நூறாவது சர்வதேச பெண்கள் தினம் : அலெக்ஸ் இரவி

“எட்டும் அறிவினில் ஆணுக்கு இங்கே பெண் இளைப்பில்லை காண் என்று கும்மியடி!’

– பாரதியார்

“Each person must live their life as a model for others”~ Rosa Louise McCauley Parks-February 4, 1913-October 24, 2005, African American Civil rights activist

இன்று நூறாவது சர்வதேச பெண்கள் தினம் உலகம் பூராகவும் கொண்டாடப்படுகின்றது. இந்நாள் பெண்கள் முன்னேற்றத்தை ஊக்குவிக்கும் வகையிலும், அவர்களின் சாதனைகளை கொண்டாடும் நாளாகவும் கடைபிடிக்க வேண்டும்.

International Women’s Day will reach a milestone in 2010 as it marks its 100th anniversary. For 100 years International Women’s Day celebrates the political, economic, cultural and social achievement of women around the world. Not only is IWD a celebration it also serves as reminder of the continuing struggle for equality that so many women face across the world.

இந்நாள் China, Armenia, Russia, Azerbaijan, Belarus, Bulgaria, Kazakhstan, Kyrgyzstan, Macedonia, Moldova, Mongolia, Tajikistan, Ukraine, Uzbekistan and Vietnam மற்றும் சில நாடுகளில் அதிகாரப்பூர்வ விடுமுறையாக அறிவிக்கப்பட்டுள்ளது. அன்றைய தினத்தில் தாயார், மனைவி, சகோதரி மற்றும் சக பெண் பணியாளர்களுக்கு ஆண்கள் பரிசுகள் வழங்கி வருகின்றனர். சில நாடுகளில் அன்னையர் தினத்திற்கு சமமாக இத்தினத்தை கடைபிடிக்கின்றனர். மகளிர் சுய உதவிக்குழுவில் சிறப்பாக பணியாற்றிய சின்னப்பிள்ளையின் காலை தொட்டு அப்போதைய இந்தியப் பிரதமர் வாஜ்பாய் வணங்கினார். இதையே இந்தியாவில் ஏழை எளிய பெண்களுக்கு கிடைத்த மிகப்பெரிய கவுரவமாக கருதலாம். ஏழ்மையிலும் நாட்டில் தலைசிறந்த பெண்மணியாக உருவாகலாம் என்பதையும் இந்த சம்பவம் எடுத்துக்காட்டியது.

இனம்,மொழி,கலாச்சாரம்,பொருளாதாரம், அரசியல் ஆகிய பல்வேறு வேறுபாடுகளை மறந்து பெண்கள் தினம் அனைத்து பெண்களாலும் கொண்டாடப்பட்டு வருகின்ற நிலையில், ஆண்களுக்கு இணையாக பெண்களும் தங்கள் உரிமைகளைக் கேட்டு போராடியதை
குறிப்பிடத்தான் பெண்கள் தினம் கொண்டாடப்பட்டு வருகிறது. பழங்காலத்தில் கிரேக்கத்தில் போரை
முடிக்கு கொண்டு வர பெண்கள் போராடினார்கள். பிரெஞ்சு புரட்சியின் போது பெண்கள் சுதந்திரம் சமத்துவம் மற்றும் சகோதரத் தன்மை வேண்டி போராடினார்கள். ஆனால் கடந்த நூற்றாண்டில்தான் பெண்கள் தினம் கொண்டாடுவது ஒழுங்கமையக் கடைபிடிக்கப்படுகிறது.

அதே நேரம், மார்ச் 8 ஆம் தேதிக்கும் மகளிருக்கும் என்ன சம்பந்தம் என்று உழைக்கும் கீழ்த்தட்டுப் பெண்கள் வர்க்கமே அறிந்து கொள்ளாத தினமாகத்தான் இந்தப் பெண்கள் தினம் இன்றும் இருக்கிறது என்பதும் உண்மை. அது என்ன மார்ச் 8 மகளிர் தினம்? என்று கேட்பவர்குள் உண்டு.

ஆனால் சர்வதேசப் பெண்கள் தினம் என்று ஒருநாள் வருவதற்குக் காரணமே இந்த உழைக்கும் பெண் வர்க்கம் தான் என்பது தங்கமுலாம் பூசப்படாத உண்மை!

நாளுக்கு நாள் பெண்களின் அறிவாற்றல், தலைமைத்துவம், பங்கேற்பு போன்ற பல உரிமைகள் அதிகரித்து வந்தாலும் அவற்றுக்கெதிராக பெண்களுக்கெதிரான உரிமை மீறல்கள் அதிகரித்து வருகின்றன. அரசியல், சமூக, பொருளாதார மற்றும் கலாசார ரீதியான உரிமைகள் உலக நாடுகளில் பெண்களுக்கு எட்டாக்கனியாகவே காணப்படுகின்றன. 1789 ஆம் ஆண்டுகளிலேயே பெண்களின் உரிமை மீறலுக்கு எதிராக புரட்சிகள் ஆரம்பிக்கின்றன. அக்காலப்பகுதிகளில் வேலைக்கேற்ற ஊதியம், வேலைநேரம், வாக்குரிமை, அடிமைத்தனத்திலிருந்து விடுவித்தல் போன்ற சம உரிமைகளைக் கோரி பிரான்சில் ஆரம்பித்து, ஐரோப்பிய நாடுகள் முழுவதிலும் பெண்கள் உரிமைகள் தொடர்பான பரந்தளவான பிரசாரங்கள் மேற்கொள்ளப்பட்டன. ஆனால் தற்காலத்திலும் பெண்கள் தமது உரிமைகளை அனுபவித்து வருகின்றனரா என்பது கோள்விக்குறியாகவே காணப்பபடும் நிலையில் எதற்காக மார்ச் எட்டாம் தேதியைக் குறிப்பாக தேர்ந்தெடுத்தார்கள் என்று சற்று வரலாறுகளில் பின்னோக்கித் தேடினால் வியப்பூட்டும் பல தகவல்கள் நமக்குக் கிடைக் கின்றன.

1789 ஆம் ஆண்டு ஜூன் 14 ஆம் திகதி சுதந்திரத்துவம், சமத்துவம், பிரநிதிநித்துவம் (அரசனின் ஆலோசனை குழுக்களில்) என்று கோரிக்கைகளை முன்வைத்து பிரெஞ்சுப் புரட்சியின் போது பாரிஸில் உள்ள பெண்கள் போர்க்கொடி உயர்த்தினர்! ஆணுக்கு நிகராக பெண்கள் இந்தச் சமுதாயத்தில் உரிமைகள் பெற வேண்டும் என்றும், வேலைக்கேற்ற ஊதியம், எட்டு மணிநேர வேலை, பெண்களுக்கு வாக்குரிமை, பெண்கள் பெண்ணடிமைகளாக நடத்தப்படுவதிலிருந்து விடுதலை வேண்டும் என்று பெண்கள் கிளர்ச்சிகளில் ஈடுபட்டனர்!

கிளர்ச்சிகள் என்றால் அதன் தீவிரம் புரிவதற்கு, அடுப்பூதும் பெண்கள்,இடுப்பொடியப் பாடுபடும் பெண்கள் கையில் கிடைத்த ஆயுதங்களைக் கையில் எடுத்துக்கொண்டு பாரிஸ் நகரத் தெருக்களில் அணி திரண்டனர்.

புயலாகக் கிளம்பிய பூவையரை துரும்பாக எண்ணிய அந்நாட்டு அரசன் இடியென முழங்கி, “இவர்களை என் அதிகாரம் கொண்டு அடக்குவேன் என்றும்” ஆர்ப்பாட்டத்தில் ஈடுபடுவோரைக் கைது செய்வேன் எனவும் அறிவித்தான்.

ஆயிரக்கணக்கான பெண்கள் கூட்டம்! அவர்களுக்கு ஆதரவாக ஆண்களும் ஆயிரக்கணக்கில் கலந்து கொள்ள உற்சாகம் கரைபுரள கோஷங்கள் வானைப் பிளக்க அரச மாளிகை நோக்கி ஊர்வலம் கொட்டும் மழையில் ஊர்ந்து சென்றது!

அரச மாளிகை முன்பு ஆர்ப்பாட்டத்தில் ஈடுபட்ட அனைவரையும் கைது செய்வோம் என்று மிரட்டிய அரசனின் மெய்க்காப்பாளர் இருவரையும் திடீரென கூட்டத்தினர் பாய்ந்து தாக்கிக் கொன்றனர்.

இதை எதிர்பாராத அரசன் அதிர்ந்து போனான். கோரிக்கைகளை கண்டிப்பாக பரிசீலிப்பேன். உங்களுக்குச் சாதகமாக அறிவிப்பேன் என்று ஆர்ப்பாட்டத்தில் கொதித்தெழுந்தவர்களைச் சமாதானப் படுத்தினான். இயலாது போகவும், அரசன் லூயிஸ் பிலிப் முடிதுறந்தான்.

இந்தச் செய்தி ஐரோப்பிய நாடுகளில் வேகமாகப் பரவிட அங்கும் பெண்கள் போராட்டங்களில் ஈடுபட்டனர்!

தொடர்ந்து கிரீஸில் லிசிஸ்ட்ரடா தலைமையில் ஜெர்மனி, ஆஸ்திரியா, டென்மார்க் நாடுகளைச் சேர்ந்த பெண் பிரதிநிதிகள் கலந்துகொண்டு தொடர் போராட்டங்களில் ஈடுபட ஆளும் வர்க்கம் அசைந்து கொடுக்கத் தொடங்கியது.

இத்தாலியிலும் பெண்கள் இதுதான் சமயம் என்று தங்களது நீண்டநாள் கோரிக்கையான வாக்குரிமையைக் கேட்டு ஆர்ப்பாட்டங்களில் இறங்கினர்.

பிரான்சில், புருஸ்ஸியனில் இரண்டாவது குடியரசை நிறுவிய லூயிஸ் பிளாங்க், பெண்களை அரசவை ஆலோசனைக் குழுக்களில் இடம்பெறச் செய்யவும் பெண்களுக்கு வாக்குரிமை அளிக்கவும் ஒப்புதல் தந்தான். அந்த நாள் 1848 ஆம் ஆண்டு மார்ச் 8 ம் நாளாகும்!

அந்த மார்ச் 8 ஆம் நாள் தான் மகளிர் தினம் உலகெங்கும் அமைய ஒரு வித்தாக அமைந்தது.

அமெரிக்காவின் தொழிற்புரட்சி நகர் நியூயோர்க், இங்கு நெசவுத் தொழிலில் பெருமளவு பெண்கள் ஈடுபட்டிருந்தனர். இவர்கள் பதினாறு மணிநேரம் வேலை செய்து மிகக் குறைவான ஊதியத்தைப் பெற்றனர். அந்த ஊதியத்தைப் பெறுவதற்குக் கூட நிர்வாகத்தில் உள்ளவர்களின் உடற்பசிக்கு இணங்கினால் தான் கிடைக்கும் என்ற நிலை இருந்தது.

1857 இல் நியூயோர்க் நகரில் உழைக்கும் பெண்கள் கூடி குரல் எழுப்பினர். பெண்களின் முதல் குரல் ஒலிக்கத் தொடங்கியது பொன்னாள்! தொடர்ந்து போராட்டங்கள், பெண்கள் அமைப்புகள் தோன்றின.

1908 இல் வாக்குரிமை கேட்டுக் கொதித்து எழுந்தனர். ஜனாதிபதி தியோடர் ரூஸ்வெல்ட்டே போராட்டத்தின் தாக்கம் கண்டு குலைந்து போனார். போராடினால் தான் உரிமைகள் கிடைக்கும் என்ற சிந்தனை உலகெங்கும் கிளர்ந்தெழுந்தது. (Great unrest and critical debate was occurring amongst women. Women’s oppression and inequality was spurring women to become more vocal and active in campaigning for change. Then in 1908, 15,000 women marched through New York City demanding shorter hours, better pay and voting rights).

1909-இல் அமெரிக்க சோஷலிஸ்ட் கட்சியின் அமெரிக்கா முழுவதும் பெண்கள் தினம் பிப்ரவரி 28-ல்கொண்டாடப்பட்டது.
அதன் பின் பிப்ருரவரி கடைசி ஞாயிற்றுகிழமை பெண்கள் தினம் கொண்டாடுவதாக அறிவிக்கப்பட்டது. (In accordance with a declaration by the Socialist Party of America, the first National Woman’s Day (NWD) was observed across the United States on 28 February. Women continued to celebrate NWD on the last Sunday of February until 1913).

அதன் விளைவு 1910 இல் 17 நாடுகளிலிருந்து வந்திருந்த பெண்கள் கோபன்கேஹனில் கிளாரா தலைமையில் கூடி சர்வதேச பெண்கள் மாநாடு கூடியது. சர்வதேச பெண்கள் தினத்தை சர்வதேச அளவில் கொண்டாட வேண்டும் என்று முடிவு செய்தனர்.அதன் பின்
சர்வதேச அளவில் பெண்கள் தினம் கொண்டாடப்பட்டு வருகிறது. (In 1910 a second International Conference of Working Women was held in Copenhagen. A woman named a Clara Zetkin (Leader of the ‘Women’s Office’ for the Social Democratic Party in Germany) tabled the idea of an International Women’s Day. She proposed that every year in every country there should be a celebration on the same day – a Women’s Day – to press for their demands. The conference of over 100 women from 17 countries, representing unions, socialist parties, working women’s clubs, and including the first three women elected to the Finnish parliament, greeted Zetkin’s suggestion with unanimous approval and thus International Women’s Day was the result).

அதன் தொடர்பாக சர்வதேச மகளிர் அமைப்பு தோற்றுவிக்கப்பட்டது. இந்த அமைப்பின் சார்பில் 1911 ஆம் ஆண்டு மார்ச் 19 ஆம் தேதி ஜேர்மனி, ஆஸ்திரியா, டென்மார்க் மற்றும் சில ஐரோப்பிய நாடுகளிலிருந்து வந்து கலந்து கொண்ட மகளிர் பிரதிநிதிகளின் முதல் சர்வதேச மகளிர் தினத்தைக் கொண்டாடினர். முதல் சர்வதேச பெண்கள் தினம் இலட்சக்கணக்கான பெண்கள்
அணிவகுத்த பேரணியால் அமர்க்களப்பட்டது. அதைத் தொடர்ந்து ஒரு வாரத்தில் ஏற்பட்ட ஒரு தீ விபத்தில் 140 பெண்கள் வேலைக்கு சென்ற இடத்தில் கருகி இறந்தனர். இதனால் வேலைக்கு செல்லும் பெண்கள் நலன் கருதும் சட்டங்கள் அமெரிக்காவில் இயற்றப்பட்டன.
(Following the decision agreed at Copenhagen in 1911, International Women’s Day (IWD) was honoured the first time in Austria, Denmark, Germany and Switzerland on 19 March. More than one million women and men attended IWD rallies campaigning for women’s rights to work, vote, be trained, to hold public office and end discrimination. However less than a week later on 25 March, the tragic ‘Triangle Fire’ in New York City took the lives of more than 140 working women, most of them Italian and Jewish immigrants. This disastrous event drew significant attention to working conditions and labour legislation in the United States that became a focus of subsequent International Women’s Day events. 1911 also saw women’s ‘Bread and Roses’ campaign).

இதற்கிடையில் 1917-ல் ஆயிரக்கணக்கான ரஷ்ய வீரர்கள் போரில் பலியானார்கள். அந்த சமயத்தில் பெண்கள் ரொட்டிக்காவும் அமைதிக்காவும் போராட்டம் நடத்தினர். அதைத் தொடர்ந்து பிப்ரவரி கடைசி ஞாயிற்றுக் கிழமையில் பெண்கள் தினத்தன்று பெண்கள் கடுமையான போராட்டத்தில் ஈடுபட்டனர் அங்குள்ளவர்கட்கு ஓட்டுரிமை அளிக்கப்பட்டது.. ரஷ்யாவின் ஜூலியன் காலண்டர்படி அது
பிப்ரவரி 23. ஆனால் உலகம் முழுவதும் பயன்படுத்தப்பட்ட கிரிகோரியன் காலண்டர்படி மார்ச் 8 ம் நாள்.

ஆகவேதான் மார்ச் 8ல் சர்வதேச பெண்கள் தினமாக உலகம் முழுவதும் கடைபிடிக்கப்படுகிறது.

(On the eve of World War I campaigning for peace, Russian women observed their first International Women’s Day on the last Sunday in February 1913. In 1913 following discussions, International Women’s Day was transferred to 8 March and this day has remained the global date for International Wommen’s Day ever since. In 1914 further women across Europe held rallies to campaign against the war and to express women’s solidarity).
(On the last Sunday of February, Russian women began a strike for “bread and peace” in response to the death over 2 million Russian soldiers in war. Opposed by political leaders the women continued to strike until four days later the Czar was forced to abdicate and the provisional Government granted women the right to vote. The date the women’s strike commenced was Sunday 23 February on the Julian calendar then in use in Russia. This day on the Gregorian calendar in use elsewhere was 8 March.)

அதன் பின் சர்வதேச பெண்கள் தினம் உலக முழுவதும் வளர்ந்த நாடுகளில் மட்டுமல்லாமல் வளரும் நாடுகளிலும் கொண்டாடப்பட்டு வந்த நிலையில் வருடாவருடம் அதன் வளர்ச்சியும் கூடிய வேளையில் ஐ.நாவும் பெண்கள் முன்னேற்றத்துக்காவும் அவர்களின் அரசியல், சமத்துவ, பொருளாதார கோரிக்கைகளுக்காவும் பல்வேறு முயற்சிகளை எடுத்துள்ளது. அத்துடன் பெண்கள் தொடர்பான சர்வதேச கொள்கைகள், வாழ்க்கைத் தரத்தை முன்னேற்றம் திட்டங்கள், லட்சியங்கள் உள்ளிட்டவற்றை மேம்படுத்த ஐ.நா உழைத்துள்ளது.
1975- ம் ஆண்டை சர்வதேச பெண்கள் ஆண்டாக ஐக்கிய நாடு அறிவித்தது.
(Since its birth in the socialist movement, International Women’s Day has grown to become a global day of recognition and celebration across developed and developing countries alike. For decades, IWD has grown from strength to strength annually. For many years the United Nations has held an annual IWD conference to coordinate international efforts for women’s rights and participation in social, political and economic processes. 1975 was designated as ‘International Women’s Year’ by the United Nations. Women’s organisations and governments around the world have also observed IWD annually on 8 March by holding large-scale events that honour women’s advancement and while diligently reminding of the continued vigilance and action required to ensure that women’s equality is gained and maintained in all aspects of life.)

இந்தியாவை எடுத்துக்கொண்டால், இந்திய வரலாற்றில் பெண்கள் ஜனாதிபதியாகவும், பிரதம ராகவும், முதல்வராகவும், சபாநாயகராகவும், எதிர்கட்சி தலைவராகவும், ஆட்சியாளர்களாகவும், விண்வெளி வீராங்கனையாகவும், கல்வியில் சிறந்தவர்களாகவும் இடம் பெற்றுள்ளனர். மேலும் பெண்கள் தொழிலதிபர்களாகவும், நிகழ்ச்சி தொகுப் பாளர்களாகவும், குடும்பத்தலைவியாகவும் மேலும் பல துறைகளில் மேம்பட்டவர்களாகவும் திகழ்கின்றனர். டாக்டர்களாகவும், இன்ஜினியர்களாகவும், பைலட்களாகவும், விளம்பர மாடலிங்காகவும் தங்களது திறமையை வெளிப்படுத்தி வருகின்றனர். பெண்களுக்கு ஓட்டுரிமை அளித்திருப்பதில் உலகின் முதன்மையான நாடாக இந்தியா திகழ்கிறது. பெண்கள் ஆண்களுக்கு சமமாக சட்டரீதியான உரிமைகளை பெற்றுள்ளனர். பெண்கள் இன்று வேலைக்கு சென்று குடும்ப பொறுப்பை நிர்வகிக்கின்றனர். கடந்த சில ஆண்டுகளாக உலக பெண்கள் தினமானது முழுமனதுடன் சிறப்பாக கொண்டாடப்பட்டு வருகிறது. இனி வரும் காலம் பெண்களுக்கு பிரகாசமான, சமமான, பாதுகாப்பான வாழ்க்கை அமைய வேண்டும் என்பதே எல்லோருடைய விருப்பம்.

இந்தியாவில் உள்ள நகர்ப்புற பெண்கள் சமஅந்தஸ்து பெற்றவர்களாகவும், கல்வியறிவுடையவர்களாகவும், தங்களது எதிர்காலத்துக்கு நிர்ணயிப்பவர்களாகவும் இருக்கின்றனர். ஆனால் கிராமப்புற பெண்கள் வாழ்க்கை தரம் சற்று பின்தங்கியே உள்ள நிலையில் சற்று மெதுவாகவே முன்னேற்றம் அடைந்து வருகிறது. பொருளாதார முன்னேற்றத்திலும் சற்று பின்தங்கியே உள்ளனர். பெண் களுக்கு இழைக்கப்பட்ட கொடுமைகளான பெண் சிசுக்கொலை, குழந்தை திருமணம், பெண் அடிமைத்தனம் போன்றவை தடுக்கப் பட்டுள்ளது. இருப்பினும் பாலியல் கொடுமை, வரதட்சணை, பேறுகால மரணம், தீ விபத்துகளுக்கு ஆளாவது என பெண் கொடுமைகள் இன்றும் தொடர்கின்றன. அரசியல், தொழில், கல்வி, போன்றவற்றில் ஆண்களுக்கு நிகரான எண்ணிக்கையில் பெண்கள் இன்னும் உயரவில்லை. பெண்களுக்கு அனைத்து துறைகளிலும் சம உரிமை, சம வாய்ப்பு வழங்கப்பட வேண்டும். பெண்களின் வாழ்க்கைத்தரம் உயர இன்றைய தினத்தை அனைவரும் சிறப்பாக கொண்டாட வேண்டும்.

எமது இதிகாசங்களை உற்று நோக்கும் போது ஆரம்ப கால பெண்கள் மிகக் கெளரவத்துடனும் சுதந்திரமாகவும் காணப்பட்டதற்கான ஆதாரங்கள் கூறப்படுகின்றன. இடைக்காலப் பகுதியில் அந்நிய நாட்டினரின் ஆக்கிரமிப்புகள், பொருளாதார நெருக்கடி போன்ற சமூகக் காரணங்களால் பெண் இரண்டாம் நிலைக்குத் தள்ளப்பட்டாள். தற்போதைய நிலையிலும் இது தொடர்கின்றது என்பதை பலதரப்பட்ட மட்டங்களிலிருந்து அறியக்கூடியதாய் உள்ளது. இன்று ஊடகங்களில் நாளொன்றுக்கு பெண்கள் மற்றும் சிறுமிகளுக்கெதிரான ஒரு வன்முறையாவது அறிய முடிகின்றது. பெண்ணாக பிறப்பதாலேயே பெண்களுக்கெதிரான வன்முறைகள் நாளுக்கு நாள் பல்வேறு வடிவங்களில் அதிகரித்து வருகின்றன.

அதே நேரம், ஆண்களை விட பெண்களே அதிக சக்தி வாய்ந்தவர்கள் என்கின்றனர் விஞ்ஞானிகள். பெண்களை குளிரும், உஷ்ணமும் அதிகமாகப் பாதிப்பதில்லை.இயற்கையிலேயே பெண்களுக்கு மனோ பலமும், உடல்பலமும் இருக்கிறது. பெண் குழந்தைகளே ஆண் குழந்தைகளை விட, இரண்டு வாரங்களுக்கு முன்னதாகவே நடக்கப் பழகி விடுகின்றன; விரைவில் பல் முளைப்பதும் பெண் குழந்தைகளுக்குத் தான்.வார்த்தைகளை சுத்தமாக உச்சரிப்பதும் பெண் குழந்தைகள் தான். பெண்களுக்குத் தான் புத்திக்கூர்மை அதிகம் என்கிறது விஞ்ஞான ஆய்வு முடிவு.

பெண்களுக்கெதிராக நடைபெறுகின்ற வன்முறைகள் பல மட்டங்களிலும் பல விதமாக இடம்பெற்று வருகின்றன. அதாவது, குடும்ப வன்முறை, பாலியல் வன்முறை, பாலியல் தொல்லைகள், உடல் உள ரீதியான துன்புறுத்தல்களாக பட்டியலிட்டுக்கொண்டே போகலாம். பெண்களுக்கெதிரான வன்முறையானது உலகளாவிய ரீதியில் அதிகரித்துக் காணப்படுவதற்கான காரணங்களாக:

* யுத்தமும் இடப்பெயர்வும்

* பாதுகாப்பற்ற நிலைமை

* அடிப்படைத் தேவைகள் பூர்த்தி செய்யப்படாமை

* பொருளாதார நெருக்கடிகள்

* முகாம்களில் முறையான முகாமைத்துவமின்மை

* ஆண்கள் தமது ஆதிக்கத்தையும் அதிகாரத்தையும் செலுத்துதல்

* நல்ல சுகாதார வசதிகளின்மை

* மகளிர் உரிமை தொடர்பாக போதிய தெளிவின்மை

போன்றவை காணப்படுவதோடு, பெண்களுக்கு எதிரான வன்முறைக்கு இலகுவாக ஆளாகக் கூடிய பெண்களாக பின்வருவோர் காணப்படுகின்றனர்.

* வறுமைக் கோட்டின் கீழ் வாழும் பெண்கள்

* வலதுகுறைந்த,

* கர்ப்பிணிப் பெண்கள்

* வயோதிபப் பெண்கள்

* சிறுபிள்ளைகளின் தாய்மார்

* சிறுமியர்

போன்றோர் முக்கியமானவர்களாகக் காணப்படு கின்றனர். உலகளாவிய முறையில் நடத்தப்பட்ட 50 ஆராய்ச்சிகளின் அடிப்படையில் மூன்றுக்கு ஒரு பெண் என்ற விகிதத்தில் உடல், உள பாலியல் ரீதியான வன்முறைக்கு உள்ளாக்கப்படுவது தெரிய வந்துள்ளது.

சர்வதேச மகளிர் தினம், பெண்களுக்கெதிரான வன்முறைகள் ஒழிப்பு தினம் போன்றவை பெண்களுக்கெதிரான அடக்குமுறைகளுக்கும், வன்முறைகளுக்கும் எதிரான வெளிப்பாடுகளா கும். எனவே இத்தகைய தினங்களில் பெண்க ளின் உரிமைகளைப் பாதுகாக்க தமது பங்களி ப்பை குடும்பம், வேலைத்தளம், சமூகம், அரசு உள்ளிட்ட அனைவரும் வழங்குதல் வேண்டும்.

இன்று எமது நாட்டை எடுத்துக்கொண்டால் சட்டத்தரணி நிமல்கா பர்ணாந்து சொல்கிறார்,

“ஒட்டுமொத்தமாக ஜனநாயகம், மனித உரிமைகள், சுதந்திர ஊடகம் என்பவற்றிற்குப் பாரிய அச்சுறுத்தல் விடுக்கப்பட்டு வருகின்றது. மனித உரிமைகளுக்காகவும், ஜனநாயகத்திற்காகவும் குரல் கொடுக்கும் பெண் செயற்பாட்டாளர்கள், ஊடகவியலாளர்கள், சிவில் சமூக அமைப்புக்கள், பயங்கரவாதத்திற்கும் ஒடுக்குமுறைக்கும் ஆளாக்கப்பட்டுள்ளனர். போருக்கான கூக்குரலிடையே மறைந்திருந்த வண்ணம் இவ்வொடுக்குமுறை கட்டவிழ்த்து விடப்படுகின்றது”.
“போரும் சுனாமியும், இம்சையையும், இடப்பெயர்வையும் மாத்திரமே இன்று பெண்களுக்கு உரித்தாக்கியுள்ளது. போரின் இறுதிப் பெறுபேறுகள் எவ்வாறு அமைந்தாலும், அதன் கொடூரமான விளைவுகளை தாய்மாரும் மனைவியருமே அனுபவிக்கின்றனர். ஓட்டுமொத்தமாக சிங்கள, தமிழ், முஸ்லீம் பெண்களே துயரங்களை அனுபவிக்கின்றனர்”
அம்பாறை – மட்டக்களப்பு ஆகிய மாவட்டங்களில், பெண்களுக்கெதிரான பாலியல் வன்முறைச் சம்பவங்கள் அறிக்கையிடப்படுகின்றன”
“வன்முறையையும் இம்சைகளையும் இல்லாதொழிக்க, பெண்களாகிய நாம் முன்வருதல் வேண்டும்”
“பெண்களுக்கெதிரான வன்முறையை புறக்கணிப்பது முழுச் சமூகத்தினதும் பொறுப்பாகும்” (http://www.lankahermes.com/2009/03/08032009.html)

உங்களுக்குத் தெரியுமா?
கடந்த சர்வதேச மகளிர் தினத்தையொட்டிய செய்தியில் என்.சரவணன் என்பவர் சொல்கிறார், “நாளொன்றுக்கு 750க்கும், 1000க்கும் இடைப்பட்ட கருக்கலைப்புகள் இலங்கையில் செய்யப்படுகின்றன. இதில் 5 தொடக்கம் 6 வீதமான கர்ப்பிணித் தாய்மார் இறக்கின்றனர். அதாவது மாதமொன்றுக்கு 1000க்கும் மேற்பட்ட கர்ப்பிணித் தாய்மார் இறக்கின்றனர். மேலும் பலர்பக்க விளைவுகளால் நோயாளர்களாகின்றனர். எதனால் தெரியுமா?

(http://lankawomen.blogspot.com/2009/01/8-750-1000.html)

இன்று எமது நாட்டில் நடந்த 30ஆண்டு போர்ச் சூழலில் பெண்கள் கூடுதலாகப் பாதிக்கப்பட்டுள்ளார்கள். இவர்களிலும் கடந்தகாலங்களில் கிழக்கு மாகான பெண்களே பிள்ளைகளை இழந்தும், கணவனை இழந்தும் பாதிக்கப்படுள்ள நிலையில், தற்போது நடந்த கடைசி யுத்தத்தில் வன்னி பெண்கள் இக்கிழக்குமாகான பெண்களைப்போல் பாதிக்கப்பட்டுள்ளார்கள்.

இதே நேரம், இன்று சர்வதேச மகளிர் தினத்தையொட்டி ஏர் இந்தியா நிறுவனம் முழுக்க முழுக்க பெண்களாலேயே ஒரு விமானத்தை இயக்குகிறது.

மும்பையில் இருந்து அமெரிக்காவில் உள்ள நியூயார்க் நகருக்கு செல்லும் இந்த விமானத்தில் 4 பைலட்டுகளும் பெண்கள். அவர்களுக்கு உதவி செய்யும் அதிகாரிகள், உதவியாளர்கள் அனைவரும் பெண்களே நியமிக்கப்பட்டுள்ளனர். தொடர்ந்து 14 மணி நேரம் பயணம் செய்யும் இந்த விமானத்தை முற்றிலும் பெண்களே இயக்குவது இதுவே முதல் முறை.

இது தவிர மும்பை – பெங்களூர், மும்பை – ஆமதாபாத், மும்பை – நாக்பூர் ஆகிய 3 உள்நாட்டு விமானங்களையும் இன்று (8ம் திகதி) பெண்களே இயக்குகிறார்கள். இந்திய விமான பைலட்டுகள், சங்கத்தில் 136 பெண்கள் பதிவு செய்துள்ளனர்.

அன்று தொடங்கிய போராட்டம் இன்றும் பல விதங்களில் தொடர்ந்து காலத்தின் தேவைக்கேற்ப மகளிர் தங்களின் சவால்களை முன்வைத்துப் போராடி வருகின்ற நிலையில் உலகளாவிய ரீதியில் பெண்கள் அமைப்புகள், அரசாங்கங்கள் மார்ச் 8ம் திகதியை சர்வதேச பெண்கள் தினமாக, உலகம் முழுவதும் கொண்டாடப்படுவது பொருளாதாரத்தில், உரிமையில், சமூக அமைப்பு என்று பல வகைகளில் ஆண்களுக்கு அடிமைப்பட்டு, அடைந்து கிடக்கும் பெண்களுக்கு தன்னம்பிக்கை ஊட்டவும், அவர்கள், ஆண்களுக்கு எந்த விதத்திலும் குறைந்தவர்கள் அல்ல என்ற நிலையை உருவாக்குவதற்காகவுமேயாகும்.

This year’s theme of International Women’s Day is “Equal rights, equal opportunities: Progress for all”

So make a difference, think globally and act locally !!

Make everyday International Women’s Day. Do your bit to ensure that the future for girls is bright, equal, safe and rewarding!!!

அலெக்ஸ் இரவி

மேலும் கடந்த வருட சர்வதேச பெண்கள் தின செய்திக்கு:

சர்வதேச மகளிர் தினம் : வறுமைக்கும் வன்முறைக்கும் எதிராக பெண்கள் முழக்கம்!

சில அதிர்ச்சித் தரவுகள்:

http://www.thinakaran.lk/vaaramanjari/2009/09/13/?fn=g0909131&p=1

.

ஆதாரங்கள்/ Referances:

http://www.internationalwomensday.com/about.asp

http://www.lankahermes.com/2009/03/08032009.html

http://interestinghotpage.blogspot.com/2009/03/08.html

http://www.dinamalar.com/fpnnewsdetail.asp?news_id=6829

http://www.thinakaran.lk/vaaramanjari/2010/03/07/?fn=g1003071

http://www.alaikal.com/news/?p=33337

http://lankawomen.blogspot.com/2009/01/8-750-1000.html

7 thoughts on “நூறாவது சர்வதேச பெண்கள் தினம் : அலெக்ஸ் இரவி”

  1. பெண்ணின் பெருமை!
    ————————————–
    பட்டங்கள் ஆள்வதும் சட்டங்கள் செய்வதும்
    திட்டமிட்டுக் குடும்ப நிர்வாகம் நடாத்துவதும்
    கட்டுப்பாடாய் இல்லறத்தை கவனமாக உயர்த்துவதும்
    எட்டுத்திசை எங்கணுமே பெண்ணின் பெருமையதே!

    கருவை உருவாக்கக் காத்திருந்தாள் பத்துமாதம்
    அருவருப்புக் கொள்ளாது அனைத்துப் பணிவிடையும்
    விருப்பத்துடன் நிறைவேற்றி விளக்கொளியாய் வலம்வரும்
    அருமைப் பெண்மையின் பெருமையைப் போற்றுவோம்!.

    விண்ணிலே ஒளிவிடும் நிலவினைப் போலவே
    கண் ணவன் கணவனின் காரியம் யாவிலும்
    பண்ணிலே இசையின் பரிமாணம் ஒலிப்பதுபோல்
    வண்ணமாய்க் கலந்திடும் பெண்மையைப் போற்றுவோம்.!

    சொல்லும் மியன்மாரில் “சூகி’ அம்மையாரும்
    வல்லசிறீ லங்காவில் வனிதை ‘ஜின்சில’வும்
    பெண்கள் விடுதலைக்குப் பெருமைக் குரல்கொடுக்கும்
    கண்களாய் பெண்களின் பெருமைக் கூறுவோம்!

    – வள்ளியம்மை சுப்பிரமணியம்.

  2. சர்வதேச மகளிர் தினம் இன்று! ஈழவிடுதலைப் போராட்டத்தில் பெண்களின் பங்கு!
    -சாகரன்

    சர்வ தேச மகளிர் தினம் இன்று. ஈழவிடுதலைப் போராட்டப் போக்கில் பெண்களின் பங்கு பற்றிய விடயங்களின் அடிப்படையில் இவ்தினத்தை சற்ற பார்ப்போம். இன்று நேற்று மட்டும் அல்ல ஆதிப் பொதுவுடைமைச் சமுதாயத்தில் இருந்து இன்றைய ஜனநாக, சோசலிஷ, முதலாளித்துவ சமுதாய அமைப்புகள் வரை நிர்வாகத்தில் சிறந்து விளங்குவது பெண்களே. ஆண் மேலாதிக்க சமுதாயம் இதனை ஏற்காமல் அவளை அடுப்பங்கரையிலும் ஆத்துக்குள்ளும் முடக்கி. அடக்கி ஒடுக்கி வைத்திருப்பதுவுமான நிலமைகளே பெண்கள் விடயத்தில் மேலோங்கி இருக்கின்றன. இதனை உடைத்தெறிய புறப்பட் பெண் போராளிகள் பலரைக் கொண்டதே ஈழவிடுதலைப் போராட்ட வரலாறு.

    ஈழவிடுதலைப் போராட்டத்தின் 80 களில் பெண்விடுதலைக்கான முஸ்தீபுகள் மிகவும் ஆரோக்கியமாக ஆரம்பித்திருந்தன. குறிப்பாக ஈபிஆர்எல்எவ், புளொட், ஈரோஸ் போன்ற விடுதலை அமைப்புக்கள் பெண்கள் விடுதலை தேசியவிடுதலைப் போராட்டத்தின் ஒரு அங்கம் என்றும் தேச விடுதலையைத் தொடர்ந்த வர்க்க விடுதலை என்பது பெண்களின் விடுதலை இல்லாமல் இல்லை என்பதை கோட்பாடாக ஏற்றுக் கொண்டு பெண்களையும் தமது விடுதலை அமைப்புக்களில் இணைத்து செயற்பட்டு வந்தனர். பெண்விடுதலையை முன்னெடுக்கும் முகமாக பத்திரிகைகள், போராட்டங்கள், அரசியல் வகுப்புக்கள், பாசறைகள் என அவர்களின் செயற்பாடுகள் நீண்டு கொண்டே வந்தன.

    புளொட்டில் சாந்தி, கலா என பெண் போராளிகளும் ஈபிஆர்எல்எவ் இல் அஞ்சலி ஞானா அக்கா, தாரணி, பானு, மேரி, அம்பிகா என்று பெண் போராளிகளின் பட்டியலும் நீண்டு விரிந்து போகின்றது. இப் பெண் போராளிகள் வெறும் துப்பாக்கிளை ஏந்த மட்டும் பாவிக்கப்படவில்லை. மாறாக பெண்களின் விடுதலைக்காக அவர்கள் ஈழவிடுதலைப் போராட்டத்தில் இணைந்து செயற்பட்டதாகவே வரலாறு பதிவு செய்துள்ளது. 80 களின் நடுப்பகுதியில் தொடர்ந்த புலிகளின் மாற்ற அமைப்புக்களைத் தடை செய்தல் என்ற நிகழ்வுகளினால் இவர்கள் தொடர்ந்தம் தமது பெண் விடுதலைக்கான செயற்பாட்டை முன்னெடுக்க முடியாமல் போனது இன்று வரை தொடர்கின்றது. புலிகளின் மாற்று கருத்தாளர்கள் மீதான துப்பாக்கித் தடைகள் அன்று ஏற்படாவிட்டால் இன்று ஈழத்து பெண்களின் விடுதலை இன்னும் முன்னேற்றகரமான ஒரு பாதையில் மேலும் உக்கிரமாக முன்னெடுத்துச் செல்லப்பட்டிருக்கும். தமது விடுதலைக்காகவும் ஈழவிடுதலைக்காகவும் வர்க்க விடுதலைக்காகவும் அவர்களால் நடாதப்பட்ட பத்திரிகைகள், வெளியீடுகள் இன்று பதிவுகள் இன்று மறைக்கப்பட்டாலும் அவர்களின் பெண்விடுதலைக்கான செயற்பாட்டின் தாக்கங்கள் இன்றும் எம் சமுதாயத்தில் தாக்கத்தை ஏற்படுத்திக் கொண்டுதான் இருக்கின்றன.

    புலிகளைப் பொறுத்தவரையில் தமது இராணுவ செயற்பாடுகளுக்கு பாவித்தல் என்ற அணுகு முறையே பெண்கள் விடயத்தில் அவர்கள் பெரிதும் கையாண்டு வந்தனர். யாழ்பாண மத்தியதர வர்க்க குணாம்ச சிந்தனையை அடிப்படையாக வைத்தே பெண்களை குறி வைத்து அடல் பாலசிங்கம் அணிதிரட்டினார். 1000 ரூபாய் மாதக் கொடுப்பனவு, புது ஏசியா பெண் துவச்சக்கர வண்டி, நீலநிற அழகு கைப்பை ‘புதிய பறவையடா! கவனம்’ என்ற எச்சரிகையை கொடுக்கும் மிரட்டல் பார்வை என்ற அணுகு முறமையை கொண்டு பெண்களை அணிதிரட்டினர். உளவு பார்த்தல் என்ற நடைமுறைக்களுக்குள் இவர்களை மட்டுப்படுத்திக் கொண்டனர். முளிவாய்காலில் புலிகளின் மரணம் சங்கமிக்கும் வரை புலிகளின் ‘பெண்விடுதலை’ இராணுவத்துடன் துப்பாக்கிச் சமரில் மடிதல் என்ற வளர்ச்சிப் போக்கு வரையும்தான் வளர முடிந்தது. அதுவரைதான் வளரவும் விட்டடார்கள் புலிகளில் இருந்து ஆணாதிக்கவாதிகள். வாழ்கைத் துணைவரைக் ‘கொன்றுவிட்டு வெள்ளை சீலை கொடுத்தனுப்புதல்’ என்ற வக்கிரமான படுபிற்போக்குத்தனமான அணுகுமுறையை மட்டும் புலிகள் கொண்டிருந்தனர். இது மாத்தையாவின் மனைவிக்க மட்டும் அல்ல பல இடங்களில் புலிகளினால் பாவிக்கப்பட்ட ‘முற்போக்கு’ செயற்பாடு ஆகும். புலிகளின் பெண் தளபதிகளும் இதனை ஏற்றே இருந்தனர்.

    போரின் கொடுமைகளினால் புலம் பெயர்ந்த பெண்கள், புலம் பெயர்நாடுகளில் நிலவும் டாலர்களை ஈட்டும் பொருளாதார சுதந்திரம் ஈழத்துப் பெண்களையும் தைரியமாக சுதந்திரமாக முடிவெடுக்கும் நிலைகளுக்கு தள்ளியிருக்கின்றது என்பது ஒரு ஆரொக்கியமான நிலமையாக இருக்கின்றது. இதன் மறுபுறத்தில் குடும்ப உறவுகளில் முரண்பாடுகள், பிரச்சனைகள் ஏற்படும்போது குந்தி இருந்து பேசித்தீர்க்கக் கூடிய பிரச்சனைகளையும் ‘எடுத்தேன் முடித்தேன்’ என்று தனியாக பிரிந்து பிள்ளைகளைத் தவிக்கவிடும் நிலைமைகளை ஏற்படுத்தியும் இருக்கின்றது. இதன் அர்த்தம் ஆணாதிக்கத்திற்கு அடங்கி ஒடுங்கி அடிமையாக இருத்தல் என்பதல்ல. பிள்ளைகளை முன்னிலைப்படுத்தி மண முறிவைத்த விர்த்தல் என்று அணுகுமுறையை முன்னிலைப்படுத்தி செயற்படுதல் என்பதனை பின்னுக்கு தள்ளியுள்ளது என்பதாகும். இது போன்ற மண முறிவுகளில் ஆணுக்கும், பெண்ணுக்கும் பிள்ளைகளைத் தவிக்கவிடுவதில் ஏதோ ஒரு வகையில் சம பங்களிப்புள்ளதை நாம் காணக் கூடியதாக இருக்கின்றது.

    தன்னைக் கொலை செய்ய பிரபாகரனால் அனுப்பட்ட பெண் புலி உறுப்பினர்களை மன்னித்து விடுதலை செய்த மனித நேய மிக்க முற்போக்கு சிந்தனை தோழர் நாபா இடம் இருந்தது வரலாறு. ஈழவிடுதலைப் போராட்டத்தில் பெண்களின் முற்போக்கான பாத்திரத்தை அங்கீகரித்தே அவர்களை விடுதலை செய்யச் சொன்னார். ஆமைப்பு வேறுபாடுகளுக்கு அப்பால் வீட்டு அடிமைத்தனம், சமூக அடிமைத்தனம், ஆண்மேலாதிக்கம் போன்ற அடக்கு முறைகளை உடைத்தெறிந்த வண்ணம் போராட புறப்பட்ட பெண்கள் வரிசையில் இப் புலிப் பெண் உறுப்பினர்களைப் தான் பார்ப்பதாகவும், இப் பெண்கள் தம் முன்னே உள்ள தடைகளை உடைத்தெறிந்து போராடப் புறப்பட்ட முற்போக்குத் தன்மைக்காக விடுதலை செய்த பத்மநாபாவின் பெண்கள் விடுதலை சம்மந்தமான கண்ணோட்டத்தை இவ் மகளிர் தினத்தில் சீர்தூக்கிப் பார்தல் அவசியமாகின்றது.
    நான் இன்று உயிர் வாழ்தலுக்கான முக்கிய காரணமாக இருந்த ஒரு கால் வழங்காத நிலையில் உள்ள அம்மாவையும் இவ் சர்வதேச மகளிர் தினத்தில் சீர்தூக்கிப் பார்கின்றேன். எம் சமூகத்தில் இலை மறை காயாய் ஒளிந்திருக்கும் இப் போர்குணம் மிக்க அம்மாக்கள் ஈழவிடுதலைப் போராட்டத்தில் கிராமங்கள் தோறும் இலை மறைகாயாய் இருந்திருகின்றனர், இன்னும் இருக்கினறனர். செம்மண் பிரதேசமாம் சிறுப்பிட்டி உரும்பிராய் பகுதியில் போராளிகளுக்கு வறுமையிலும் உணவ+ட்டி பாதுகாத்த தேவி அக்காவையும், தோழர் நக்கீரனின் வாழ்வுத் துணையையும் நாம் மறக்க முடியுமா?. மண் திண்ணையிலும் இரவு பகல் பராமல் எம்மை பராமரித் தோழர் திலக்கின் சகோதரிகள், தயார் போன்றோரும் மிக மகத்தான பங்களிப்பை ஈழவிடுதலைப் பேராட்டத்தில் செய்தே இருக்கின்றனர்.

    மருதமுனைக் கிராமத்தில் விசேட அதிரடிப்படையினரிடம் இருந்து போராளிகளைக் காப்பாற்றிய அந்த முஸ்லீம் சகோதரி எந்த ‘சமூகக் கட்டுப்பாடுகளை’யும் உடைத்து போராளிகளை தனது வாழ்கைத் துணைவர் என படுகை அறையில் வைத்துக் காப்பாற்றிய வீரவரலாற்றை கொண்டதல்லவா எமது ஈழப் பெண்களின் வரலாறு. மேற் கூறிய வரலாறுகள் எமது மண்ணில் கிராமம் தேர்றும் நிகழ்ந்தன என்பது பதிவு செய்யப்பட வேண்டிய விடயம். இன்றைய சர்வ தேச மகளிர் தினத்தில் இவ் எம் குலத்து தாய்களுக்கு, சகோதரிகளுக்கு சிரம் தாழ்த்தி வணங்குவதில் நாம் பெரும் மகிழ்ச்சி அடைகின்றோம்

    சிவரமணி, செல்வி, தயாவர்சினி, போன்ற கவிஞர்களின் காத்திரமான பங்களிப்புகளும், ராஜினி திரணகம போன்ற சமூகவியலாளர்களின் பங்களிப்பும் இன்று புலிகளினால் மண்ணோடு புதைக்கபபட்டுள்ளன. இவை தவிர்க்கப்பட்டிருப்பின் பெண்களின் விளிப்புணர்வு ஈழத்தில் மேலும் மெருகூட்டப்பட்டிருக்கும். நான் பல்கலைக் கழகத்தில் படித்த காலத்து முற்போக்கு கவிதையாயினி சாவச்சேரி இரததி;னபூபதியின் கவிதைகளும், சமூக பெண் ஒடுக்குமுறைக்கான போராட்ட வரைவுகளும், ஈழவிடுதலைப் போராட்டத்தில் நிலவிய அராஜகப் போக்கினால், அவர் பிறந்த சமூகப் பின்னணியினாலும் வெளியே எழும்பி வரமுடியாமல் முடக்கப்பட்டதும் சோக வரலாறுதானே.
    யாழ்பாணப் பல்கலைக் கழகத்தில் சுதந்தரப் பறவை என்று புலிகளால் அமைக்கபட்ட பெண்கள் அமைப்பு புலிகளின் தேவைகளை, உளவுகளை பார்பதற்கு மட்டும் பாவிக்கப்பட்டு இன்று மண்ணோடு மண்ணாய் போய்விட்டது. இதில் ஆரம்ப காலத்தில் வேலை செய்த போர்குணம் மிக்க புனிதா, சாந்தி போன்றவர்களின் குரல் வளைகள் நசுக்கப்பட்டு இன்று ஏதொ ஒரு மூலையில் ஒடுங்கியதும் உண்மைதானே. பிரபாகரன் மதிவதனியை கடத்தி பின்பு நிர்பந்த விருப்பு மணம் செய்ததும் ஒரு வகை பெண் ஒடுக்கு முறையின் உச்சக்கட்டம்தான். தவிர்க்க முடியாத சூழலில் பிரபாகரனின் விருப்பை ஏற்று தன சுயவிருப்பைத் தவிர்த்து பிரபாகரனுடன் வாழ முற்பட்டது எந்தவகையிலும் ஆண் மேலாதிகத்தில் இருந்து பிரித்து பார்க்க முடியாது ஆகும். மதிவதனியின் ஆத்மாவிற்கு மட்டும் தெரிந்த இந்த உண்மை ஆய்வாளர்களால் எதிர்வு கூறப்பட்ட ஒன்றும் ஆகும்.

    மறுமணம் என்று வரும் போது ஆணின் விருப்புகள், உணர்வுகளுக்கு அளிக்கும் முக்கியத்துவம், தேவை பெண்களுக்கு ஒரு வீதமேனும் கொடுப்பதில்லை என்ற கொடுமையான நிலமையே ஈழத்து பெண்களிடத்து இன்றும் இருக்கினறது. இதில் பாரிய மாற்றம் கொண்டு வரப்பட வேண்டும். சமூகம் இதில் பெரும் தடைகற்களை கலாச்சாரம், பண்பாடு, ஒழுக்கம் என்ற வரையறைகளைப் பெண்களுக்கு மட்டும் போட்டு பெண்களுக்கு தண்டனை வழங்குகின்றது என்றே கூறவேண்டும். ஆண்கள் மறுமணம் செய்யும் போது பிள்ளைகளைப் பார்த்துக் கொள்ள ஒரு அம்மா தேவை என்று சொல்லும் காரணத்தை பெண்களின் மறுமணத்திலும் இணைத்துப்பார்கத் தயாரா? என்றால், இல்லை என்பதே பொதுவான பதில். இது ஆணாதிக்க செயற்பாட்டின் ஒரு வடிவம்தானே. இதற்கு பலரும் கூறும் வசதியான காரணம் அப்பா இல்லாமல் பிள்ளைகளை வளர்கலாம், ஆனால் அம்மா இல்லாமல் வளர்க்க முடியாது என்பதே. இதில் பெண்ணின் வலிமை, இயலுமை ஏற்றுக் கொள்ளும் விடயங்கள் தொனிப் பொருளாக இருந்தாலும் பொதுமை என்று வரும் போது பெண்கள் ஆணில் தங்கியிருப்பவள் என்ற எல்லைக்குள் முடக்கி தமது ஆணாதிக்க செயற்பாட்டை நிலைநாட்டும் முரண்பாட்டையே நடைமுறையில் நாம் காண்கின்றோம்.

    மலையகப் பெண்களின் தினக் கூலி வாழ்வும் அதனைத் தொடர்ந்த மாலை நேர குடும்ப வேலைச் சுமைகளும் மீளமுடியாத துன்ப வாழ்விற்குள் மலையகப் பெண்களைத் தள்ளியுள்ளது. பெண்களுக்கு மாதத்தில் வரும் உபாதை நாட்கள், குழந்தைகளை வயிற்றில் சுமக்கும் கடினமான கால கட்டங்;கள், கழந்தையைப் பெற்றெடுத்த பின்னான ஓய்வு அதவையான நாட்கள் போன்றவற்றை இவர்களுக்கு இருக்கும் பொருளாதாரச் சுமை வேலைக்குச் செல்லாமல் ஓய்வெடுத்தலை தவிர்க்க வைக்கின்றது. இதில் மலையகப் பெண்களுக்கு விடுதலை வேண்டும். இதற்கான போராட்டத்தை முன்னெடுப்போம் என்ற இச்சர்வ தேச மகளிர் தினத்தில் உறுதி எடுப்போம்.

    இலங்கையில் ஏற்பட்ட போர் நிலமைகளினால் விதவைகள் ஆக்கப்பட்ட பெண்களின் எதிர்கால வாழ்வு ஆணாதிக்கமற்ற சமூகப் பிரஞ்ஞையுடன் அணுகி தீர்க்கப்பட வேண்டிய முக்கியமான ஒன்றாகும். போரினால் கணவனை, அன்புக்குரியவனை, மகனை, தந்தையை ஏன் குடும்ப உறுப்பினர் அனைவரையும் இழந்து தவிக்கும் பெண்களின் மறுவாழ்வு என்பது இன்றய பிரதான விடங்களில் ஒன்றாக அமைகின்றது. இதில் குறிப்பாக இளைஞர்கள் மறுவாழ்வு அளித்தல் என்பதில் அர்பணிப்புடன் செயற்பட்டு தவித்து, தனித்து நிற்கும் எம்மின சகோதரிகளின் வாழ்வில் இணைந்து, இயைந்து ஒரு நம்பிக்கையான வாழ்வுத் தடத்தில் அவர்கள் பயணிக்க வாழ்வை இழந்த பெண்களுக்கு உறுதுணையான வாழ்க்கைத் துணைகளாக தம்மை ஆக்கும் முற்போக்குச் சிந்தனை வட்டத்திற்குள் தம்மை இணைத்துக் கொள்ள வேண்டும். இதனைவிடுத்து மீண்டும் பழைய ஆணடிமைச் சமுதாயச் சிந்தனையில் செயற்படுதல் ஏற்புடையதல்ல.

    இந்த சர்வதேச மகளிர் தினத்தில் ஈழப் போராட்டத்தில் வாழ்வை ஏதொ ஒருவகையில் பறிகொடுத்த பெண்களின் மறுவாழ்விற்காக நாம் இணைந்து செயற்படுவொம் என்று சத்தியப்பரமாணம் எடுத்துக் கொள்வோம்.
    பங்குனி 08, 2010
    நன்றி! சூத்திரம் இணையம்.

  3. சர்வதேச பெண்கள் தின செய்திகள் மிகவும் அருமையாக இருக்கிறது.வாழ்த்துக்கள்!! நன்றி நன்றி நன்றி

  4. புலிகளினால் அகதியாக்கப்பட்டு சர்வதேச விருது பெற்றுக்கொண்ட சகோதரி ஜன்சிலா மஜீத்!

    எமது ஈழத்து தமிழ் முஸ்லிம் சகோதரி ஜன்சிலா மஜீத் இன்று (மார்ச் 10) 2010 ஆம் ஆண்டிற்கான தைரியமிகு பெண்மணிக்கான விருதை (International Women of Courage – IWOC) அமெரிக்க இராஜாங்க செயலகத்தில் நடந்த விருது வழங்கும் வைபவத்தில் அமெரிக்க இராஜாங்கச்செயலாளர் கிலரி கிளின்டனிடமிருந்து பெற்றார்.

    முல்லைத்தீவு மாவட்டம் தண்ணீர் ஊற்றை பிறப்பு இடமாகக் கொண்ட சகோதரி ஜன்சிலா மஜீத் அவர்கள் யாழ் . ஒஸ்மானியா கல்லூரியில் கல்வி தொடர்ந்திருந்த வேளையில் 90களில் தமிழீழ விடுதலை புலிகளால் யாழ் மண்ணை விட்டு குடும்பத்துடன் விரட்டப்பட்டு புத்தளத்தில் கடந்த 20 வருடங்களாக அகதியாக வாழ்ந்து வரும் வேளையில் இடம்பெயர்ந்த தமிழ், முஸ்லிம் மக்களிக்கிடையில் சமூக நம்பிக்கை நிதியம் (Community Trust Fund) என்ற அரச சார்பற்ற அமைப்பு மூலம் நிருவாக நம்பிக்கையாளராக (managing trustee) சேவை புரிந்து வருகிறார் என்பது குறிபிடத்தக்கது.

    விருது வழங்கும் போது வாழ்த்து தெரிவித்த இராஜாங்கச்செயலாளர் கிலரி கிளின்டன் கூறினார், ” கடந்த 20 வருடங்களாக இடம்பெயர்ந்து வாழும் சகோதரி ஜன்சிலா மஜீத் அவர்கள், புத்தளம் மாவட்டத்தில் வாழும் இடம்பெயர்ந்த தமிழ், முஸ்லிம் மக்களுக்கிடையேயான ஓர் குறிப்பிடத்தக்க பெண் என்றும், புத்தளம் பிராந்திய சக நம்பிக்கை நிதியத்தின் நிருவாக நம்பிக்கையாளராக திகழ்கின்றார் என்றும், அவருக்கு இன்று கொடுக்கப்படும் விருது, அவரின் இடம்பெயர்ந்த தமிழ், முஸ்லிம் சிறுபான்மையிரையிடயான தலைமைத்துவம், புனர்வாழ்வு, இடம்பெயர்ந்தவர்க்கான மீள் குடியேற்றம், மக்களின் வாழ்க்கை நிலையை உயர்த்துவதற்கும், அந்த சமூகங்களிடையே ஒற்றுமையை மேலோங்கச் செய்வதற்கும், முக்கிய பங்களிப்பு வழங்கியுள்ளதற்கும் ஆகும்” எனத் தெரிவித்தார்.

    SECRETARY CLINTON: Jansila Majeed of Sri Lanka is a women who lived as an internally displaced person for almost 20 years. She became one of the few women activists working on behalf of the displaced Muslim and Tamil civilians and is the managing trustee of the Community Trust Fund in Puttalam Province. She’s being honored for her dedicated grassroots activism and minority community leadership on behalf of women and girls, their empowerment, peace building, relief work, the resettlement of internally displaced persons, and a commitment to bringing society together. Congratulations.

    ஆண்டுதோறும் தெரிவு செய்யப்படும் பத்துப் பேரில் ஒருவருக்காக இவருக்கு கிடைத்திருக்கும் இவ் விருது, 2007ஆம் ஆண்டு அப்
    போதைய இராஜாங்க செயலாளர் கொண்டலிசா ரைசினால் ஆரம்பித்து வைக்கப்பட்டு சர்வதேச அளவில் தலைமைத்துவம், பெண்ணுரிமை, பெண்களின் முன்னேற்றத்திற்காகத் துணிவுடன் சிறப்பாகப் பணியாற்றும் பெண்கள் பத்துப் பேர் வருடந்தோறும் தேர்வு செய்யப்படுகின்றார்கள்

    இன்று இவ்விருதை சுக்ரியா (ஆப்கானிஸ்தான்), சபீக்கா குரைஷி (ஆப்கானிஸ்தான்), அன்ட்ரொலா ஹென்ரிக்ஸ் (சைப்ரஸ்), சோனியா பியரே (டொமினிகன் குடியரசு), ஷாடி சத்ர் (ஈரான்), ஏன் ஜோகு (கென்யா), டாக்டர். லீ அய்ரன் (கொரியா), மேரி கிளெடே நதாப் (சிரியா). ஜெஸ்டினா முகோகோ (ஸிம்பாப்வே) ஆகியோரும் பெற்றுக்கொண்டனர்.
    விருது வழங்கும் விழாவிற்கான விடியோ; சகோதரி ஜன்சிலா மஜீத் விருது பெறுவது 38 -40 நிமிடத்தில் இணைக்கபட்டுள்ளது:
    http://www.dailymirror.lk/index.php/video/2279-international-women-of-courage-awards-2010.html

    விருது வழங்கும் வைபவத்தில் அமெரிக்க இராஜாங்கச்செயலாளர் கிலரி கிளின்டன், அமெரிக்க முதல் பெண்மணி மிஷெல் ஒபாமா ஆகியோருடன் ஜென்ஸிலா மஜீத் எடுத்துக்கொண்ட படம்:
    http://sec.wbir.com/photo/0evj47N3yc2LH?q=Sri+Lanka

    புகைப்படத் தொகுப்பு:
    http://www.virakesari.lk/VIRA/Online_Gallery/ms_jenzilamajeedphotos/index.htm

    – அலெக்ஸ் இரவி

  5. முன்னைய தொடர்பான செய்திக்கு:
    ஈழத்து பெண்ணிற்கு “சர்வதேச பெண்களிற்கான விருது!
    http://inioru.com/?p=11030

    நூறாவது சர்வதேச பெண்கள் தினம்!
    http://inioru.com/?p=11225

    சர்வதேச பெண்கள் தினத்தின் வரலாற்றுப் பரிணாமம்!
    http://inioru.com/?p=11219
    சர்வதேச பெண்கள் தினம் நூறாவது ஆண்டு-நாம் என்ன செய்யவேண்டும்!
    http://inioru.com/?p=11267

Comments are closed.