ஆண் – பெண் விகிதம் பஞ்சாபில் குறைகிறது : பெண் சிசுக்கொலை காரணம்.

 பெண் சிசுக்கொலையால் பஞ்சாபில் ஆண் – பெண் எண்ணிக்கை விகிதம் வெகுவாக குறைந்தது.

பஞ்சாப் மாநிலத்தில் பெண் குழந்தைகளை விட, ஆண் குழந்தைகளே அதிகம் உள்ளனர். கிராமம், நகரம் என எல்லாப்பகுதிகளிலும் பெண் குழந்தைகள் வேண்டாம் என்ற எண்ணம் தலைதூக்கி நிற்கிறது. கடந்த 2001-ம் ஆண்டு இம்மாநிலத்தில் 793 பெண் சிசுக்கொலை நடந்தது.

 இதையடுத்து 2006-ம் ஆண்டு தேசிய குடும்ப நல சர்வே நடத்தப்பட்டது. இதில் பெண் சிசுக்கொலை எண்ணிக்கை 776 ஆக இருந்தது. பெண் சிசுக்கொலை தொடர்ந்து ஏற்படுவதால் ஆயிரம் ஆண்களுக்கு 761 பெண்கள் என்ற நிலை உள்ளது. திருமணத்தின்போது கூடுதல் வரதட்சணை தர வேண்டியுள்ளதால், பெற்றோர், பெண் குழந்தைகளை விரும்புவதில்லை. நாட்டில் உயர் வாழ்க்கைத் தரம் கொண்டதாக உள்ள சண்டிகரில் பெண் – ஆண் விகிதம் 777: 1000 என்ற நிலையில் உள்ளது.

பஞ்சாப் பல்கலைக்கழகத்தின் பொருளாதாரத்துறை பேராசிரியர் கமால் ஜீத் கூறுகையில், இன்றைய கால கட் டத்தில் பெண் குழந்தை பிறப்பு என்பது எதிர்காலத் திற்கான மோசமான முதலீடு என கருதுகின்றனர். பெண் குழந்தைகளை விட, ஆண் குழந்தைகளே தங்களது வய தான காலத்தில் காப்பாற்றுவார்கள் என பெற்றோர் கரு துகின்றனர் என்றார்.

பெண் சிசுக்கொலை நடுத்தர வருவாய் உள்ள குடும்பங்களிலும், உயர் வருவாய் உள்ள குடும்பங்களிலும், இம் மாநிலத்தில் ஏற்படுகிறது. பெண் சிசுக் கொலைக்கு எதிராக போராடுவோம் என்று டாக்டர் கவுர் கூறினார்.

பெண் சிசுக்கொலையை தடுப்பதற்கு முனைப்புடன் செயல்படும் அவருக்கு, பல்வேறு அரசுகள் விருதுகள் வழங்கி கவுரவித்துள்ளன. சட்டத்தால் மட்டும் பெண் சிசுக் கொலையை தடுக்க முடியாது என்றும் அவர் கூறினார்.

One thought on “ஆண் – பெண் விகிதம் பஞ்சாபில் குறைகிறது : பெண் சிசுக்கொலை காரணம்.”

  1. கனடா குருத்வாரா அருகே மோதல் : சீக்கியர்கள் மூன்று பேர் கைது

    கனடாவில், குருத்வாரா அருகே சீக்கியர்களுக்கிடையே நடந்த மோதலில், நான்கு பேர் காயமடைந்தனர். இது தொடர்பாக, மூன்று பேர் கைது செய்யப்பட்டனர். கனடாவின், Brampton (Toronto) பகுதியில் சீக்கியர்களின் புனித இடமான குருத்வாரா அமைந்துள்ளது. நேற்று நூற்றுக்கும் மேற்பட்டோர் அங்கு வழிபாடு நடத்துவதற்காக சென்றிருந்தனர். அப்போது, அவர்களில் இரு பிரிவினர்களிடையே திடீர் என மோதல் ஏற்பட்டது. இதையடுத்து, ஒருவரையொருவர் ஆயுதங்களால் தாக்கிக் கொண்டதில் நான்கு பேருக்கு காயம் ஏற்பட்டது. சம்பவ இடம் சென்ற போலீசார், இது தொடர்பாக மூன்று பேரை கைது செய்து, அவர்களிடமிருந்த ஆயுதங்களையும் கைப்பற்றினர். இதுகுறித்து, மூத்த போலீஸ் அதிகாரி ஒருவர் கூறுகையில், ‘ வன்முறை சம்பவங்களை அனுமதிக்க முடியாது, சட்ட விரோதமாக யார் நடந்து கொண்டாலும் அவர்கள் மீது பாரபட்சமின்றி நடவடிக்கை எடுக்கப்படும்’ என்றார்.

Comments are closed.