வெளி நாட்டுச் சஞ்சிகைகளையும் தடைசெய்யும் இலங்கை அரச பாசிசம்!

ஹிமால் மற்றும் த எகொனமிஸ்ட் ஆகிய சஞ்சிகைகளின் ஏப்பிர மூன்றாம் திகதிக்கான வெளியீடுகளை இலங்கை அரசு தடைசெய்துள்ளது. இலங்கை விமான நிலையத்தில் சுங்கப் பரிசோதனை அதிகாரிகளால் இவை தடுத்து வைக்கப்பட்டுள்ளன. ஹிமால் சஞ்சிகையில் மகிந்த ராஜபக்ச மற்றும் ஜே.ஆர்.ஜெயவர்த்ன ஆகியோரை ஒப்பிட்டு வெளிவந்த கட்டுரை காரணமாகவே இது தடைசெய்யப்பட்டுள்ளது. இதே வேளை தன்னார்வ நிறுவனங்களுக்கு வழங்கப்படும் பண உதவித்தொகை குறித்த கட்டுரை ஒன்றிற்காகவே தடைசெய்யப்பட்டுள்ளது. இது குறித்துக் கருத்து வெளியிட்ட விஜிதயாப்ப புத்தக நிலைய உரிமையாளர், சுங்க அதிகாரிகள் அனைத்து வெளியீடுகளையும் வாசித்த பின்னரே அதனை நாட்டினுள் அனுமதிக்கிறார்கள் என்றார்.

One thought on “வெளி நாட்டுச் சஞ்சிகைகளையும் தடைசெய்யும் இலங்கை அரச பாசிசம்!”

  1. இம்முறை நாடாளுமன்றத் தேர்தலில் அரசாங்கம் விளையாட்டு வீரர்களையும் நடிகர்களையும் களம் இறக்கி மக்களுக்கு வேடிக்கை காட்டுகிறது. யுத்த போதையை மக்களுக்கு ஊட்டி அரசியல் நடத்திய ஆட்சியாளர் இன்று கேளிக்கை நிகழ்வை மேடையேற்றுகின்றனர் என இடது சாரி விடுதலை முன்னணியின் தலைவர் விக்ரமபாகு கருணாரட்ன தெரிவித்தார்.

    நேற்று காக்கைத் தீவு பகுதியில் பெருமாள் பூமிநாதன் தலைமையில் இடம்பெற்ற தேர்தல் பிரசாரக் கூட்டத்திலேயே விக்கிரமபாகு மேற்கண்டவாறு தெரிவித்துள்ளார்.

    அவர் தொடர்ந்து தெரிவிக்கையில்,

    “நாவலப்பிட்டியில் நடைபெற்ற எமது கூட்டத்தை பொலிஸார் தடுத்தனர். “எதற்காக இங்ஙனம் செயற்படுகிறீர்கள்?” எனக் கேட்ட போது, “இவ்வாறு செயற்படாவிட்டால் எமது பதவி பறிபோய் விடும்” என்று அவர்கள் கூறுகின்றனர்.

    நாவலப்பிட்டிப் பிரதேசம் இன்று மஹிந்தானந்த அலுத்தகமகேவின் கட்டுப்பாட்டுக்குள் உள்ளது.

    இம்முறை நாடாளுமன்றத் தேர்தலில் அரசாங்கம் விளையாட்டு வீரர்களையும் நடிகர்களையும் களம் இறக்கி மக்களுக்கு வேடிக்கை காட்டுகிறது. யுத்த போதையை மக்களுக்கு ஊட்டி அரசியல் நடத்திய ஆட்சியாளர், இன்று கேளிக்கை நிகழ்வை மேடையேற்றுகின்றனர்.

    ஏகாதிபத்திய விரோத நடிப்புக்கள் இன்று மேடையேற்றப்படுகின்றன. தேசத்தின் பஞ்சாயத்து, குமார என வர்ணிக்கப்படும் விமல் வீரவன்சவின் ஆடையைக் களைந்தால், உள்ளே அமெரிக்க உள்ளாடை இருப்பதைக் காணலாம்.

    தேர்தல் முடிந்தவுடன் மஹிந்த அரசாங்கம் சரணாகதி அரசியலுக்குச் சென்று விடும்.

    இடதுசாரிகள் பலமாக இருந்த காலப்பகுதியில் இந்த நாட்டில் தேசிய ஐக்கியம் நிலவியது. இன்று அது இல்லை.

    தமிழ் மக்களின் விடுதலைப் போராட்டம் இன்று இந்திய ஆதிக்க சக்திகளின் சதிக்குள் சிக்கிக் கிடக்கின்றது. தமிழ்த் தேசியக் கூட்டமைப்பும் மீள முடியாதவாறு அதனுள் சிக்கிக் கொண்டுள்ளது. அதனால் தான் கூட்டமைப்பில் இன்று சிதைவு ஏற்பட்டிருக்கின்றது.

    40 வருட காலமாகத் தமிழ் மக்களின் சுய நிர்ணய உரிமைக்காகப் போராடிவரும் எமக்கு, தமிழ் மக்களின் விடுதலைப் போராட்டத்தை முன்னெடுத்துச் செல்ல சகல தகுதியும் உண்டு” என்றார்

Comments are closed.