இறுதி யுத்தம் வரை எனது நேரடிச் சாட்சி : ஜனா

Kiliமுற்றத்து மல்லிகையின் நறுமணமும், தூரத்து வேப்பமரத் தென்றலின் வருடலும் பட்சிகளின் கொஞ்சலுமாய் விடியும் அதிகாலை அப்போது கோரமாக மட்டும் தெரிந்தது! அச்சமும் அழுகுரல்களும் மரண ஓலமும் எம்மைத் துயிலெழுப்பின. கந்த நெடியும், வெடிகுண்டு ஒலியும் எப்போது எமது மரணத்தைக் கொல்லைப்புறத்தில் கொண்டுவந்து நிறுத்தியிருந்தது. அருகே உறங்கிய நண்பன் இரத்த வெள்ளத்துள் மிதந்ததை சகித்துக்கொண்ட நாட்கள் அவை.

அவலத்துள் மோதிய மக்கள் மேல். உலகத்தின் போர் விதிகள் அத்தனையையும் மீறி உயிர்ய்க்கொல்லி ஆயுதங்கள் பாய்ந்தன. பலிக்குக் கொண்டு செல்லப்பட்ட விலங்குகளைப் போல் நாமெல்லாம் சில மைல் சுற்றளவிற்குள் ஆயுதங்களோடு அலைமோதிக்கொண்டிருந்தோம். ‘உலகம் வாழாவிராது, வந்து காப்பாற்றும்’ என வழங்கப்பட்ட நம்பிக்கைகள் பொய்த்துப் போகும் என இறுதி நாட்கள் வரை நாம் நம்பியிருக்கவில்லை.

உலகத்தின் பலம் மிக்க ஆயுதக் இயக்கம் எப்படித் தோற்றுப் போனது? எல்லா வளங்களையும் வைத்துக்கொண்டிருந்த எமது நிலைகள் எப்படித் தகர்ந்து போயின? போராட்டத்தின் எச்ச சொச்சங்கள் கூட இல்லாமல் ஒரு சமூகம் எப்படித் தலை கீழாக மாற்றப்பட்டது?

இவை எல்லாம் ஒரு வகையில் நேர்மையாக இதய சுத்தியுடன் ஆராயப்பட வேண்டும். நாளைய சந்ததி தமது முன்னையவர்கள் பொய்யான வாழ்க்கையை வாழ்ந்தார்கள் எனக் குறை கூறிவிடக்கூடாது. இன்றைய வளரும் சந்ததி பொய்கள் சகஜமானது என எண்ணிக்கொண்டிருக்கிறது. போலித்தனம் சாதாரணமானது என நம்பிக்கொண்டிருக்கிறது. வீரம்செறிந்த எமது போராட்டத்தின் நோக்கம் புதிய நேர்மையான மக்கள் மீது பற்றுக்கொண்ட ஒரு புதிய சந்ததியை உருவாக்குவதே என நம்பியிருந்தவர்கள் பலர்.

genocideசிங்கள அதிகாரவர்க்கத்தின் நலனுக்காக தமிழ்த் தேசிய இனத்தின் மீதான ஒடுக்கு முறைகள் முழுச் சிங்கள மக்களுக்கும் மூடி மறைக்கப்படுகிறது. இனப்படுகொலை சமாதானத்திற்கான போர் என பெரும்பாலான சிங்கள மக்கள் நம்ப வைக்கப்பட்டுள்ளனர். அங்கும் பொய்களின் மேல் உட்காந்திருக்கும் சமூகம் ஒன்று உருவாக்கப்பட்டுள்ளது. அதன் மறுபக்கத்தின் எமது வரலாற்றின் உண்மை முகம் புதைக்கப்பட்டு தமிழ் வியாபாரிகளின் தேவைக்காக பொய்யான சமூகம் ஒன்று உருவாக்கப்பட்டுள்ளது.

எப்போதும் செத்துப்போகலாம் என சயனைட் குப்பிகளோடு யுத்த முனைகளின் போராடிய என்னைப் போன்ற போராளிகள் இதனை அனுமதிக்க மாட்டார்கள். மக்களுக்கு உண்மைகளை அறிந்துகொள்ளும் உரிமை உண்டு. அதனை மறுக்க யாருக்கும் உரிமையில்லை. மக்களுக்காகவே நாங்கள் போராடினோம்.

எம்மை மற்றவர்கள் ஆராய்ந்தால் அது விமர்சனம், எதிரிகள் எமது தவறுகளைத் தூற்றினால் அது சேறடிப்பு, நாமே நமது சரிகளையும் தவறுகளையும் ஆராய்ந்தால் அது சுய விமர்சனம்.

எம்மை நாமே சுய விமர்சனம் செய்துகொண்டால் மட்டுமே எதிரிகள் எம்மீது சேறடிக்க முடியாது. எமது தவறுகளை ஒப்புக்கொண்டும், சரியான பக்கங்களை சமூகத்தின் மத்தியில் எடுத்துச் சென்றும் புதிய சந்ததிக்கு விட்டுச் சென்றால் மட்டுமே நம்பிக்கை பிறக்கும். தவறுகளிலிருந்து கற்றுக்கொண்டு புதிய போராட்ட வழிகளைக் கட்டமைத்தால் மட்டுமே அவநம்பிக்கை செத்துபோகும்.

vanni_war40 வருட ஆயுதப் போராட்டத்தின் பின்னர், எல்லாம் சரியாகிவிட்டது என இலங்கை அரசாங்கம் கூறுகிறது. வரலாறு இனப்படுகொலைகளை தனது வழி நெடுகிலும் சந்தித்திருக்கிறது. இன்னும் அது நடக்காது என்பதற்கான எந்த உத்தரவாதமும் இல்லை. ஆக, அச்சம் சூழந்த சூழலுக்குள்ளேயே மக்கள் வாழ நிர்ப்பந்திக்கப்பட்டுள்ளனர். நாம் பிரிந்துசென்று வாழ்வதற்கான போராட்டம் இன்று இல்லாவிட்டாலும் நாளை ஆரம்பமாகும் என்பது உறுதியானது. அதற்கான நம்பிக்கை வழங்கப்பட வேண்டும். அதன் முதல்ப்படி நேர்மையான சமூகம் ஒன்று உருவாக்கப்பட்டு, அரசியல் வியாபாரிகள் ஓரம்கட்ட்டப்பட வேண்டும்.

இறுதி யுத்த காலத்தில் களத்தில் நின்ற போராளி என்ற வகையிலும், தலைமையுடன் நேரடித் தொடர்பிலிருந்தவன் என்ற வகையிலும் இனப்படுகொலையின் நேரடிச் சாட்சி நான். இரசாயனக் குண்டுகளிலிருந்து யுத்தமுனையிலிருந்து தப்பிவந்த மிகச்சில போராளிகளில் நானும் ஒருவன். இறுதி நாள் வரை எனது அனுபவங்கள் தொடர்பான எனது இப் பதிவு புதிய நம்பிக்கையை மக்கள் மத்தியில் விதைக்கட்டும்.எனது இப் பதிவு நேர்மையான ஒளிவு மறைவற்ற சுய விமர்சனமாக அமையும். ஒடுக்கப்படும் எமது தேசிய இனத்தின் பிரிந்து செல்லும் உரிமைக்கான போராட்டத்தை தொடர்வதற்கான வழிகளை திறக்கட்டும். நண்பர்களையும் எதிரிகளையும் இனம்கண்டுகொள்ள துணைபுரியட்டும்.

தொடரும்…

பெருநகர்த் தொடர் வண்டிப் பாதை விபத்துகளும் மக்களின் அக்கறையின்மையும் : இராமியா

சென்னைப் பெருநகர்த் தொடர் வண்டிப் (Chennai Metro Rail) பாதை கட்டப்படத் தொடங்கியதில் இருந்து பல விபத்துகள் நேர்ந்து உள்ளன. கடந்த மூன்று ஆண்டுகளில் மட்டும் 5 பேர்கள் விபத்துகளில் சிக்கி மரணம் அடைந்து உள்ளனர். காயம் பட்டவர்களின் எண்ணிக்கையைக் கண்டு பிடித்தால், அப்படிக் கண்டு பிடிப்பவர்களுக்கு உலகின் மிகச் சிறந்த பல்கலைக் கழகத்தில் இருந்து முனைவர் (Doctorate) பட்டம் வழங்கலாம் என்ற அளவுக்கு, அச்செய்திகள் முற்றிலும் மறைக்கப்படுகின்றன. அப்படி மறைக்கப்பட முடியாத இடங்களில் அதிக வெளிச்சம் படாமல் பாதுகாக்கப்படுகின்றன. அப்படிப்பட்ட விபத்து ஒன்று 21.8.2015 அன்று மாலை 7 மணி அளவில் கிண்டி அருகில் நடந்து உள்ளது. இரு சக்கர வாகனத்தில் சென்று கொண்டு இருந்த ரவி என்பவரும் ரமேஷ் என்பவரும் லீ மெரிடியன் (Lee Meridian) ஹோட்டலைக் கடக்கும் போது அவர்கள் மீது கனமான இரும்புக் கம்பி ஒன்று விழுந்து உள்ளது. அந்த இடத்தை அவர்கள் “ஒரு வினாடிக்குப் பின் கடந்து இருந்தால் அந்த இடத்திலேயே மரணம் அடைந்து இருப்போம்” என்று அவர்கள் கூறினார்கள். ஒரு வினாடிக்கு முன் சென்றதால் மரணத்தில் இருந்து தப்பி, ஒருவர் கையிலும் இன்னொருவர் நெஞ்சிலும் காயங்களுடன் உயிர் தப்பினர்.

பெருநகர்த் தொடர் வண்டிப் பாதைக் கட்டுமானம் தொடர்பாக நடந்த விபத்துகளை எல்லாம் கவனித்தால், அவை மிக மிகக் கவனமான கவனக் குறைவால் ஏற்பட்டு உள்ளன என்று தெரிகிறது.

அது என்ன கவனமான கவனக் குறைவு? அதுவும் மிக மிகக் கவனமான கவனக் குறைவு என்று வியப்படைகிறீர்களா? பெருநகர்த் தொடர் வண்டிப் பாதை கட்டப்படத் தொடங்கியதில் இருந்து நடந்த விபத்துகளைக் கவனித்துப் பார்த்தால், அவை அனைத்தும் கட்டுமானப் பணியின் போது மேற்கொள்ள வேண்டிய பாதுகாப்பு நடவடிக்கைகளைச் சரிவர எடுக்காமையால் தான் என்று தெளிவாக விளங்கும். அதுவும் ஒரே மாதிரியான – அதாவது சரியான பிடிப்பு இல்லாமல் கழன்று விழுவதால் ஏற்படும் – விபத்துகளே தொடர்ந்து நடப்பது தெரிகிறது. கட்டுமானத் தொழிலைப் பெறுத்த மட்டில் இது போன்ற விபத்துகள் நடைபெறவே முடியாதபடி பார்த்துக் கொள்ளும் அளவிற்குத் தொழில் நுட்பம் வெகுவாக வளர்ச்சி அடைந்து உள்ளது. அப்படி இருக்கும் போது கவனக் குறைவால் இவ்விபத்து நடைபெறுகிறது என்பதே, அதில் ஈடுபடும் ஒப்பந்தக்காரர் (Contractor) கட்டுமானத் தொழிலுக்குச் சற்றும் தகுதியற்றவர் என்பதையே மெய்ப்பிக்கிறது. அப்படியும் ஒரு தடவை நடந்தால் அது ஏதோ கவனக் குறைவால் நடந்தது என்று வலிந்து நினைக்கலாம். ஆனால் தொடர்ந்து அதே மாதிரியான விபத்துகள் நடந்தால், அதைக் கவனக் குறைவு என்று எப்படி நினைக்க முடியும்?

கட்டுமானப் பணியை ஏற்று இருக்கும் முதலாளிகளைப் பொறுத்த மட்டில், தாங்கள் செய்த முதலீட்டுக்கு “உரிய” இலாபம் தேடுவதில் தான் முழுக் கவனம் உள்ளது. விபத்துகள் நேரா வண்ணம்பாதுகாப்பு நடவடிக்கைகளை எடுக்கக் கோரிஅவர்களின் கவனத்திற்குக் கொண்டு சென்றாலும். அதனால் செலவினங்கள் ஏற்பட்டு இலாப விகிதம் குறைந்து விடும் என்பதற்காக, அவர்கள் தட்டிக் கழித்து விடுகிறார்கள்; வற்புறுத்திச் சொன்னால் கோபம் அடைகிறார்கள்; மேலும் வற்புறுத்தினால் ளெிப்படையாகவே மறுத்து விடுகிறார்கள். தேவைப்பட்டால் ஒப்புக் கொண்ட ஒப்பந்தத்தை இரத்து செய்து விட்டு ஓடி விடுவதாக மிரட்டுகிறார்கள். மொத்தத்தில் முதலாளிகளைப் பொறுத்த மட்டில், மக்களின் உயிர் வாழ்க்கையை விட இலாபம் ஈட்டுவது தான் முக்கியமாக இருக்கிறது எனலாம் என்றால் அப்படியும் சொல்ல முடியவில்லை. ஏனெனில் பாதுகாப்பு நடவடிக்கைகளுக்கான செலவினங்களைச் செய்த பிறகும் இலாபம் கிடைக்கும் படியாகத் தான் திட்டங்கள் வடிவமைக்கப்படுகின்றன. முதலாளிகளுக்கு இலாபம் எனதை விட அதிக இலாபம், அதைவிட அதிக இலாபம் என்பதில் தான் கவனம் எல்லாம் உள்ளது. ஆகவே பாதுகாப்பு நடவடிக்கைகளைக் கவனமாக, கவனிக்க மறுக்கிறார்கள்.

சரி! முதலாளிகள் கிடக்கட்டும்; அவர்கள் அப்படித் தான். அரசு என்ன செய்து கொண்டு இருக்கிறது? பாதுகாப்பு நடவடிக்கைகளுக்கான செலவினங்களை முதலாளிகள் செய்ய மறுத்தால், அதைவிடப் பன்மடங்கு செலவு ஆகக் கூடிய வகையில் தண்டம் விதிப்பதற்கான விதிகளை ஏன் இயற்றவில்லை?

அரசு அப்படிப்பட்ட விதிகளை இயற்ற வேண்டும் என்று மக்கள் ஏன் போராடுவது இல்லை?

ஐ.நா போர்க்குற்ற அறிக்கையும் அழிக்கப்படும் சுய நிர்ணைய உரிமைக் கோரிக்கையும்

United-States-Sri-Lankaஐ.நா போர்க்குற்ற அறிக்கையும் அழிக்கப்படும் சுய நிர்ணைய உரிமைக் கோரிக்கையும்
நீதிமன்ற விசாரணை முறைமை அல்லாத ஐக்கிய நாடுகள் சபை மனித் உரிமைப் பேரவையின் போர்க்குற அறிக்கை வெளியாகியுள்ளது. இந்த அறிக்கை மகிந்த ராஜபக்ச தலைமையிலான இலங்கை அரசாங்கம் மற்றும் தமிழீழ விடுதலைப் புலிகளின் மீது தீவிர குற்றங்களை முன்வைத்துள்ளது.

ஐக்கிய நாடுகள் மனித உரிமை ஆணையாளர் அல் ஹுசைன், அறிக்கை குறித்துக் கூறும் போது பயங்கரமான வன்முறைகள் இலங்கையில் நடைபெற்றுள்ளன என்றார். முன்று லட்சம் இடம்பெயர்ந்த பொதுமக்கள் உரிமைகள் அனைத்தும் மறுக்கப்பட்டு இடம்பெயர்ந்தவர்களின் முகாம்களில் சர்வதேசச் சட்டங்களுக்கு முரணான காலப்பகுதி முழுவதும் வைக்கப்பட்டிருந்தனர் என அறிக்கை குறிப்பிடுகிறது.

அனைத்துக் குற்றங்களையும் நிராகரிக்கும் நிலையிலிருந்து குற்றங்களை ஒப்புக்கொள்ளும் நிலைக்கு மாறி மாற்றத்தை ஏற்படுத்துவதற்கான சந்தர்ப்பமாக அறிக்கையைப் பயன்படுத்துமாறு மனித உரிமை ஆணையாளர் வேண்டுகோள் விடுத்துள்ளார்.புலம்பெயர்ந்த சமூகம் உட்பட அனைத்து சமூகங்களையும் நோக்கி இக் கோரிக்கையை முன்வைப்பதாக அவர் கூறியுள்ளார்.

இலங்கையில் ஏற்கனவே காணப்படும் நீதிப் பொறிமுறை பாரிய போர்க்குற்றங்களை விசாரணை செய்வதற்குப் போதுமானவை அல்ல எனத் தெரிவிக்கும் ஐ.நா மனித உரிமை ஆணையாளர், சர்வதேச நீதிபதிகளையும் பொறிமுறைகளையும் உள்ளடக்கிய உள்ளக விசாரணைப் பொறிமுறை ஒன்றை இலங்கை அரசு உருவாக்க வேண்டும் என வேண்டுகோள் விடுத்துள்ளார்.

இலங்கை அரசின் மீதான குற்றங்களின் சாராம்சம்:

1. பொதுமக்கள், மனிதாபிமானிகள், அரசியல்வாதிகள், ஊடகவியலாளர்கள், தமிழ்ப் பொதுமக்கள் போன்றோரின் படுகொலை.

2. துணை இராணுவக் குழுக்கள் மற்றும் அரச படைகளால் கைதானவர்கள் படுகொலை செய்யப்பட்டுள்ளனர்.

3. போர்க்காலத்தில் இராணுவத்திடம் சரணடைந்தவர்கள் படுகொலை செய்யப்பட்டுள்ளனர்.

4. இரரணுவம் சட்விரோத கைதுகள், தடுத்து வைத்தல்கள் போன்றவற்றை மேற்கொண்டுள்ளது. துணை இராணுவக் குழுக்கள் கடத்தல்களில் ஈடுபட்டுள்ளன. இவ்வறான அநேக சந்தர்ப்பங்கள் பலவந்த கடத்தல்கள் மற்றும் சட்டவிரோத படுகொலைகளாக பதிவாகியுள்ளன.

5. இலங்கை அரசின் அனுசரணையுடன் வெள்ளை வான்களில் பலர் கடத்தப்பட்டுப் படுகொலை செய்யப்பட்டுள்ளனர்.

6. பயங்கரவாதத் தடைச் சட்டம் மற்றும் அவசரகாலச் சட்டம் ஆகியனவற்றை பயன்படுத்தி சட்டவிரோத கைதுகள் தொடர்ந்தும் இடம்பெற்று வருகின்றன,

7. யுத்தத்தின் பின்னர் தொகையாகக் கைதான பலர் பலவந்தமான முறையில் காணாமல் போகச் செய்யப்பட்டுள்ளனர்.

8. ஆண்கள் மற்றும் பெண்கள் மீது இராணுவப் படையினர் பாலியல் வன்கொடுமைகளையும், ஏனைய வழிகளிலான பாலியல் சித்திரவதைகளையும் மேற்கொண்டதாகக் கருதத் தேவையான சாட்சியங்கள் கிடைக்கப்பெற்றுள்ளன.

9. காணாமல் போனவர்களின் தகவல்கள் மறைக்கப்பட்டு அவர்களின் குடும்பங்கள் மீது திட்டமிட்ட தகவல் மறுப்பு ஒடுக்குமுறைகளை நடத்தி இலங்கை அரசு அடிப்படை மனித உரிமைகளை மீறியுள்ளது.

10. பொதுமக்கள் இலக்குகள் மீது நடத்தப்பட்ட திட்டமிட்ட தாக்குதல்களில் பலர் காணாமல் போயுள்ளனர். சரணடைந்தவர்கள், அல்லது ஒப்படைக்கப்பட்டவர்கள் காணாமல் போயுள்ளனர்.

11. புலிகளுடன் தொடர்புடையவர்களும், சந்தேகத்திற்குரியவர்களும், பொதுமக்களும் தடுத்துவைக்கப்பட்டு சித்திரவதை செய்யப்பட்டுள்ளனர்.

12. தாக்குதல் சம்பவங்கள் யுத்த விதிமுறைகளுக்கு முரணான வகையில் இடம்பெற்றுள்ளது. தாக்குதல்களில் சிறுவர்கள் உள்ளிட்ட சிவிலியன் கொல்லப்பட்டனர்.

13. பொதுமக்கள் இழப்புக் குறித்துப் கவனம் செலுத்தமல் யுத்தம் நடத்தப்பட்டிருக்கிறது. பொதுமக்கள் இழப்புக் குறித்து தொடர்ந்து விசாரணை செய்யப்பட வேண்டும்.

14. வன்னி வைத்தியசாலை மற்றும் ஏனைய வைத்தியசாலைகள் மீது தொடர்ச்சியாக எறிகணைத் தாக்குதல் நடத்தப்பட்டுள்ளது.

15. மனிக்பாம் மற்றும் ஏனைய இடம்பெயர் முகாம்களில் வாழ்ந்து வந்த மக்களின் உரிமைகள் முடக்கப்பட்டதுடன் அவர்கள் அடக்குமுறைக்கு உட்படுத்தப்பட்டனர்.

16. பொதுமக்கள் அடர்த்தியாக வாழ்ந்த பகுதிகளில் அரசபடைகள் நடத்திய தாக்குதலில் மக்களின் அழிவு குறித்துக் கருத்தில் கொள்ளாது ஆயுதங்கள் பயன்படுத்தப்படன.

17. யுத்தப்பகுதியில் அடிப்படை மனிதாபிமானத் தேவைகளான உணவு, மருத்துவம், போன்றவற்றை இலங்கை அரசு தடைசெய்து மக்களைப் பட்டினிச் சாவை நோக்கித் தள்ளியது.

18. தமிழ் இனத்தைச் சேர்ந்தவர்கள் என்பதால் இடம்பெயர்ந்தவர்கள் சந்தேகத்திற்கு உட்படுத்தப்பட்டுத் தடுத்துவைக்கப்பட்டிருந்தனர்.

19. கருணா குழுவின் சிறுவர் படை சேர்ப்பு விவகாரம் படையினருக்கு தெரிந்திருந்தும் அது கண்டுகொள்ளப்படவில்லை. எனவே இதன் ஊடாக இலங்கை அரசாங்கம் சர்வதேச சிறுவர் உரிமைச் சட்டங்களை மீறியுள்ளது

தமிழீழ விடுதலைப் புலிகள் மீது சுமத்தப்பட்ட போர்க்குற்றங்களின் சாராம்சம்:

1. புத்திஜீவிகள், முரண்பட்டகருத்தைக் கொண்டவர்கள், தமிழர்கள், முஸ்லீம்கள், சிங்களவர்கள், சந்தேகத்திற்கு உரியவர்கள் போன்றோரைப் படுகொலை செய்தமை.

2. தற்கொலைக் குண்டுத் தாக்குதல்களில் அதிகளவு பொதுமக்களே கொல்லப்பட்டனர்.

3. தமிழீழ விடுதலைப் புலிகள் பல ஆண்டுகளாக சிறுவர் போராளிகளை படையில் இணைத்து அவர்களை யுத்தத்தில் ஈடுபடுத்தியுள்ளனர். இறுதிக் கட்ட போர் இடம்பெற்ற மாதங்களில் இந்த நடவடிக்கை அதிகளவில் மேற்கொள்ளப்பட்டது.

4. எறிகணைத் தாக்குதல்களுக்கு எதிர் தாக்குதல் நடத்தும் மையங்களை புலிகள் பொதுமக்கள் வாழும் பகுதிகளுக்கு அருகமையில் நிறுவி பொதுமக்களைப் பாதுகாக்கத் தவறியுள்ளனர்.

5. புலிகள் பொதுமக்களின் வெளியேற்றத்தைத் தடுத்ததுடன் வெளியேற முற்பட்ட சிறுவர்கள் உடப்ட்டவர்கள் மீது தாக்குதல் நடத்தியுள்ளனர்.

6. மனிதாபிமான உதவிகளைக் கட்டுபடுத்தியமை.

7. தமிழீழ விடுதலைப் புலிகள் வயது வந்தவர்களை கடத்தி படையில் இணைத்துக் கொண்டமை

இலங்கை அரச படைகளின் பிரதான குற்றங்களான, கொத்துக்குண்டுகளை வீசியமை, நச்சுவாயுக்களைப் பயன்படுத்தியமை, பேரழிவு மற்றும் தடைசெய்யப்பட்ட யுத்த முறைகளில் ஈடுபட்டவை போன்ற குற்றங்கள் குறித்துப் பேசப்படவில்லை. தவிர, சரணடைந்தவர்களைச் சாட்சியின்றிக் கொலைசெய்தமை போன்ற குற்றச் செயல்கள் முன்வைக்கப்படவில்லை. வன்னியில் இலங்கை அரசுடன் இணைந்து யுத்தக்குற்றங்களில் ஈடுபட்ட இந்தியப் படைகள் குறித்தும், அழிவு ஆயுதங்களை வழங்கிய நாடுகள் குறித்தும் பேசப்படவில்லை.
எதிர்காலம்…

அமெரிக்க சார்பு இலங்கை அரசு யுத்தக் குற்றங்களுக்காகத் தண்டனை வழங்குவதற்குத் தயார் என அறிவித்துள்ளது. பாதுகாப்புச் செயலாளரோ, ஜனாதிபதியோ அன்றி இராணுவத் தளபதிகளோ பெரும் யுத்தக்குற்றங்களில் ஈடுபட்டிருந்தால் தமது அரசு நடவடிக்கை எடுப்பதற்குத் தயார் என இலங்கை அரசின் அமைச்சரவைப் பேச்சாளர் ராஜித சேனரத்ன தெரிவித்துள்ளார்.

தென்னாபிரிக்காவில் நடைபெற்ற விசாரணை மாதிரியிலான அமைப்பு ஒன்று ஏற்படுத்தப்படும் என அவர் தெரிவித்துள்ளார். அதனூடாக இலங்கையின் நற்பெயரை உலக மட்டத்தில் உயர்த்தும் நடவடிக்கை எடுக்கப்படும் என்றார்.

இலங்கையில் யுத்த காலத்தில் உயர் அமைச்சுப் பதவிகளை வகித்தவர்களைக்கொண்ட இன்றைய இலங்கை அரசு அமெரிக்காவின் நிகழ்ச்சி நிரலில் செயற்படும் என்பது தெளிவானது.

யுத்தக் குற்றங்கள் என்ற அடிப்படையில் சில பிரதானிகளுக்குத் தண்டனை வழங்கிவிட்டு தனது இனவழிப்பு மற்றும் நவ தாராளவாத அரசியலை இலங்கை அரசு தொடரும். ஒரு புறத்தில் போர்க்குற்ற விசாரணையும், மறுபுறத்தில் வட கிழக்கில் தமிழர்களைச் சிறுபான்மையாகும் முயற்சிகளும் நடைபெறும்.

துரதிருஸ்டவசமாகப் புலம்பெயர் பிழைப்புவாதிகளின் கரங்களின் முடங்கியிருக்கும் தமிழர்களின் அரசியல் பல பாதகமான விளைவுகளை ஏற்படுத்தும். புலிகளின் தவறான பக்கங்களையும், அரசியலையும், மனித உரிமை மீறல்களையும் நியாயபடுத்துவதன் ஊடாக உலக மக்களிடமிருந்து தமிழர்கள் அன்னியப்படுத்தப்படுவார்கள். இலங்கை அரசாங்கம் நீதியானது என்ற கருத்து உலகம் முழுவதும் ஏற்படும். சுய நிர்ணைய உரிமைக்கான போராட்டம் என்பது போர்க்குற்றமிழைத்தவர்களின் வெற்று முழக்கம் என உலக மக்கள் நம்பும் நிலை தோன்றும் சில காலங்களில் சுய நிர்ணைய உரிமைக்கான கோரிக்கை அழிக்கப்பட்டு வடக்குக் கிழக்கு தமிழர்களின் தன்னாதிக்கத்திற்கு உரிய பகுதிகளாக இருந்தன என்பது வரலாற்றுப் புத்தகங்களின் மட்டுமே எழுதப்படும்.

இந்த நிலை மாற வேண்டுமானால் இலங்கை அரசிற்கு முன்னதாக தமிழர்கள் தரப்பிலிருந்து புலிகளின் மனித உரிமை மீறல்களை ஏற்றுக்கொண்டு, அவற்றையும் சுய நிர்ணைய உரிமைப் போராட்டத்தையும் முடிச்சுப்போட வேண்டாம் என்ற குரல் ஒலிக்க வேண்டும். தவறினால் இலங்கை அரசின் திட்டம் நிறைவேறுவது தவிர்க முடியாத ஒன்று. ஆனால் புலிகளது அடையாளங்களும் அதன் இருப்பும் புலம்பெயர் நாடுகளில் மில்லியன்கள் புரளும் வியாபாரமாகிவிட்ட நிலையில் மக்கள் சார்ந்த அரசியலை முன்வைத்து நடைமுறைப்படுத்துவது இன்று சாத்தியமற்றது.

உள்ளக விசாரணைகள் ஜனவரியில் ஆரம்பம்

உள்ளக விசாரணைகள் எதிர்வரும் 2016ம் ஆண்டு ஜனவரி மாதம் ஆரம்பிக்கப்படும் என அரசாங்கம் அறிவித்துள்ளது.
இலங்கை வெளிவிவகார அமைச்சர் மங்கள சமரவீர, அமைச்சில் நடைபெற்ற செய்தியாளர் சந்திப்பில் இதனைத் தெரிவித்துள்ளார்.

சர்வதேச ஒத்துழைப்புடன் விசாரணைகள் நடத்தப்படும் என அவர் குறிப்பிட்டுள்ளார்.

ஒன்றரை ஆண்டு காலப்பகுதிக்குள் விசாரணைகள் பூர்த்தியாகும் என அவர் தெரிவித்துள்ளார்.

கட்டம் கட்டமாக விசாரணைகள் முன்னெடுக்கப்படும் என அவர்தெரிவித்துள்ளார்.

மஹிந்தவை மின்சார நாற்காலியிலிருந்து காப்பாற்றினோம்: மங்கள சமரவீர

mangalaமுன்னாள் ஜனாதிபதி மஹிந்த ராஜபக்சவை மின்சார நாற்காலியிலிருந்து காப்பாற்றியதாக வெளிவிவகார அமைச்சர் மங்கள சமரவீர தெரிவித்துள்ளார்.
வெளிவிவகார அமைச்சில் இன்று நடைபெற்ற செய்தியாளர் சந்திப்பில் அவர் இதனைக் குறிப்பிட்டுள்ளார்.

மஹிந்த ராஜபக்ச மின்சார நாற்காலியில் தண்டிக்கப்படுவதனை புதிய அரசாங்கமே காப்பாற்றியுள்ளது.

ஐக்கிய நாடுகள் மனித உரிமைப் பேரவையினால் வெளியிடப்பட்ட விசாரணை அறிக்கை இலங்கைக்கு சாதகமானதேயாகும்.

மைத்திரி – மஹிந்த அரசாங்கத்தினால் நாட்டில் ஏற்படுத்திய மாற்றங்களுக்கு சர்வதேச சமூகம் வரவேற்பினை வெளியிட்டுள்ளது.

கடந்த ஜனவரி மாதம் 8ம் திகதியின் பின்னர் நாட்டில் சாதகமான மாற்றங்கள் பதிவாகியுள்ளன.

மேலும் இலங்கை அரச படையின் எவரையும் சர்வதேச ஹேக் நீதிமன்றில் முன்னிலைப்படுத்த முடியாது என அவர் குறிப்பிட்டுள்ளார்.

ஐ.நா போர்க்குற்ற அறிக்கையும் அழிக்கப்படும் சுய நிர்ணைய உரிமைக் கோரிக்கையும்

ZeidRaadAlHusseinநீதிமன்ற விசாரணை முறைமை அல்லாத ஐக்கிய நாடுகள் சபை மனித் உரிமைப் பேரவையின் போர்க்குற அறிக்கை வெளியாகியுள்ளது. இந்த அறிக்கை மகிந்த ராஜபக்ச தலைமையிலான இலங்கை அரசாங்கம் மற்றும் தமிழீழ விடுதலைப் புலிகளின் மீது தீவிர குற்றங்களை முன்வைத்துள்ளது.

ஐக்கிய நாடுகள் மனித உரிமை ஆணையாளர் அல் ஹுசைன், அறிக்கை குறித்துக் கூறும் போது பயங்கரமான வன்முறைகள் இலங்கையில் நடைபெற்றுள்ளன என்றார். முன்று லட்சம் இடம்பெயர்ந்த பொதுமக்கள் உரிமைகள் அனைத்தும் மறுக்கப்பட்டு இடம்பெயர்ந்தவர்களின் முகாம்களில் சர்வதேசச் சட்டங்களுக்கு முரணான காலப்பகுதி முழுவதும் வைக்கப்பட்டிருந்தனர் என அறிக்கை குறிப்பிடுகிறது.

அனைத்துக் குற்றங்களையும் நிராகரிக்கும் நிலையிலிருந்து குற்றங்களை ஒப்புக்கொள்ளும் நிலைக்கு மாறி மாற்றத்தை ஏற்படுத்துவதற்கான சந்தர்ப்பமாக அறிக்கையைப் பயன்படுத்துமாறு மனித உரிமை ஆணையாளர் வேண்டுகோள் விடுத்துள்ளார்.புலம்பெயர்ந்த சமூகம் உட்பட அனைத்து சமூகங்களையும் நோக்கி இக் கோரிக்கையை முன்வைப்பதாக அவர் கூறியுள்ளார்.

இலங்கையில் ஏற்கனவே காணப்படும் நீதிப் பொறிமுறை பாரிய போர்க்குற்றங்களை விசாரணை செய்வதற்குப் போதுமானவை அல்ல எனத் தெரிவிக்கும் ஐ.நா மனித உரிமை ஆணையாளர், சர்வதேச நீதிபதிகளையும் பொறிமுறைகளையும் உள்ளடக்கிய உள்ளக விசாரணைப் பொறிமுறை ஒன்றை இலங்கை அரசு உருவாக்க வேண்டும் என வேண்டுகோள் விடுத்துள்ளார்.

இலங்கை அரசின் மீதான குற்றங்களின் சாராம்சம்:

1. பொதுமக்கள், மனிதாபிமானிகள், அரசியல்வாதிகள், ஊடகவியலாளர்கள், தமிழ்ப் பொதுமக்கள் போன்றோரின் படுகொலை.

2. துணை இராணுவக் குழுக்கள் மற்றும் அரச படைகளால் கைதானவர்கள் படுகொலை செய்யப்பட்டுள்ளனர்.

3. போர்க்காலத்தில் இராணுவத்திடம் சரணடைந்தவர்கள் படுகொலை செய்யப்பட்டுள்ளனர்.

4. இரரணுவம் சட்விரோத கைதுகள், தடுத்து வைத்தல்கள் போன்றவற்றை மேற்கொண்டுள்ளது. துணை இராணுவக் குழுக்கள் கடத்தல்களில் ஈடுபட்டுள்ளன. இவ்வறான அநேக சந்தர்ப்பங்கள் பலவந்த கடத்தல்கள் மற்றும் சட்டவிரோத படுகொலைகளாக பதிவாகியுள்ளன.

5. இலங்கை அரசின் அனுசரணையுடன் வெள்ளை வான்களில் பலர் கடத்தப்பட்டுப் படுகொலை செய்யப்பட்டுள்ளனர்.

6. பயங்கரவாதத் தடைச் சட்டம் மற்றும் அவசரகாலச் சட்டம் ஆகியனவற்றை பயன்படுத்தி சட்டவிரோத கைதுகள் தொடர்ந்தும் இடம்பெற்று வருகின்றன,

7. யுத்தத்தின் பின்னர் தொகையாகக் கைதான பலர் பலவந்தமான முறையில் காணாமல் போகச் செய்யப்பட்டுள்ளனர்.

8. ஆண்கள் மற்றும் பெண்கள் மீது இராணுவப் படையினர் பாலியல் வன்கொடுமைகளையும், ஏனைய வழிகளிலான பாலியல் சித்திரவதைகளையும் மேற்கொண்டதாகக் கருதத் தேவையான சாட்சியங்கள் கிடைக்கப்பெற்றுள்ளன.

9. காணாமல் போனவர்களின் தகவல்கள் மறைக்கப்பட்டு அவர்களின் குடும்பங்கள் மீது திட்டமிட்ட தகவல் மறுப்பு ஒடுக்குமுறைகளை நடத்தி இலங்கை அரசு அடிப்படை மனித உரிமைகளை மீறியுள்ளது.

10. பொதுமக்கள் இலக்குகள் மீது நடத்தப்பட்ட திட்டமிட்ட தாக்குதல்களில் பலர் காணாமல் போயுள்ளனர். சரணடைந்தவர்கள், அல்லது ஒப்படைக்கப்பட்டவர்கள் காணாமல் போயுள்ளனர்.

11. புலிகளுடன் தொடர்புடையவர்களும், சந்தேகத்திற்குரியவர்களும், பொதுமக்களும் தடுத்துவைக்கப்பட்டு சித்திரவதை செய்யப்பட்டுள்ளனர்.

12. தாக்குதல் சம்பவங்கள் யுத்த விதிமுறைகளுக்கு முரணான வகையில் இடம்பெற்றுள்ளது. தாக்குதல்களில் சிறுவர்கள் உள்ளிட்ட சிவிலியன் கொல்லப்பட்டனர்.

13. பொதுமக்கள் இழப்புக் குறித்துப் கவனம் செலுத்தமல் யுத்தம் நடத்தப்பட்டிருக்கிறது. பொதுமக்கள் இழப்புக் குறித்து தொடர்ந்து விசாரணை செய்யப்பட வேண்டும்.

14. வன்னி வைத்தியசாலை மற்றும் ஏனைய வைத்தியசாலைகள் மீது தொடர்ச்சியாக எறிகணைத் தாக்குதல் நடத்தப்பட்டுள்ளது.

15. மனிக்பாம் மற்றும் ஏனைய இடம்பெயர் முகாம்களில் வாழ்ந்து வந்த மக்களின் உரிமைகள் முடக்கப்பட்டதுடன் அவர்கள் அடக்குமுறைக்கு உட்படுத்தப்பட்டனர்.

16. பொதுமக்கள் அடர்த்தியாக வாழ்ந்த பகுதிகளில் அரசபடைகள் நடத்திய தாக்குதலில் மக்களின் அழிவு குறித்துக் கருத்தில் கொள்ளாது ஆயுதங்கள் பயன்படுத்தப்படன.

17. யுத்தப்பகுதியில் அடிப்படை மனிதாபிமானத் தேவைகளான உணவு, மருத்துவம், போன்றவற்றை இலங்கை அரசு தடைசெய்து மக்களைப் பட்டினிச் சாவை நோக்கித் தள்ளியது.

18. தமிழ் இனத்தைச் சேர்ந்தவர்கள் என்பதால் இடம்பெயர்ந்தவர்கள் சந்தேகத்திற்கு உட்படுத்தப்பட்டுத் தடுத்துவைக்கப்பட்டிருந்தனர்.

19. கருணா குழுவின் சிறுவர் படை சேர்ப்பு விவகாரம் படையினருக்கு தெரிந்திருந்தும் அது கண்டுகொள்ளப்படவில்லை. எனவே இதன் ஊடாக இலங்கை அரசாங்கம் சர்வதேச சிறுவர் உரிமைச் சட்டங்களை மீறியுள்ளது

தமிழீழ விடுதலைப் புலிகள் மீது சுமத்தப்பட்ட போர்க்குற்றங்களின் சாராம்சம்:

1. புத்திஜீவிகள், முரண்பட்டகருத்தைக் கொண்டவர்கள், தமிழர்கள், முஸ்லீம்கள், சிங்களவர்கள், சந்தேகத்திற்கு உரியவர்கள் போன்றோரைப் படுகொலை செய்தமை.

2. தற்கொலைக் குண்டுத் தாக்குதல்களில் அதிகளவு பொதுமக்களே கொல்லப்பட்டனர்.

3. தமிழீழ விடுதலைப் புலிகள் பல ஆண்டுகளாக சிறுவர் போராளிகளை படையில் இணைத்து அவர்களை யுத்தத்தில் ஈடுபடுத்தியுள்ளனர். இறுதிக் கட்ட போர் இடம்பெற்ற மாதங்களில் இந்த நடவடிக்கை அதிகளவில் மேற்கொள்ளப்பட்டது.

4. எறிகணைத் தாக்குதல்களுக்கு எதிர் தாக்குதல் நடத்தும் மையங்களை புலிகள் பொதுமக்கள் வாழும் பகுதிகளுக்கு அருகமையில் நிறுவி பொதுமக்களைப் பாதுகாக்கத் தவறியுள்ளனர்.

5. புலிகள் பொதுமக்களின் வெளியேற்றத்தைத் தடுத்ததுடன் வெளியேற முற்பட்ட சிறுவர்கள் உடப்ட்டவர்கள் மீது தாக்குதல் நடத்தியுள்ளனர்.

6. மனிதாபிமான உதவிகளைக் கட்டுபடுத்தியமை.

7. தமிழீழ விடுதலைப் புலிகள் வயது வந்தவர்களை கடத்தி படையில் இணைத்துக் கொண்டமை

இலங்கை அரச படைகளின் பிரதான குற்றங்களான, கொத்துக்குண்டுகளை வீசியமை, நச்சுவாயுக்களைப் பயன்படுத்தியமை, பேரழிவு மற்றும் தடைசெய்யப்பட்ட யுத்த முறைகளில் ஈடுபட்டவை போன்ற குற்றங்கள் குறித்துப் பேசப்படவில்லை. தவிர, சரணடைந்தவர்களைச் சாட்சியின்றிக் கொலைசெய்தமை போன்ற குற்றச் செயல்கள் முன்வைக்கப்படவில்லை. வன்னியில் இலங்கை அரசுடன் இணைந்து யுத்தக்குற்றங்களில் ஈடுபட்ட இந்தியப் படைகள் குறித்தும், அழிவு ஆயுதங்களை வழங்கிய நாடுகள் குறித்தும் பேசப்படவில்லை.

எதிர்காலம்…

அமெரிக்க சார்பு இலங்கை அரசு யுத்தக் குற்றங்களுக்காகத் தண்டனை வழங்குவதற்குத் தயார் என அறிவித்துள்ளது. பாதுகாப்புச் செயலாளரோ, ஜனாதிபதியோ அன்றி இராணுவத் தளபதிகளோ பெரும் யுத்தக்குற்றங்களில் ஈடுபட்டிருந்தால் தமது அரசு நடவடிக்கை எடுப்பதற்குத் தயார் என இலங்கை அரசின் அமைச்சரவைப் பேச்சாளர் ராஜித சேனரத்ன தெரிவித்துள்ளார்.

தென்னாபிரிக்காவில் நடைபெற்ற விசாரணை மாதிரியிலான அமைப்பு ஒன்று ஏற்படுத்தப்படும் என அவர் தெரிவித்துள்ளார். அதனூடாக இலங்கையின் நற்பெயரை உலக மட்டத்தில் உயர்த்தும் நடவடிக்கை எடுக்கப்படும் என்றார்.

இலங்கையில் யுத்த காலத்தில் உயர் அமைச்சுப் பதவிகளை வகித்தவர்களைக்கொண்ட இன்றைய இலங்கை அரசு அமெரிக்காவின் நிகழ்ச்சி நிரலில் செயற்படும் என்பது தெளிவானது.

யுத்தக் குற்றங்கள் என்ற அடிப்படையில் சில பிரதானிகளுக்குத் தண்டனை வழங்கிவிட்டு தனது இனவழிப்பு மற்றும் நவ தாராளவாத அரசியலை இலங்கை அரசு தொடரும். ஒரு புறத்தில் போர்க்குற்ற விசாரணையும், மறுபுறத்தில் வட கிழக்கில் தமிழர்களைச் சிறுபான்மையாகும் முயற்சிகளும் நடைபெறும்.

துரதிருஸ்டவசமாகப் புலம்பெயர் பிழைப்புவாதிகளின் கரங்களின் முடங்கியிருக்கும் தமிழர்களின் அரசியல் பல பாதகமான விளைவுகளை ஏற்படுத்தும். புலிகளின் தவறான பக்கங்களையும், அரசியலையும், மனித உரிமை மீறல்களையும் நியாயபடுத்துவதன் ஊடாக உலக மக்களிடமிருந்து தமிழர்கள் அன்னியப்படுத்தப்படுவார்கள். இலங்கை அரசாங்கம் நீதியானது என்ற கருத்து உலகம் முழுவதும் ஏற்படும். சுய நிர்ணைய உரிமைக்கான போராட்டம் என்பது போர்க்குற்றமிழைத்தவர்களின் வெற்று முழக்கம் என உலக மக்கள் நம்பும் நிலை தோன்றும் சில காலங்களில் சுய நிர்ணைய உரிமைக்கான கோரிக்கை அழிக்கப்பட்டு வடக்குக் கிழக்கு தமிழர்களின் தன்னாதிக்கத்திற்கு உரிய பகுதிகளாக இருந்தன என்பது வரலாற்றுப் புத்தகங்களின் மட்டுமே எழுதப்படும்.

இந்த நிலை மாற வேண்டுமானால் இலங்கை அரசிற்கு முன்னதாக தமிழர்கள் தரப்பிலிருந்து புலிகளின் மனித உரிமை மீறல்களை ஏற்றுக்கொண்டு, அவற்றையும் சுய நிர்ணைய உரிமைப் போராட்டத்தையும் முடிச்சுப்போட வேண்டாம் என்ற குரல் ஒலிக்க வேண்டும். தவறினால் இலங்கை அரசின் திட்டம் நிறைவேறுவது தவிர்க முடியாத ஒன்று. ஆனால் புலிகளது அடையாளங்களும் அதன் இருப்பும் புலம்பெயர் நாடுகளில் மில்லியன்கள் புரளும் வியாபாரமாகிவிட்ட நிலையில் மக்கள் சார்ந்த அரசியலை முன்வைத்து நடைமுறைப்படுத்துவது இன்று சாத்தியமற்றது.

உண்ட வீட்டுக்குள் 1 இற்கு இருந்த முதல்வர்: ஈழ மாறன்

wiki_prem

விக்கி விக்கி தமிழ் பேசும்
முதல்வரே, தமிழ் மானம் காக்க வந்த
நரைவிழுந்த கரிகாலா
நடுநிலமை என்று சொல்லி
நரி வேலை செய்ததுவேன்.

உயர்மன்றில் அமந்திருந்து
அரசோடு உறவாடிக் கொண்டாய்.
மகிந்தாவின் அரண்மனையில்
உணவுண்டு கிடந்தாய்
தமிழீழம் கேட்டவனை சிறைசெல்ல வைத்தாய்
வடக்கென்று ஒரு பகுதி இருக்கென்று மறந்தாய்

பிரேமானந்தா பெண் பித்தன்
அவன் பின்னாலே போனவன் நீ
சித்தனா இல்லை முக்தனா?
முல்லைத் தீவிலே தீமூட்டினான்
முள்ளி வாய்க்காலில்
குய்யோ முறையோ என்றெம்மினம் கூவி யழ
கொத்துக் கொத்தாய் குண்டிட்டு அழித்தான்
மீதிப் பேரை முள்வேலிக்குள் அடைத்தான்.
கொழும்பில் இருந்து
கொழுத்துக் கிடந்த உன்
நடுநிலமை மூளக்கு
பட்டினியில் வாடிய உன்
பாவித் தமினத்தை விடுடா திறந்தென்று
அறிக்கை விட மறந்தாய் – பின்
கன்னியரை மோசம் பண்ணி
வல்லுறவு கொண்டு, சிதைத்துப் பின் கொன்றவனை
பிறேமானந்தம் கண்டவனை
விட்டுவிடு என்றெழுந்து அறிக்கை விட்ட
மாமனிதா
நடுநிலமை என்று சொல்லி நாறிக் கிடக்கும்
உன் நேர்மையினை
வாந்தி எடுத்தாய் அறிக்கையாய் இன்று

மகிந்த இருக்கும் வரை
மசிந்து திரிந்தாய்
செத்த பிணம் போல
சத்தமின்றிக் கிடந்தாய்
மகிந்த போனபின்னே
மானத் தமிழா உனக்கு
ஈனத்தமிழன் கொலை
இனவழிப்பாய் தெரிந்தது ஏன் ?
இனத் தீயை மூட்டிவிட்டால்,
மகிந்த மீண்டும் மகுடம் சூட்டிடுவான்
மீதித் தமிழரையும் அவன்
காவுகொடுப்பான் என்று கனவு கண்டாயோ

புலம்பெயர் நாடு வந்தாய்
பினாமி கூட்டத்தோடு
கூட்டமிட்டாய், தின்று
கும்மாளமிட்டாய்
சாமியுடன் திரிந்தவனே
எம்மினம் சாகும் போதோ
சிறைப் பட்டு சிதைந்த போதோ
உச்ச தண்டனை கொடுத்து
எஜமான் விசுவாசம் காட்டி விட்டு
வெளிநாட்டில் குளிரில்
உழைத்த காசை
தேசம் விடுவிக்க கொடுத்த காசை
சுருட்டி வயிறு வளத்தவரோடு
ஒட்டினாய் உன் புத்தி காட்டினாய்
நாய் விசுவாசம் போட்டாய்
பதவிப் பிச்சை போட்ட வீட்டில்
மலம் கழித்துப் போனவனே
நீ யார் என் இனம் என்ன செய்ய வேண்டும் என்று சொல்ல

கோமா சக்தி – சிறுகதை : சு அகரமுதல்வன்

அடிப்படைத் தர்மங்களில் இருந்து மாறுபட்டவனிடம் நியாயம் கேட்க முடியாது.

கிரேக்க பழமொழி

இலக்கியப் பத்திரிகையின் அட்டைப் படமாகவே புகைப்படம் போடப்பட்டு கோமா சக்தியின் வரலாற்றுச் சிறப்பு மிக்க நேர்காணல் ஒன்று வெளி வந்திருப்பதாக திரு.முடுலிங்கவிடம் அவரது வேலைக்காரன் போய்ச் சொல்லிய போது அவர் குரல் வளைத் தாடி மயிரை சேவ் எடுத்துக் கொண்டிருந்தார். நல்ல காலம் முடுலிங்க கோபம் கொள்ளும் ஆள் கிடையாது என்பதால் தனது குரல் வளையை தன்னிடமிருந்து காப்பாற்றிக் கொண்டு கண்ணாடியில் தனது முகத்தைக் கழுவினார். முகம் எப்போதும் போல வடிவாயிருந்தது என்றாலும் முகத்தில் எடுபடாமல் தவறவிடப்பட்ட மயிர்கள் அவரெழுதும் சிறுகதைகளைப் போல தீவிரமற்று பயணச் சோம்பலில் கிடந்தது. ரோஸ் நிறத் துவாயால் முகத்தைத் துடைத்தபடி வேலைக்காரனைப் பார்த்து வாங்கி வந்தனியா அந்தப் புத்தகத்தை என்று கேட்டதும் வேலைக்காரன் என்னவோ முடுலிங்கத்திற்கு விருது கொடுப்பவன் போல புத்தகத்தை இரண்டு கைகளும் நிமிர்த்திப் பிடித்து கொடுத்தான். முடுலிங்கத்திற்கே விருதா என்று நீங்கள் கேட்கும் கேள்வி நியாயமானது என்றாலும் வேலைக்காரன் தோட்டத்தில் தானே வேலை செய்கிறான் அவனுக்கும் ஒரு தோட்ட விருதை வழங்கும் உரிமை இருக்குத்தானே.

முடுலிங்கவின் முகத் தோற்றம், வயது உயரம் எல்லாம் உங்களுக்கு தேவை இல்லாதது. முடுலிங்கம் சிறுகதை எழுதும் புலம்பெயர்ந்த ஈழத் தமிழ் எழுத்தாளர். நீங்கள் தமிழர்களின் தனி நாட்டுக் கோரிக்கைக்கு எதிரானவர் என்றாலும் இவரின் கதைகளை படிக்கலாம். அவரின் கதைகளில் சொந்த நாடு பற்றி நாட்டம், ஏக்கம் கூட இருக்காது. அவர் கண்டதையும் வாழ்ந்ததையும் எழுதும் தார்மீக எழுத்து அறம் கொண்டவர். கதைகளுக்காக முடுலிங்கம் யதார்த்தத்தில் சிறு புனைவை கொண்டு வருவாரே தவிர கதைகளையும் சம்பவங்களையும் மாற்றுவது கிடையாது. முடுலிங்கத்திடம் அயோக்கியத்தனம் கிடையாது. மகா பொய் சொல்லி தன்னையொரு இடதுசாரி புரட்சியாளனாகவும் புரட்சியாளர்களின் சிந்தனைகளை அப்படியே பின் பற்றி நடப்பவன் போலவும் கதைக்கத் தெரியாது. தானும் புலிகள் இயக்கத்தில் இருந்தவன் என்றோ அல்லது பிரபாகரனுக்கு ஆலோசாகராக இருந்தனான் என்றோ ஒரு பொய்யை சொல்லிக் கொண்டு அடையாளம் பெறவும் அவருக்கு விருப்புக் கிடையாது. அவருக்கு படிச்சதுக்கு ஏற்ற தொழில் இருக்கிறதால ஒரு பிரச்னையும் இல்லை.

அவர் சிரிச்சு முடியத் தான் வேலைக்காரன் தேத்தண்ணியைக் கொடுத்தான், முடுலிங்கம் தேத்தண்ணியை வாங்கிக் குடிச்சுக் கொண்டு வேலைக்காரனுக்கு இரண்டு அப்பிள்களை துண்டு துண்டாய் வெட்டிக் கொண்டு வரும்படி கேட்டுக்கொண்டதோடு பக்கம் 30ல் தொடங்கும் கோமா சக்தியின் நேர்காணலை வேலைக்காரனுக்கு வாசிச்சுக் காட்டுவதாகவும் வேகமாய் வந்து கதிரையில் இருக்கும் படியும் முடுலிங்கம் சொன்னது தான் தாமதம் வேலைக்காரனுக்கு குண்டியில அடிச்ச புளுகம். இரண்டு அப்பிளையும் தோல் சீவி துண்டு துண்டாய் வெட்டிக் கொண்டு வந்து மேசையில் வைத்து விட்டு கதிரையில் இருந்து விட்டான். முடுலிங்கம் வீபூதியை பூச மறந்து இருக்கிறார் எண்டதையே வேலைக்காரன் சொல்லவே இல்லை. அவன் கள்ள மவுனத்தை பூசாத வீபூதியில் பழகிக்கொண்டான்.

சுங்கப்பனை விருது புலிகள் இல்லாமல் போனதினாலேயே சாத்தியமாகியது, முடுலிங்கம் வாசிக்கத் தொடங்கும் நேர்காணலின் தலைப்பு இப்படி இருந்தது.

நேர்காணலை முடுலிங்கம் வாசிக்கும் தொனியை என்னால் உங்களுக்கு உணர்த்தமுடியாது. அவர் ஒரு அதியுச்ச கோபத்தோடு ஒருவனை தூசணத்தால் ஏசுவதைப் போன்று வாசித்தார். அந்த நேர்காணலே உங்களுக்காக.

கே – ஈழத்தில் நடந்த இனப்படுகொலை தொடர்பாக உலக அரங்கில் ஏற்பட்டு வரும் மாற்றங்கள் தமிழர்க்கு சாதகமானதாக அமையும் தருணங்களில் கீபன் படத்தையும் எடுத்துக்கொள்ளலாமா?

கோ – புலிகள் இல்லாமல் போனதே ஈழத் தமிழர்களுக்கு சாதகமானது தானே. பாசிசத்தையும் அராஜகத்தையும் மக்கள் மீது நடாத்திக் கொண்டிருந்த புலிப் பாசிஸ்டுகள் மக்களுக்கு எதையும் செய்யமாட்டார்கள் என்பதை எமது தோழர்கள் கடந்த காலங்களில் சொன்னதை நான் நினைவு கூற வேண்டும். இன்றைக்கு உலகளவில் ஈழம் வல்லரசுகளின் பசியைப் போக்கவல்ல இரையாக மாறியிருக்கிறது. என்றாலும் பிரான்ஸ் மக்களிடம் ஈழத் தமிழர்கள் தொடர்பாக ஒரு இரக்கம் இருக்கிறது. அதன் வெளிப்பாடு தான் கீபன் திரைப்படம். அதற்கு உலகளவில் உயரிய விருதான கோண் விருது வழங்கப்பட்டிருப்பது சாதகமான சூழலைத் தான் காட்டுகிறது. சுங்கப்பனை விருது புலிகள் இல்லாமல் போனதினாலேயே சாத்தியமாகியது.

கே – உண்மை தான், நீங்கள் ஒரு எழுத்தாளாராக உலகப் பெயர் பெற்றவர், புலிகள் இயக்கத்தில் இருந்து பின்னர் அதிலிருந்து வெளியேறி குறித்த இயக்கம் மீதே பல்வேறு விமர்சனங்களை முன் வைத்தவர். இப்பொழுது உலகப் புகழ் பெற்ற நடிகர், எதுவாக இருப்பது சுலபம்?

கோ – எல்லாவற்றுக்கு தேவை இருப்பதாகவே நான் உணர்கிறேன். புலிகளை விமர்சனம் செய்வதின் ஊடாக நான் சத்தியத்தின் பக்கம் நிற்க ஆசைப்படுகிறேன், சாதியை ஒழிக்க அரும்பாடு படுகிறேன். எழுதுவதன் ஊடாயும் இதனையே நடிப்பதின் ஊடாகவும் இதனையே செய்ய விரும்புகிறேன். நடிப்பு என்பது இங்கு கமல்ஹாசன் செய்வதோ எம்.ஜி.ஆர் செய்ததோ அல்ல, பிரான்சின் புகழ் பூத்த பெரிய நடிகரான சூர்ஜ் எனக்கு சொல்லிக் கொடுத்தது தான் நடிப்பு.

கே – நீங்கள் கீபன் திரைப்படத்துக்கான கோண் விருதைப் பெற்ற அந்தத் தருணம் குறித்து சொல்ல முடியுமா?

கோ – ஒரு கதாசிரியராக எனக்கு கோண் விருது முக்கியமானது. மாபெரும் மேடையில் கீபன் திரைப்படத்துக்கு தான் பத்து நிமிடங்களுக்கு மேலே கை தட்டினார்கள், இதைவிட என்ன வேண்டும் அந்தத் தருணத்துக்கு.

கே – இந்தத் திரைப்படத்தில் நீங்கள் பல்வேறு ரீதியாக பங்களிப்பு செய்திருக்கிறீர்கள், உங்கள் இயக்குநர் ஜோக் போடியார் குறித்து சொல்லுங்களேன்?

கோ – அவர்கள் பிரான்சின் பரம்பரை சினிமாக்காரர்கள் அவரது அம்மாவும் அப்பாவும் கூட இயக்குனர்கள் தான். படப்பிடிப்பில் ஒரு கோணத்தில் சரியான ஷாட்ஸ்களை ஓகே என்றாலும் அதே ஷாட்ஸ்சை பல தடவை வேற மாதிரி எடுப்பார்.

கே – எந்த மாதிரியான பாத்திரம் ஏற்று இந்த படத்தில் நடித்திருக்கிறீர்கள்?

கோ – நான் கடல் வழியாக தமிழ்நாட்டிற்கு வரும் ஒரு புலிப் பாசிஸ்டாகவே நடித்திருக்கிறேன், அந்த இயக்கத்தில் நான் இருந்ததினால் எனக்கு அதனை நடிப்பதில் எந்த பிரச்னையும் இல்லை. ஒரு புலிகள் இயக்கத்தவன் எப்படியான உடல் மொழிகளை கொண்டிருப்பான் என்றெல்லாம் எனக்குத் தெரியுமென்பதால பிரச்னை கிடையாது.

முப்பதாவது பக்கத்தின் முடிவில் இந்தக் கேள்வி தான் இருந்தது. முடுலிங்கத்திற்கு நீண்ட நாட்களின் பின் தூசணத்தால் பேசவேண்டும் என்று தோன்றியதும் மனிசன் பிரஞ்சு தூசணம் ஒண்டை பேசினார். கோமா சக்தி ஆங்கில படமொன்றில் நடித்திருந்தால் Fuck என்று எல்லோருக்கும் தெரிந்த ஒரு தூசணத்தை தான் முடுலிங்கம் பேசியிருப்பார். நல்ல காலம் அது தமிழ்ப் படமாய் இருக்கவில்லை. பத்திரிக்கையை ஸ்டூலில் வைத்துவிட்டு தட்டில் இருந்த அப்பிள் துண்டொன்றை கடித்துக் கொண்டே வேலைக்காரனையும் சாப்பிடும் படி கையால் காட்டினார். அப்பிள் துண்டை கையில் எடுத்த வேலைக்காரனுக்கு முகப்பு அட்டையை மீண்டும் ஒரு தடவை பார்த்து விடவேண்டும் போல தோன்றியது. புத்தகம் வாசிக்கப்படவிருக்கும் 31வது பக்கத்தை மடித்து குப்புற வைக்கப்பட்டிருந்தது. தட்டில் அப்பிள்கள் முடிந்து போய்விட்டதையடுத்து போத்தலில் இருந்த தண்ணியை அட்டனக்கால் போட்ட படி குடித்த முடுலிங்கம் மீண்டும் ஒரு தடவை தூசணம் ஒன்றை பேசினார். அது எந்த மொழியிலானது என்று தெரியாவிட்டாலும் அது தூசணம் தான் என்பதை வேலைக்காரன் விளங்கிக் கொண்டான்.

koma_shakthiஉள்ளி கண்ட இடத்தில பிள்ளைப் பெறும் பழக்கத்தை உலகத்துக்கு சொல்லிக் கொடுக்க இவனை விட ஆள் இல்லையெண்டு முடுலிங்கம் சொன்னதை கையில் கிடந்த கடைசி அப்பிளைக் கடிச்சுக் கொண்டே வேலைக்காரன் கேட்டுக் கொண்டேயிருந்தான். உலக வல்லாதிக்கத்தையும் காலனி ஆதிக்கத்தையும் மார்க்ஸ்சுக்கு பிறகு தான் தான் எதிர்க்கிறவன் போல கதைச்சு எழுதின நடிப்பை விட இவன் இதில நடிக்க வாய்ப்பில்லை. மார்க்ஸ் என்றால் கா.மார்க்ஸ் என்று மீண்டும் முடுலிங்கம் அழுத்திச் சொன்னார். இரண்டு நாள் இயக்கப் பொடியளோட பேசிகுள்ள போய்ட்டு வந்திட்டு நானும் புலிகள் இயக்கத்தில இருந்தவன் எண்டு சொன்னால் நம்புறதுக்கு எல்லாரையும் என்ன குறுப்பு பரிதி ரசிகர்கள் என்று நினைச்சிட்டார் போல,

வெளியில் அவ்வளவு கொடும்பனி பெய்து கொண்டிருந்தாலும் முடுலிங்கத்தின் முகத்தில் தீக்குழம்பு பெருகுவதை பார்த்து குட்டி ஆடு விறைத்திருப்பதைப் போல வேலைக்காரன் இருந்ததையும் அவர் பொருட்படுத்தவில்லை. குப்புற மடித்துக் கிடந்த முப்பத்தோராவது பக்கத்தை எடுத்து மீண்டும் வாசிக்கத் தொடங்கினார்.

கே – ஒரு நடிகராக ஆகிவிட்டீர்கள்? ஈழப் பிரச்னை குறித்த தமிழ்த் திரைப்படங்களில் நடிக்க கேட்டால் ஒப்புக்கொள்வீர்களா?

கோ – தமிழ் நாட்டு சினிமாக்காரர்களுக்கு ஈழப் பிரச்னை குறித்து ஒரு மொட்டையான கருத்துத் தான் இருக்கிறது. அவர்கள் சீமான் மேடைகளில் பேசுவதையே குறிப்பாக எடுத்து ஈழத் திரைக்கதையை வடிவமைக்கிறார்கள். மாபெரும் பாசிச அமைப்பான புலிகள் அமைப்பை அவர்கள் கொண்டாடத் துடிக்கிறார்கள். என்னால் ஒரு தமிழ்ப் படத்தில் நடிக்க முடியுமெனில் அது குழந்தைப் போராளிகளை பாலத்காரமாக சேர்த்தது குறித்தோ புலிகள் வழங்கிய மரணதண்டனைகள் குறித்தோ எடுக்கப்படவேண்டும்.

கே – கீபன் திரைப்படத்தில் உங்கள் படைப்புகளில் வந்த பாத்திரங்கள் ஏதேனும் வந்திருக்கிறதா?

கோ – நான் எனது படைப்புகளில் வந்தவன் தானே. அதற்கான வாய்ப்புகள் மிகக் குறைவு திரைக்கதையில் மாற்றங்களை செய்யும் அதிகாரம் எனக்கு வழங்கப் பட்டிருந்தது. கடைசிச் சண்டையின் போது என்னோட மட்டக்களப்பு கடைக்கு மேல ஷெல் விழுந்தது என்று ஒருவர் சொல்வதாக அந்த வசனம் இருக்கும். ஆனால் இறுதிச் சண்டை மட்டக்களப்பில் நடக்கவில்லை என்று நான் இயக்குனரிடம் சொன்னதன் பின்னர் அந்த வசனம் மாற்றப்பட்டது. அது போல யாழ்ப்பாணச் சண்டையில 2006ம் ஆண்டு காயப்பட்டனான் எண்டு ஒரு வசனம் இருக்கும் அதையும் மாத்தினான்.1996க்கு பிறகு யாழ்ப்பாணத்தில் யுத்தமே நடக்கவில்லை. இதைப் போல என்னால் இயன்றவற்றை செய்தேன்.

கே – அடுத்து உங்களின் படைப்புத் திட்டம் என்ன நீங்கள் ஏன் ஒரு திரைப்படத்தை இயக்கக் கூடாது ?

கோ –. படைப்பு என்றால் அடுத்து என் நாவல் ஒன்று வெளிவரவிருக்கிறது. அதன் பெயர் Fox குதைப் புத்தகம். மிக விரைவில் நீங்கள் கேட்பது சாத்தியமாகலாம். அப்படி இயக்கும் பட்சத்தில் ஈழத்தில் 37 முட்டாள் இயக்கங்களும் செய்த மனிதப் படுகொலைகள் குறித்தும் இஸ்லாமியர்களை புலிகள் வெளியேற்றியமை குறித்தும் ஒரு நல்ல திரைக்கதையை படமாக்குவேன்.

முடுலிங்கம் புத்தகத்தை மூடி ஸ்டூலில் வைத்தார். வேலைக்காரன் முகப்பு அட்டைப் படத்தை இன்னொரு தடவை பார்க்கிறான். அந்தப் புகைப்படத்தில் உள்ள எழுத்தாளனின் ஜெல் பூசப்பட்டு மேவி இழுக்கப்பட்ட ஒவ்வொரு தலைமயிரிலும் பேன்களைப் போல பொய் ஓடிக்கொண்டேயிருந்தது. அது ஈர்களைப் போல குஞ்சுகளைப் பொரிக்காமல் கிபிர் குண்டுகளைப் போல பொய்களைப் வெடித்துக் கொண்டேயிருந்தது. பொய்கள் அவ்வளவு பெருத்துப் போய் தலையெங்கும் ஊர்ந்து கொண்டேயிருந்தது.

இது வேலைக்காரனின் கண்கள் தான். இந்த மயிர்,பொய் எல்லாமே அவன் சொன்ன வார்த்தைகள் தான். அவன் ஒரு அல்ஜீரியன் என்றாலும் அவனுக்கு தமிழ் அத்துப்படி.முடுலிங்கத்தோடு பதினஞ்சு வருஷம் இருந்து அவன் ஆங்கிலத்தையும் தமிழையும் கரைச்சுக் குடிச்சிட்டான். ஈழப் பிரச்சனையில இருந்து பாலஸ்தீன பிரச்னை வரைக்கும் அரசியலில மிகத் தெளிவு. பிரபாகரன் குறித்து தமிழ்நாட்டில் எழுதப்படும் புத்தகங்களில இருக்கிற சம்பவ பிழைகளையே சொல்லிக் கவலைப்படுகிற ஆள் எண்டால் பாருங்கோ. தானொரு இஸ்லாமியன் என்பதில் அவன் பெருமைப்பட்டுக்கொள்கிறவன். மேற்குலக பார்வையில இஸ்லாமியர்கள் எவ்வாறு பார்க்கப்படுகின்றனர் என்பது குறித்த கவலையையும் கோபத்தையும் முடுலிங்கவோடு பகிர்ந்திருக்கிறான். அவனின் பெயரை வேண்டுமென்றால் உங்களுக்கு சொல்லலாம் முகமத் நூர்.

ஆபிரிக்காவிலும் ஆசியாவிலும் மனிதப் படுகொலைகளை செய்து இன்றைக்கு வரைக்கும் மன்னிப்புக் கேட்காத பிரான்ஸின் செங்கம்பள விரிப்பில நிண்டு கொண்டு சனநாயகம் பற்றி கதைக்கிற இவன் எல்லாம் மனிசனே கிடையாது என்று முடுலிங்கம் காலை ஸ்டூலில் தூக்கி வைத்துக் கொண்டே சொன்னார். பாலஸ்தீனத்தில் இண்டைக்கும் மக்களை குண்டு போட்டுக் கொல்கிற யூதர்களின் தேர்வில விருது வாங்கிக் கொண்டு என்னெவெல்லாம் கதைக்கிறார் எண்டு பார்த்தீரே. உலகச் சந்தைகளுக்கு படம் பண்ணிக்கொண்டு உலகமயமாதல் பற்றிக் கதைக்கிறதெல்லாம் எவ்வளவு பெரிய அவமானம்.

முகமத் நூர் எதுவும் சொல்லவில்லை, அவன் முடுலிங்க பேசுவதை கைகளை கட்டிக் கொண்டு கேட்டபடியே இருக்கிறான். விடுதலையும் புரட்சியையும் உலகுக்கு சொல்லிக் கொடுத்த பிரான்ஸ் ஆசியாவுக்கும் ஆபிரிக்காவுக்கும் விடுதலையை கொடுத்ததே கிடையாது நூர். எங்களுக்கு நடந்த இன ஒடுக்குமுறை குறித்து பிரான்ஸ் வாயே திறக்கவே இல்லை.இண்டைக்கு மைத்திரியை ஆதரிக்குது. மைத்திரி கீபன் விருது வாங்கியமைக்கு வாழ்த்து தெரிவிச்சு அறிக்கை விடுகிறான். அந்தப் படம் ஒரு குப்பை. மேற்குலகத்தின் இஸ்லாமிய எதிர்ப்பு பிரச்சாரத்துக்கு தாளம் போடுது. அதில நடிச்சுப் போட்டு இஸ்லாமிய வெளியேற்றம் குறித்து படம் பண்ணப் போறேன் எண்டு சொலுறது தான் சிரிப்பாய்க் கிடக்கு.

பிரான்ஸ்ஸில் வாழும் எல்லாம் இஸ்லாமியர்களையும் வேற்றின மக்களையும் மாபியாக்கள் எண்டு சொல்லும் படத்தில நடிச்சுப் போட்டு நாளைக்கு மார்க்ஸ் எங்கெல்ஸ் லெனின் மாவோ அம்பேத்கர் பெரியார் என்று எல்லா புரட்சியாளர்களையும் புகழ்ந்து ஒரு கட்டுரை எழுதக் கூடும்.

37 ஈழ இயக்கங்கள் முட்டாள் தனமாய் இருந்தது என்றும் பிரபாகரன் பாசிஸ்ட் என்றும் கதை எழுதிக் குவிக்க இனி பிரபாகரனும் இல்லை புலியும் இல்லை. உண்மையா கொழும்பு ஆட்சியாளர்களுக்கு புலிகள் இல்லாதது அவங்கட அரசியலுக்கு எப்படி பின் அடைவா இருக்கோ அப்படி கோமா சக்திக்கும் பின் அடைவு தான்.

தமிழ்நாட்டில இவர் சொல்லுறது தான் சத்தியத்தின் தேவ வாக்காய் நம்புகிறதுக்கு இன்னும் ஆக்கள் இருக்கிறது தான் கவலையாய் இருக்கு என்று சொல்லி முடித்த முடுலிங்கவிடம் நூர் இப்படிச் சொல்லத் தொடங்கினான்.

31வது பக்கத்தில வாற கேள்வியொன்றில கடைசிச் சண்டை மட்டக்களப்பில நடக்கவில்லை எண்டு சொல்லிச் சொல்லுவதும், யாழ்ப்பாணத்தில 96க்கு பிறகு சண்டை நடக்கவில்லை எண்டு சொல்லுவதும் சரியான பிழை. கடைசிச் சண்டை என்று இவர் நினைக்கிறது மே -18ம் திகதியைப் போலத் தான் கிடக்கு. கிழக்கு மாகாணத்தில இருந்து தானே கடைசிச் சண்டையை மகிந்த தொடங்கினவன். 96க்கு பிறகு யாழ்ப்பாணத்தில சண்டை நடக்கவில்லை எண்டு சொல்லுறார். உண்மையா இவர் சிறிலங்காவின் மூன்று மூன்று சனாதிபதிகளுக்கு ஒழுங்கே சந்திரிக்கா ,மகிந்த ,மைத்திரி என்று உலகளவில் சனநாயக சாயம் பூசுறார். அவருக்கு விருது வாங்கவேணுமெண்டு ஆசை உங்களுக்கு விருது குடுக்க வேணுமெண்டு ஆசை. நீங்கள் இந்த சம்பவத்தை வைச்சு ஒரு கதை எழுதுங்கோவன் என்றான் நூர்.

நூரின் வேண்டுகோளின் படி முடுலிங்கம் எழுதிய கதை இந்தக் கதை தான், ஆனால் தலைப்பு மட்டும் நான் வைத்துக் கொண்டது