டம் பற்றிய, சில போதுமான, தேவையான தகவல்களை தருவிக்காது, தமக்கேயான உரிமையை, இலகுவாக, சுய நிர்ணய உரிமையின் மூலம், மற்றைய இன மக்களுடன் இணைந்து, எவ்வழியில் முன்னெடுத்துச் செல்லலாம், என்பதனை பற்றிய, தொலைநோக்கு சிந்தனை இன்றியும், மக்களை எவ்விதத்தில் அரசியல்மயப்படுத்தி, தமது உரிமைகளை வென்றெடுக்கச் செய்யலாம் என்பதனையும், புரிய வைக்காமல், ஜெனீவா, அமெரிக்கா, ஐக்கிய நாடுகள் சபையென மட்டும் நம்பி நிற்காமல், போராடுவது எவ்வழியில் என்பதனை அறிந்த, சில தன்னார்வம் கொண்ட செயற்பாட்டாளர்களை புறக்கணிக்காது, அவர்களை மக்களிடம் துரோகிகளாக்கி, மந்தகதிப்படுத்தாது, அவர்களினயும், சகலரினையும் இணைத்து, போராட்டத்தினை முன்னெடுக்கவேண்டிய அவசியம், தற்போதைய நிலமையில், மிக மிக அவசியம் ஆனதாகும்.

இலண்டன் வாழ் நகர மக்கள், தமது வேலைகளை பொருட்படுத்தாது, ஆயுத விற்பனையாளர்களுக்கு எதிராகவும், “Welcome Refugees, Not Arms Dealers” என கோசம் எழுப்பி, சிரிய யுத்தத்தினால் பாதிக்கப்பட்ட அகதிகளில், ஒரு இலட்சத்திற்கும் அதிகமான மக்களுக்கு, அகதி அந்தஸ்து வழங்கிடக் கோரியும், ஆர்ப்பாட்டம் நடத்தியது மட்டும் அன்றி, தம்மால் இயன்ற வழிகளில்,” ExceL Centre”ல் DSEi ஆயுத விற்பனைக்கான கண்காட்சி நடைபெறுவதினை, கடந்த ஐந்து நாட்களாக தடுக்க போராடி வருகின்றனர் என்பதோடு, இன்று தம்மால் இயன்ற மக்களை திரட்டி ஆர்ப்பாட்டத்தினை நடத்தி, தங்களிடம் உள்ள பலத்தால், நகரை சிறிது மணி நேரம் ஸ்தம்பிக்கச்செய்ததுடன், நகரின் பல பாகங்களிலும் இருந்து வந்து, சிறப்பாக ஆயுத கண்காட்சிக்கான ஆயுத வருகையினையும், தடுத்து நிறுத்தினர் என்பதும் குறிப்பிடத்தக்கது. இன்றைய ஆர்ப்பாட்டத்தில், பிரித்தானிய தொழிற்கட்சி தலைவர் ஜெரமி கோபின் கலந்து கொண்டு உரையாற்றியதுடன் ( ஜெரமி கோபினின் உரை பற்றிய காணொளி – https://www.youtube.com/watch?v=RwTuedChp6c  ) ஆர்ப்பாட்டத்தில், பறை – சுதந்திரத்திற்கான குரல் அமைப்பு, மற்றும் தமிழ் அகதிகளுக்காக மற்றும் தமிழ் மக்களுக்காக‌, தாம்மாலான வழிகளில், மற்றைய இன அமைப்புக்களுடன் போராடும், தமிழ் போராட்டக்குழுவான தமிழ் இணைந்தோர் அமைப்பு “Tamil Solidarity” ( https://www.facebook.com/TamilSolidarity2009?fref=ts )” என்பன,

Protest

தம்மாலான வழிகளில் சிறிது பங்கினை ஆற்றியதுடன், தமிழர்கள் இன்னும் இன்னும் அரசியல் ரீதியாக‌ வளர வேண்டியதன் அவசியத்தினையும், மற்றைய அமைப்புக்களுடன் இணைந்து, பொது திட்டமொன்றினூடாக, சகலரும் இணைந்து, ஒற்றுமையுடன், ஈழ தமிழர்களிற்கான விடிவினை நோக்கி, பயணிக்க வேண்டியதன் அவசியத்தையும், புரிந்து கொண்டு, இளையவர்களை பணிகளிற்கு அமர்த்தி, அவர்களிற்கான போதிய அறிவுகளை வழங்கி, இனவாதங்களை அவர்கள் மனதுகளில் விதைக்காது, அவர்களிற்கு பொதுவுடமை கொள்கைகளில் உள்ள நன்மைகள் பற்றிய அறிவினை புகட்டுவதன் மூலம், எஞ்சி இருக்கும், தமிழினத்தை காக்க, போராட முன்வரவேண்டும் என்பதினையும், இவ்வாறான போராட்டங்களில் கலந்துகொள்வதனூடாக, உண்மையான விடுதலை போராட்டத்திற்கான வழியை கண்டறியலாம் என்பதினையும், எமது மக்கள் புரிந்துகொண்டு, மக்கள் நலன் காக்க முன்வரவேண்டும் என கோரி நிற்கிறோம்.

போராட்டத்தின் போது பதிவு செய்யப்பட்ட சில காணொளிகள்
https://www.youtube.com/watch?v=-f5m8OtPMDI

உலகின் மிகப்பெரிய ஆயுத வியாபாரிகளும், அவர்களின் இயக்கப்படும் தன்னார்வ தொண்டு நிறுவனங்களும் http://inioru.com/ngos-and-arm-makers/